رۆژنامە عەرەبییەکان

سەباح

• وەستانی هەناردەی نەوتى هەرێمى کوردستان لە رێگەی بەندەری جەیهانەوە کاریگەری خراپی لەسەر پەسەندکردنی بودجە هەیە
• وەزارەتی پلاندانان ساڵێک و سێ مانگی پێویستە بۆ ئەنجامدانی سەرژمێری گشتی
• تەندروستی عێراق هۆشداری دەدات لە بڵاوبوونەوەی هەوکردنی پەردەکانی مێشک لەنێو منداڵاندا

شەرقولئەوسەت

• سودانی داوای هاوکاری لە جیهان دەکات بۆ رزگارکردنی دیجلە و فورات
• سەدر رێگری دەکات لە بەشداریکردنی سیاسیەکانی دەرەوەی رەوتەکەی لە یادی شەهیدبوونی باوکی
• سعودیە و ئەمریکا دەیانەوێت ململانێی سودان کۆتایی پێبهێنن

قودسی عەرەبی

• سودانی چاوەرێی پەسەندکردنی بودجەیە بۆ ئەنجامدانی گۆڕانکاری لە کابینەکەیدا
• کێبڕکێی نێودەوڵەتی هەیە بۆ دەستگرتن بەسەر پرۆژەکانی کارەبای عێراق
• فەلەستینیەکان ترسیان هەیە ئیسرائیل بە نهێنی بڕیاری لەسێدارەدانی دیلەکانی دەرکردبێت

زەمان

• رۆژی سێشەممە شەش هەزار پارچە شوێنەوار لەلایەن بەریتانیاوە رادەستى عێراق دەکرێتەوە
• خانەنشینانی عێراق لەبەردەم ناوچەی سەوز خۆپیشاندان دەکەن و داوای زیادکردنی موچە دەکەن
• ئاسایشی نیشتیمانی عێراق ئەو خاوەن مۆلیدانەی دەستگیرکرد کە گۆڕانکارییان لە نرخی ئەمپێری مۆلیدەدا کردووە

رۆژنامە ئینگلیزییەکان

فاینەنشیەڵ تایمز

• دوای کەمکردنی دەنگەکانی پارتی پارێزگارانی بەریتانیا لە راپرسییەکاندا، یەکدى تۆمەتبارکردن لەنێو پارتەکەدا سەریهەڵداوە
• بەڵێنەکانی بانگەشەی هەڵبژاردن لە تورکیا شکستیانهێناوە لە راکێشانی وەبەرهێنەرانی بیانی بۆ وڵاتەکە
• ئەو کۆمپانیا ژاپۆنیانەى دەیانەوێت لەگەڵ ئەمریکا رێککەوتن بکەن، لە ئاسایشی پەیوەندییەکانیان لەگەڵ چین دەترسن

عەرەب نیوز

• شا چارڵزی سێیەمی بەریتانیا لە یەکەم رێوڕەسمى تاج لەسەرنانی دوای ساڵی 1953 تاجی خرایەسەر
• لەشاری تازی یەمەن، سوپای ئەو وڵاتە سێ چەکداری حوسییەکانی کوشت
• سعودیە و ئەمریکا پێشوازی لە گفتوگۆی پێش دانوستانی نێوان لایەنە شەڕکەرەکانی سودان دەکەن

سەندەی مۆرنینگ پۆست

• سەرۆکی چین دەڵێت دەبێت دروستکردنی کەلوپەل و کەرتی تەکنەلۆجی کاری لەپێشینەی وڵاتەکەی بێت
• جێگری سەرۆکی چین نامەی پیرۆزبایی سەرۆکی چینی گەیاندووەتە پاشای بەریتانیا
• بەهۆی کەوتنەوەی ئاگر لە دارستانەکانی کەنەدا، دەیان هەزار کەس ماڵەکانیان جێدەهێڵن

