پشکنینێکى خوێن لە بەریتانیا دەریدەخات شۆفێری بارهەڵگرەکان هۆکارى رووداوەکانى هاتوچۆن

رۆژنامە ئینگلیزییەکان

گاردیان

• بەهۆی چاوەڕوانی زۆر و کەمی ستافەوە نەخۆشانی شێرپەنجە لە بەریتانیا بەرەو دۆخێکی خراپتر دەڕۆن
• جۆرێکی نوێی پشکنینی خوێن لە بەریتانیا دەریدەخات شۆفێری بارهەڵگرەکان بەهۆی ماندوێتییەوە بوونەتە هۆی روداوی هاتوچۆ
• بەهۆی هێرشەکانی روسیا بۆسەر کیێڤ، شەوی رابردوو پێنج هاوڵاتی ئۆکراین برینداربوون

ساوس چاینە مۆرنینگ پۆست

• سەرۆکی چین داوادەکات کەرتی وەزشی وڵاتەکەی دوربێت لە دەستوەردانی سیاسیی
• ژمارەی ئەو خوێندکارانەی کێشەی دەرونییان هەیە بەشێوەیەکی بەرچاو رووی لە زیادبوونە
• چین داوا لە ئەفغانستان و پاکستان دەکات شەڕی تیرۆر بکەن و هاوڵاتییەکانیان بپارێزن

واشنتن پۆست

• بەگوێرەى چەند راپرسییەک، زۆرینەی هاوڵاتیانی ئەمریکا پشتگیری لە کۆمارییەکان دەکەن لەبارەی ئەو سیاسەتانەی دژی رەگەزگۆڕینەکانی وڵاتەکەن
• بەگوێرەی چەند سەرچاوەیەکی ئەمریکا و ئیسرائیل، ئێران لەنێو کاروانی هاوکارییە مرۆییەکان چەک بۆ سوریا دەگوازێتەوە
• پێدەچێت روداوی کوشتنی هەشت کەسەکەی تەکساس پەیوەندیی بە رەگەزپەرستی دژی رەشپێستەکانەوە هەبووبێت

عەرەب نیوز

• کۆمکاری عەرەبی دوای 11 ساڵ لە بەتاڵی شوێنەکەی، سوریای وەک ئەندام وەرگرتەوە
• سەرۆکی رێکخراوی هاوکاریی نەتەوەیەکگرتووەکان بۆ چارەسەری پرسی سودان، لە سعودیەیە
• ئەفغانستان چاودەبڕێتە بازاڕەکانی رۆژهەڵاتی ناوەڕاست بۆ ساغکردنەوەی گرانترین بەرهەمی بەهارات و زەعفەرانی وڵاتەکەی

رۆژنامە عەرەبییەکان

سەباح

• چاوەڕواندەکرێت لە چەند رۆژى داهاتوودا سودانى “رۆڵێکى دەگمەن” بۆ لێکنزیکردنەوەى یەکێتى و پارتی بگێڕێت
• لیژنەى تەندروستیى پەرلەمان رەخنە لە کەمى ئەو بڕە پارەیە دەگرێت کە لە بودجەدا بۆ کڕینى دەرمان تەرخانکراوە کە تەنها 1,1 ملیار دۆلارە
• وەزیرى دەرەوەى عێراق دەڵێت، ئەوان هەر لە سەرەتاوە لەگەڵ گەڕانەوەى سوریادابوون بۆ نێو کۆمکارى عەرەبى

شەرقولئەوسەت

• داهاتى نەوتى سعودییە لە چارەکى یەکەمى ئەمساڵدا بە رێژەى 9% زیادیکردووە و گەیشتووەتە زیاتر لە 27 ملیار دۆلار
• کورسى “کۆتا” لە پەرلەمانى عێراق ناکۆکى مەسیحى – مەسیحى لێدەکەوێتەوە
• گروپێکى نزیک لە موجاهیدینى خەڵق ماڵپەرى وەزارەتى دەرەوەى ئێران هاک دەکەن و وێنەى سەرکردەکانى رێکخراوەکەى تێدا بڵاودەکەنەوە

