رۆژنامە عەرەبییەکان

سەباح

• سەرۆکایەتی پەرلەمان: پەسەندکردنی بودجە نزیکە
• سەرۆککۆماری عێراق لە تارانەوە داوا دەکات پشکی ئاوی عێراق لەبەرچاوبگیرێت
• لەگەڵ دابەزینی بەهای دۆلار، بەردەوامی گرانی بازاڕ هاوڵاتیانی شەکەت کردووە

شەرقولئەوسەت

• رەئیسی رەخنە لە بوونی هێزەکانی ئەمریکا دەگرێت لە عێراق، لەتیف رەشیدیش جەخت دەکاتەوە لەسەر ئاسایشی هەرێمی
• تاران هەرەشەی دەرکردنی 4 هەزار کارمەند دەکات لە کۆمپانیاکانی غاز
• بانکی نێودەوڵەتی: لوبنان خاوەنی بەرزترین رێژەی هەڵئاوسانە لە نرخی خۆراک لە جیهاندا

عەرەب

• سودانی و مالکی..دەستشکانەوە پەلدەکێشێت بۆ گۆڕانکاری وزاری سنوردار
• لێدوانەکانی لەتیف رەشید لەسەر دۆسیەی ئاو، رەنگە ببێتە هۆی توڕەیی ئێران و ئیحراجی هاوپەیمانەکانی ئێران لە ناوخۆ
• بورهان سەربکەوێت یان شکست بهێنێت، سوپای سودان رووبەرووی مەترسی بەردەوام دەبێتەوە بەهۆی زیادبوونی هێزە چەکدارەکان

ئەلعالەم

• پەرلەمانتاران: گۆڕانکاری وزاری تەنها “ناکۆکی سیاسی”یە
• عێراق چوار هەزار پارچە شوێنەواری دزراو دەگەڕێنێتەوە
• ئێزیدیەکان هۆشداری دەدەنە حکومەتی سودانی لە بەردەوامی سیاسەتی پشتگوێخستن

رۆژنامە ئینگلیزییەکان

ئۆبزێرڤەر

• سەرۆکی پارتی کرێکارانی بەریتانیا دەڵێت ئەگەر ببێتە سەرۆکی حکومەت لەبواری خزمەتگوزاریدا، لە تۆنی بلێری سەرۆکوەزیرانی پێشووش چاکسازییەکانی باشتر دەکات
• لەماوەی 30 ساڵی رابردوودا، پۆلیسی بەریتانیا بەهۆی بەهاناوە نەچوونیانەوە، بووەتە هۆی گیانلەدەستدانی 440 کۆچبەری ئاویی
• لە 6ی مانگی داهاتوودا، ملیۆنان کەس بەیەکەوە لەدوای تاج لەسەرنانی، بەڵێنی پشتیوانی بۆ شا چارڵزی بەریتانیا دەڵێنەوە

سەندەی مۆرنینگ پۆست

• ئەمساڵ ئاهەنگ و گەشتی گەشتیارانی چین دوای هەڵگرتنی رێکارەکانی خۆپارێزی کۆرۆنا، بەشێوەیەکی بەرچاو دەستیان پێکردووەتەوە
• وەزیری تەندروستی چین دەڵێت پێویست ناکات هاوڵاتیانی هۆنگ کۆنگ دووبارە ماسک ببەستنەوە
• سەرەڕای هەوڵەکانی سەرۆکی چین بۆ هێنانەکایەی ئاشتی لە ئۆکراین، بەشێکی زۆر لە وڵاتانی رۆژئاوا پێیانوایە چین لایەنگیری روسیا دەکات

واشنتن پۆست

• لە روداوێکی تەقەکردندا، پیاوێک لە ویلایەتی تەکساسی ئەمریکا، پێنج لە دراوسێکانی کوشت
• وڵاتە زلهێزەکانی جیهان خۆیان لەو کێشانە لادەدەن کە ئەمریکا دەستی تێوەردەدات و بەدوای بەرژەوەندییەکانی خۆیانەوەن
• گرانبەهایی تاج و پۆشاکی پاشای بەریتانیا، دەبێتە سەرنجی رەخنەکانی سەر دەوڵەمەندی بنەماڵی شاهانە