ژاپۆن تایمز

• سەرۆکوەزیرانی ژاپۆن داوای خێراکردنی پەیوەندەییە دوو قۆڵییەکانی لەگەڵ کۆریای باشور دەکات
• هێرشی درۆنەکەی سەر کۆشکی کرێملین، سودێکی باشی بۆ گوتارە سیاسییەکانی پوتین دەبێت
• ئەفسەرێکی پۆلیس لە بینای سەرۆکایەتی ئەنجومەنی وەزیرانی ژاپۆن خۆی کوشت

رۆژنامە تورکییەکان

یەنی ئاسیا

• کلچدارئۆغلۆ: موسڵمانێکی دڵسۆزم
• تاوەکو ئێستاش زیانلێکەوتووانی بومەلەرزە پێویستیان بە هاوکارییە
• ئەکرەم ئیمامئۆغلۆ: 14 ئایار جەژنی دیموکراسییە

مییلی گازەتە

• سەرۆکی پارتی سەعادەت: ئێمە بەرەو هەڵبژاردن دەچین نەوەک شەڕ
• هاوپەیمانی گەل گەورەترین کۆبوونەوەی جەماوەری لە ئەستەنبوڵ ئەنجامدا
• کلچدارئۆغلۆ: لەدژی ناسنامەی هیچ کەسێک نابم

تورکیە

• قەندیل بەڵێنی بە جەهەپە داوە کلچدارئۆغلۆ بکەنە سەرۆککۆمار
• پەکەکە لە عێراق و سوریا کۆبوونەوەی جەماوەری بۆ پارتی چەپی سەوز ئەنجام دەکات
• نرخی زەوی 200% و نرخی خانوو 150% زیادی کردووە

یەنی شەفەق

• میت نورەدین سۆفی، کە ماوەیەک فەرماندەی هەپەگە بوو کوژرا
• سەرۆکی مەهەپە: گۆڤاری ئیکۆنۆمیست باسی شکستی ئەردۆغان دەکات، بەڵام 14 ئایار ئاشکرا دەبێت کێ شکستدەهێنێت
• ئەردۆغان بەڵێنی دابینکردنی بیمە بۆ دەکانداران دەدات

رۆژنامە فارسییەکان

ئاسیا

• نرخی بلیتی فڕۆکە لە ئێران 100% زیادی کردووە
• لە تاران تەنیا لە 10 شوێن رێگە بە خۆپیشاندان و گردبوونەوە دەدرێت
• بەرهەمهێنانی نەوت لە کابینەی 13ی حکومەتی ئێران دوو هێندە زیادی کردووە

جمهوری ئیسلامی

• دروستکردنی بەنداو لەلایەن تورکیاوە لەسەر روباری ئاراس، دەشتی مەغانی ئەردەبیلی وشککردووە
• حەسەن رۆحانی، سەرۆککۆماری پێشوو: هەموو شتێک بۆ زیندووکردنەوەی دانوستانەکانی پرسی ئەتۆمی ئامادەیە
• ئێران، روسیا، تورکیا و سوریا رۆژی چوارشەممە کۆدەبنەوە

ئیتلاعات

• گەمارۆکان کاریگەری خراپی لەسەر چالاکیەکانی مانگی سوری ئێرانی دروستکردووە
• رەئیسی: ئێمە دوژمنی سعودیە نین و لەگەڵ سوریا دەمێنینەوە
• سەرۆکی بزوتنەوەی نیزال لەسێدارەدرا

شەهروەند

• سوپای پاسداران موشەکێکی کروزی بەناوی ئەبومەهدی نمایش کرد
• نرخی ئۆتۆمبێلی پەیکانی ئێرانی گەیشتە 300 ملیۆن تومەن، کە ساڵی رابردوو بە 100 ملیۆن تومەن بوو
• نەتەوەیەکگرتووەکان: 19 ملیۆن سودانی روبەڕوی قەیرانی خۆراک بوونەتەوە