رۆژنامە تورکییەکان

حوڕییەت

• ملیۆنێک و 700 هەزار کەس لە ئەستەنبوڵ بەشدارییان لە کۆبوونەوەی جەماوەری ئەردۆغاندا کرد
• کلچدارئۆغلۆ: سنورێک بۆ ئەو کەسانە دادەنێین کە هەڕەشە دەکەن
• ئەردۆغان دەستپێکردنی پرۆژەی تونێلێکی دیکەی ژێرئاوی لە ئەستەنبوڵ راگەیاند

سوزجو

• دەوڵەت باخچەلی سەرۆکی مەهەپە هەڕەشەی کوشتن لە سەرکردەکانی ئۆپۆزسیۆن دەکات
• کلچدارئۆغلۆ: لە هەڵبژاردندا سەربکەوین لە جەژنی قورباندا 15 هەزار لیرە بە خانەنشینان دەدەین
• لە ئەرزەرۆم بە بەرد هێرش کرایە سەر ئەکرەم ئیمامئۆغلۆ سەرۆکی گەورەشارەوانی ئەستەنبوڵ

ئاکشام

• بەرپرسێکی گەورەی پەکەکە لە گارە کوژرا
• ئەردۆغان بۆ کلچدارئۆغلۆ: دەبێت ئاشکرای بکەیت لە ئەمریکا لەگەڵ کێ کۆبوویتەوە
• لە شاری روحای باکوری کوردستان ئۆتۆمبێلێک کەوتە رووبارێکەوە و پێنج منداڵ خنکان

ئەڤرەنسەل

• پارتی چەپی سەوز: کۆتایی هەڵبژاردن بێوێنە دەبێت
• لە ماوەی دەسەڵاتی ئاکەپەدا 31 هەزار 131 کرێکار گیانیان لەدەستداوە
• میدحاد سانجار هاوسەرۆکی هەدەپە: ئاکەپە دەیەوێت ساختەکاری بکات

رۆژنامە فارسییەکان

ئێعتێماد

• جیهانی عەرەبی باوەشی بۆ سوریا دەکاتەوە
• رەئیسی بڕیاریدا لیژنەیەک بۆ لێکۆڵینەوە لە نائارامییەکانی ساڵی رابردوو پێکبهێندرێت
• داواکاری گشتیی ئێران: پێویستە یاسای باڵاپۆشی لە فڕۆکەخانەدا جێبەجێ بکرێت

ئیتلاعات

• دروستکردنی بەنداو لەلایەن وڵاتانی دراوسێوە کێشەی کەمئاویی بۆ ئێران دروست کردووە
• پەرلەمان پڕۆژەیاسایەکی بۆ کەمکردنەوەی رێژەی هەڵاوسان لە ئێران ئامادەکردووە
• لە ئێران کار بە منداڵی خوار 15 ساڵ دەکرێت

جمهوری ئیسلامی

• لە ئێران نەخۆشانی ئۆتیزم بێبەرامبەر چارەسەر دەکرێن
• سێ مانگی دەستکردی ئێران ئامادەن تاوەکو رەوانەی بۆشایی ئاسمان بکرێن
• ئەسیۆشێتدپرێس: ئەو کەشتیەی کە نەوتی بۆ کۆمپانیایەکی ئەمریکی دەگواستەوە لە بەندەرعەباس راگیراوە

قودس

• سەرۆکی پەرلەمانی ئۆزبەکستان لە ئێرانە
• رەئیسی: قەبارەی هەناردەی ئێران گەیشتووەتە 50 ملیار دۆلار
• قەیس خەزعەلی: هێزەکانمان زیاتر لە پێنج هەزار چالاکییان دژی ئەمریکا ئەنجامداوە