عەرەب نیوز

• سکرتێری گشتی نەتەوەیەکگرتووەکان دەڵێت سودان خەریکە دەڕوخێت
• خاڵەکانی پشکنینی سوپای ئیسرائیل و هێرشی ئیسرائیلییە هاوردەکان، فەلەستینییەکان ئازاردەدات
• بەرزبوونەوەی پلەکانی گەرما لە بەنگلادیش بۆ ئاستی مێژوویی، ئاسایشی خۆراک وتەندروستی وڵاتەکە دەخاتە مەترسییەوە

رۆژنامە تورکییەکان

یەنی ئوزگور پۆلیتیکا

• هاوپەیمانی رەنج و ئازادیەکان بڕیاریداوە پشتگیری لە کلچدارئۆغلۆ بکات
• عەرەبەکانی باتمانیش لەم هەڵبژاردنەدا پشتگیری لە پارتی چەپی سەوز دەکەن
• هاوڵاتیەکی کورد 70 کیلۆمەتری بڕیوە بۆ ئەوەی لە هامبۆرگ دەنگ بە پارتی چەپی سەوز بدات

ئانالیز

• ئەردۆغان: لە ئەدەنە بۆ زیانلێکەوتووانی بومەلەرزە 14 هەزار و 930 یەکەی نیشتەجێبوون دروست دەکەین
• داهاتی گەشتیاری تورکیا 32.3% زیادی کردووە
• لە تورکیا رۆژ بە رۆژ بەهای مووچەی مانگانە کەم دەبێتەوە

حوریەت

• ئەردۆغان ئەو دوو تورکەی ناساند کە بڕیارە بچنە بۆشایی ئاسمان
• کلچدارئۆغلۆ: لێگەڕێن خەڵک بە سەردەخەنەوە بچێتە سەر سندوقەکانی دەنگدان
• کۆماندۆکانی ئێران بە هەلیکۆپتەر هەڵیانکوتایە سەر کەشتیەکی نەوتهەڵگر کە نەوتی بەرەوە ئەمریکا دەبرد

یەنیچاخ

• نرخی هێلکەیەک لە تورکیا گەیشتووەتە سێ لیرە و نیو
• کلچدارئۆغلۆ: ئایا گەل لە 14ی ئایاردا دەنگ بەم هەموو نەهامەتییە دەدات؟
• سەرۆکی پارتی باش: لە هەر 100 گەنجی شاری روحا (ئورفا) 12 گەنج بێکارن

رۆژنامە فارسییەکان

ئەبرار

• لە ئێران هۆشداری لە کەمی و گرانبوونی دەرمان دەدرێت
• خامنەئی بۆ عەبدولەتیف رەشید: داواکاری ئێران پێشکەوتنی عێراقە
• لە دەریای عومان ئەمریکا دەستی بەسەر کەشتیەکی نەوتی ئێراندا گرتووە

ئیتلاعات

• رەئیسی و عەبدولەتیف رەشید لەبارەی بەهێزکرنی پەیوەندی ئێران و عێراق کۆبوونەوە
• تاوەکو 30 ساڵی دیکە پێویستییەکی زۆر بە ئاو بۆ کشتوکاڵ دەبێت و قەیرانی ئاو گەورە دەبێت
• رەئیسی بەم نزیکانە سەردانی سوریا دەکات

کەیهان

• بازرگانی وڵاتانی ئەوراسیا لەگەڵ ئێران دوو ئەوەندە زیادی کردووە
• چامسکی: روسیە لە ئۆکراین، مرۆڤانەتر لە ئەمریکا لە عێراق دەجووڵێتەوە
• خامنەئی: تەنانەت هەبوونی ئەمریکیەکیش لە عێراق زۆرە

مەردوم سالاری

• 70 پەرلەمانتار کە ئۆتۆمبێلی بەرزیان وەرگرتووە روبەڕوی رەخنە دەبنەوە
• کەمئەندامانی ئێران بەتەواوی متمانەیان بە بەڵێنەکانی حکومەتی ئێران نەماوە
• لە ئێران 200 کەس لە جەژنی رەمەزاندا گیانیان لەدەستداوە