رۆژنامە عەرەبییەکان

سەباح

• بەمنزیکانە هەناردەی نەوتی هەرێمى کوردستان دەستپێدەکاتەوە
• شارەزایان هۆشداری دەدەن لە تێکەڵبوونی دەسەڵاتەکان و زیادبوونی سەرچاوەی بڕیار
• سەرچاوە ئاوییەکان: خەزانی ئاو بەشی پێویستی ئەمساڵى وڵات ناکات

شەرقولئەوسەت

• سودانی هێشتا پارێزگاری لە پۆستەکەی دەکات وەک سەرۆکی دەزگای هەواڵگری عێراق
• لوتکەی سوری-ئێرانی بەڕێوەدەچێت بۆ هاوکاری ستراتیجی
• سوپای ئەمریکا و ئیسرائیل گفتوگۆ دەکەن لەبارەی ئاڵنگاریە هەرێمیەکانی بەردەمیان، چاویان لەسەر ئێرانە

قودسی عەرەبی

• ئێزیدیەکان لە شەنگال هێرشدەکەنە سەر مزگەوتێک بەهۆی گەڕانەوەی بەشێک لە ئاوارە سوننەکان
• پلاسخارت رەخنە لە بەرتەسککردنەوەی ئازادی رادەربڕین لە عێراق دەگرێت
• عێراق نزیکە لە رێککەوتنی دەستپێکردنەوەی هەناردەی نەوتی هەرێمى کوردستان

عەرەب

• دەشتی نەینەوا گۆڕەپانێکی ململانێی بەردەوامە لەنێوان هێزە کوردییەکان و هێزەکانی سەر بە ئێران
• ئەردۆغان دەبێت شکست بهێنێت ئەگەر براوەش بێت
• لە سودان راگەیاندنی ئاگربەست بە مانای وەستانی جەنگ و روبەڕوبونەوە نایەت

رۆژنامە ئینگلیزییەکان

عەرەب نیوز

• سوڵتان نەیادی، کەشتیوانی ئاسمانیی وەک یەکەم عەرەب لە بۆشایی ئاسماندا و لە دەرەوەی کەشتییەکەدا رێدەکات
• دۆخی شەڕی سودان تا دێت خراپتر دەبێت و دەیان هەزار کەس بەرەو سنورەکان ئاوارەبوون
• نوێنەری سودان لە بەریتانیا هێزەکانی پشتیوانی خێرا تۆمەتباردەکات بەو خوێنڕێژییەی لە وڵاتەکەدا بەرپابووە

دەیلی تەلەگراف

• بەهۆی کەمی ستافی پزیشکییەوە لە نەخۆشخانەکانی بەریتانیا، هەر نەشتەرکارێک لە دوو هەفتەدا تەنها یەک جار نەشتەرگەریی دەکات
• پێشبڕکێکارێکی سەرۆکایەتی ئەمریکا لە پارتی کۆمارییەکان دەڵێت رەنگە جۆ بایدن لە خولی دووەمی سەرۆکایەتییەکەیدا بمرێت، ئەگەر هەڵبژێردرێتەوە
• گاری لینێکەر، پێشکەشکاری وەرزشی بەریتانیا دەڵێت نابێت بەڕێوەبەری بی بی سی لەلایەن حکومەتەوە ‌هەڵبژێردرێتەوە

چاینە دەیلی

• ئابوری چین رووی لە بوژانەوەیە، بەڵام خواستی ناوخۆیی وڵاتەکە لە ئاستی پێویستیدا نییە
• شی جینپینگ، سەرۆکی چین سەرەخۆشی لە سەرۆکی ئەنگۆلا دەکات بەهۆی گیانلەدەستدانی زیاتر لە 50 کەس بەهۆی لافاوەوە
• پرۆسەی لێکۆڵینەوە بۆ دروستکردنی تەکنەلۆژیای ئینتەرنێتی 6G لە چین بەرەوپێشچوونی باشی بەخۆیەوە بینیوە

یوئێس ئەی تودەی

• لێکۆڵینەوەکانی دادگا دەریدەخەن ئەو کەسەی بەڵگەنامەکانی پنتاگۆنی دزەپێکردووە، جبەخانەیەکی سەربازی هەبووە
• بەهۆی بەرزبوونەوەی پلەکانی گەرما لە ویلایەتی کالیفۆرنیای ئەمریکا، شاخە بەفرینییەکانی ئەو ویلایەتە دەستیان بە “توانەوەیەکی گەورە” کردووە
• شێرپەنجەی منداڵدان لە ژنانی گەنجی ئەمریکا رووی لە زیادبووندایە

رۆژنامە تورکییەکان

سوزجو

• کلچدارئۆغلۆ: ئەو پارەیە دەگەڕێنمەوە کە بە چەتەکان دراوە
• ئەردۆغان بەهۆی نەخۆشیەوە بە ئۆنلاین بەشداری لە رێوڕەسمی کردنەوەی وێستگەیەکی وزەی ئەتۆمی کرد
• دەسەڵات بڵاوکراوە بە دروشمی “دەمیرتاش ئازاد دەکەین و دەیکەن بە جێگری سەرۆککۆمار” بە لۆگۆی جەهەپەوە بڵاودەکاتەوە

سەباح

• حکومەت لە مانگی تەموزدا موچەی خانەنشینان زیاد دەکات
• لە ئیزمیر باڵەخانەیەکی گەورە و مۆدێرنی هەشت نهۆمی بەتەواوی سوتا
• لە ئەرزەڕۆم خەڵکێکی زۆر کەم بەشداریان لە کۆبوونەوە جەماوەریەکەی مەراڵ ئاکشەنەر، سەرۆکی پارتی باش کرد

حوریەت

• کلچدارئۆغلۆ بەڵێنیدا نرخی بندوق بکاتە چوار دۆلار کە تورکیا یەکەم وڵاتی بەرهەمهێنانی بندەقە
• دۆخی ئەردۆغان باش بووە و لە ئیزمیر کۆبوونەوەی جەماوەری ئەنجام دەدات
• لە سودان تەقە لە فڕۆکەیەکی تورکی کرا، کە بۆ گواستنەوەی هاوڵاتیانی تورکیا گەشتی بۆ ئەو وڵاتە کردبوو

قەرار

• لە ناوچەی نسێبینی مێردین “چاوشێک”ـی پسپوڕی سوپای تورکیا لە شەڕدا کوژرا
• ئەحمەد داودئۆغلۆ: شۆڕشێکی هزری لە تورکیا بەرپا دەکەین
• عەلی باباجان، سەرۆکی پارتی دەڤا بەڵێنی دابەزاندنی رێژەی هەڵاوسان لە تورکیا دەدات