رۆژنامە عەرەبییەکان

سەباح

• وەزارەتى نەوتى عێراق: دەستپێکردنەوەى هەناردەى نەوتى هەرێمى کوردستان نزیکە
• کۆمسیۆنى هەڵبژاردنەکان مۆڵەت بە 268 حزب دەدات و تۆمارکردنى لەدایکبووانى 2005ـیش لە لیستى دەنگدەراندا دەستپێدەکات
• حکومەتى عێراق نوسخەیەکى نوێى پرۆژەیاساى “ئازادى بیروڕاو مافى خۆپیشاندان” رەوانەى پەرلەمان دەکات و گەشبینى هەیە کە پەسەندبکرێت

شەرقولئەوسەت

• سالم جەمیلى بەڕێوەبەرى هۆبەى ئەمریکا لە هەواڵگرى سەدام حسێن: بەغداد پلانى تیرۆرکردنى جۆرج بوشى باوک- سەرۆکى ئەوکاتى ئەمریکای داڕشتبوو کاتێک لە ساڵى 1993 سەردانى کوەیتى کردبوو
• جوڵەکانى باڵیۆزى ئەمریکا لە عێراق مشتومڕ دەنێتەوە.. سکاڵایەکى یاساى تۆمەتبارى دەکات کە سەرپێچى یاساکانى هاتوچۆى کردووە لەنێو ناوچەى سەوزدا
• فەرماندەیەکى دیارى سوپاى سودان: لەو ناوچانەى سودان کە دەوڵەمەندن بە زێڕ، هێزەکانى ڤگنەرى رووسى بوونیان هەیە

قودسى عەرەبى

• ئێران داوا لە دەسەڵاتى دادوەریی عێراق دەکات چاودێریی دۆسیەى سولەیمانى و موهەندیس بکات
• ئەڵمانیا دوو تۆمەتبارى لایەنگری حزبوڵڵاى لوبنانى دەستگیردەکات
• سعودیە رەتیدەکاتەوە 4 ملیار دۆلارى دابێت بە سوریا لە بەرامبەر وازهێنان لە بازرگانى مادەى هۆشبەر

عەرەب

• فەرمانبەرانى هەرێمى کوردستان باجى راگرتنى هەناردەى نەوت دەدەن
• سعودیە بەنیازە کەناڵێکى هەواڵى بە زمانى ئینگلیزی بکاتەوە و کێبڕکێى کەناڵى جەزیرەى ئینگلیزى بکات
• چاکسازى سیاسى لە کوەیت، دروشمێکى هەڵبژاردن کە قابیلى جێبەجێکردن نییە

رۆژنامە ئینگلیزییەکان

گاردیان

• جەستن وێڵبی، قەشەی سەرەکیی بەریتانیا، رەخنەی توند لە یاسای کۆچبەرانی بەریتانیا دەگرێت و دەڵێت “ئەخلاقییەن ئەمە جێگای قبوڵکردن نییە”
• سەربازانی روسیا بە پانتایی دوو کیلۆمەتر لە بەرەکانی جەنگ لە باخموت کشاونەتەوە
• ئەو منداڵانەی بەریتانیا کە نەخۆشی شەکرەی پلەدوویان هەیە ئامێری هەستیاری پشکنینیان پێوەدەلکێنرێت لەبری ئەو ئامێرەی بەخوێن کاردەکات

عەرەب نیوز

• شەوی چوارشەممە سێ کەسی دیکە بەهۆی هێرشەکانی ئیسرائیلەوە لە کەرتی رۆژائاوا و غەززە کوژران
• حوسییەکانی یەمەن لە گوندێکدا 40 هاوڵاتی دەڕفێنن
• هەفتەی داهاتوو، پاشای سعودیە بەشار ئەسەدی سەرۆکی سوریا بۆ یەکەمجار دوای 2011 بۆ لوتکەی کۆمکاری عەرەبی بانگهێشت دەکات

یوئێس ئەی تودەی

• بەهۆی زۆربوونی روداوەکانی تەقەکردن لە ئەمریکا هۆشداریی بەپەلە دەدرێت
• بەهۆی روداوی تەقەکردنەکەی شەممەوە لە ئەمریکا، منداڵێکی 6 ساڵان سەرجەم ئەندامانی خێزانەکەی گیانیان لەدەستدا و خۆی تەنها ماوەتەوە
• سەرۆکی گروپی ڤاگنەر دەڵێت لەوانەیە ئۆکراین شەڕی باخموت بباتەوە

هائارێتز

• لە گرژییەکانی ئەم چەند رۆژەی فەلەستیندا، 21 هاوڵاتی فەلەستینی کوژراون و 270 موشەکیش ئاراستەی ئیسرائیل کراوە
• ئیسرائیل بە بۆمب هێرش دەکاتە سەر هاوڵاتییانی مەدەنی لە غەزە، بەڵام ئیسرائیلییەکان نایانەوێت ئەوە بزانن
• چاکسازییەکانی ئیسرائیل بەشێوەیەکی بەرچاو گەشەی ئابوریی وڵاتەکەیان دابەزاندووە