رۆژنامە ئینگلیزییەکان

گاردیان

• لە بەریتانیا “باشترین” دەرمانی زەهایمەر کە تاوەکو ئێستا هەبووبێت بۆ راگرتنی نەخۆشییەکە دۆزرایەوە
• پۆلیسی بەریتانیا دەڵێت دەست لە هیچ خۆپیشاندەرێک نادەن کە بڕیارە لە رێوڕەسمى تاج لەسەرنانی شا چارلز ناڕەزایی دەرببڕن
• دوای هێرشەکەی سەر کرێملین، بەرپرسانی روسیا داوای تۆڵەسەکردنەوەى دڕندانە دەکەن

چاینە دەیلی

• سەرۆکی چین ستایشی هەوڵی گەنجی لادێکان دەکات کە لە بەشی پێشەوەی بەرهەمهێنانی کەرتی کشتوکاڵیدان
• نێردەی ئەمریکا لە چین داوا دەکات ئاڵوگۆڕی خوێندکار و هاوڵاتییانی ئەمریکا و چین زیاتر بێت
• لە چەند شارێکی چین سەگ رادەهێنرێت بۆ ئەوەی یارمەتی نەخۆش بدەن لە نەخۆشخانەکاندا

یو ئێس ئەی تودەی

• بەهۆی گرانبونی پێداویستی و خۆراکەوە، زیندانەکانی ئەمریکا کاریگەریی زۆری هەڵاوسانیان لەسەرە
• لە رووداوێکی تەمومژاویدا تەرمی حەوت کەس لە ویلایەتی ئۆکلاهۆما دۆزرانەوە
• لە رووداوێکی تەقەکردن لە نەخۆشخانەیەکی ئەمریکا، کەسێک کوژرا و چواری دیکە برینداربوون و تۆمەتبارەکەش دەستگیرکرا

عەرەب نیوز

• روسیا دەڵێت ئۆکراین هەوڵی کوشتنی پوتینی داوە و هەڕەشەی تۆڵەکردنەوە دەکات
• سعودیە ئیدانەی هێرشەکەی سوپای سودان دەکات بۆسەر شاندێکى دیبلۆماسی وڵاتەکەی
• لە ماوەی کەمتر لە هەفتەیەکدا، ئێران دەست دەگرێت بەسەر دوو کەشتیی نەوتیی جیهانیی لە گەروی هورمزدا

رۆژنامە تورکییەکان

ئانالیز

• حکومەت دەڵێت رێژەی هەڵاوسان لە تورکیا 43%یە
• وەزیری دەرەوەی تورکیا: یەکێتی ئەوروپا بەڵێنی هەڵگرتنی ڤیزای بۆ تورکیا جێبەجێ نەکردووە
• ئەستەنبوڵ پێویستی بە دوو هەزار و 500 بورجی هێڵەکانی پەیوەندییە

ئایدنلک

• پیشەسازی خۆماڵی سەربازی تورکیا گەیشتووەتە 80%
• هاوپەیمانی پارتە کوردستانییەکان پشتگیری لە کلچدارئۆغلۆ دەکات
• لەو ناوچانەی بومەلەرزە روویداوە، دەست بە پەروەردەی دەروونی منداڵان دەکرێت

یەنی چاغ

• دروشمەکانی هۆداپار لە بانگەشەی هەڵبژاردندا بۆ پشتگیریکردنە لە حزبوڵلا کە لە لیستی تیرۆری تورکیادایە
• کلچدارئۆغلۆ: دەسەڵات دەیەوێت لە بەرامبەر هەڵبژاردن کودەتا بکات
• مەراڵ ئاکشەنەر سەرۆکی پارتی باش: دەسەڵات لە دزی و مافخواردن تێر نەبووە

ئاکشام

• ئازاد بارش کاندیدی پارتی چەپی سەوز باسی کۆنتڕۆڵکردنەوەی عەفرین لەلایەن یەپەگەوە دەکات
• عەلی باباجان سەرۆکی پارتی دەڤا یەپەگەی وەک “تیرۆریست” ناوهێنا
• ئەردۆغان: ئێمە دەتوانین هەموو کێشەکانی خەڵک چارەسەر بکەین، پێویستە کەس نێوانی ئێمە و خەڵک تێک نەدات

رۆژنامە فارسییەکان

ئیتلاعات

• ئەفغانستان 19 بەنداو لەسەر روباری هیرمەند دروستدەکات و ئەوەش هەڕەشە لە هەندێک ناوچەی ئێران دەکات
• ئۆکراین رەتیدەکاتەوە هێرشی کردبێتە سەر کرملین و روسیاش هەڕەشەى تۆڵەکردنەوە دەکات
• 200 هەزار منداڵ لە ئێران تووشی بەخۆراکی بوون

شەهروەند

• ئێران و سوریا 15 رێککەوتنی هاوکاریان واژۆ دەکەن
• نەخۆشی ئاوڵە لەنێو منداڵانی ئێراندا بڵاوبووەتەوە
• حکومەتی ئێران رەزامەندی لەسەر زیادکردنی مووچەی خانەنشینان دەربڕی

قودس

• لە هاویندا حکومەت نرخی کارەبا 40% زیاد دەکات
• دوو ئەندامی سوپای پاسداران لە پارێزگای سمنان کوژران
• وەزیری ناوخۆی ئێران: نابێت هیچ کەسێک یاساکانی باڵاپۆشی و حیجاب پێشێل بکات

دنیای ئیقتساد

• پەرلەمانی ئێران چاوەڕێی ناردنی پرۆژەیاسای هەمواری بودجە دەکات
• ئیسرئیل بە کردنەوەی باڵیۆزخانەکەی لە تورکەمەنستان 20 کیلۆمەتر لە سنوری ئێران نزیک بووەتەوە
• گرانی نرخی ئۆتۆمبێلی بیانی کێشەیەکی گەورەی لە ئێران ناوەتەوە