رۆژنامە عەرەبییەکان

سەباح

• وەزارەتى پلاندانان دەڵێت رێژەى هەژارى لە عێراق گەیشتووەتە نزیکەى 21% و ئەمەش رێژەیەکى بەرزە
• ئەمڕۆ لیژنەى دارایی پەرلەمانى عێراق دەست بە گفتوگۆکانى لەبارەى بودجەوە دەکات و هەوڵدەدات کورتهێنان بە رێژەى 20% کەمبکاتەوە
• وەزیرى سەرچاوە ئاوییەکان: لەگەڵ هەرێم لەسەر دروستکردنى بەنداوى “مەنداوە” ناکۆکین، ئێمە دەمانەوێت بەنداوەکە تواناى گلدانەوەى بڕێکى زۆرى ئاوى هەبێت، بەڵام حکومەتى هەرێم بە هۆکارێکى ناروون دەیەوێت تواناکەى زۆر کەم بێت

شەرقولئەوسەت

• سودانى تەحەداى سەرکردەکانى عێراق دەکات و دەڵێت لە گۆڕانکارییە وەزارییەکاندا موجامەلەى هیچ کەسێک ناکەم
• ئایا جۆ بایدن دەبێتە بەتەمەنترین سەرۆکى ئەمریکا؟
• پاش دەرکردنى میدیاکارێکى نزیک لە ترەمپ لە فۆکس نیوز، گرێبەستێکى کارکردنى لە کەناڵێکى رووسییەوە پێدەگات

عەرەب

• لەگەڵ نزیکبوونەوەى هەڵبژاردنەکان هەڵمەتێکى دەستگیرکردن لە تورکیا بەڕێوەدەچێت بۆ ترساندنى کورد
• یەکەم هەنگاوى ئاساییکردنەوەى پەیوەندییەکانى نێوان سوریا و تورکیا گەڕانەوەى پەنابەرەکانە
• ئێران دەستپێکردنەوەى پەیوەندییە بازرگانییەکانى لەگەڵ سعودیە راگەیاند

قودسى عەرەبى

• پەیمانگەیەکى ئیسرائیلى ئەو “گۆڕانکارییە ریشەییانەى” کە لە بەرژەوەندى جولەکە لە پرۆگرامەکانى خوێندنى میسردا کراوە بەرزدەنرخێنێت
• چاوەڕوان دەکرێت چارەکە ملیۆنێکى هاوڵاتییانى سودان ئاوارەى باشوور و وڵاتى چاد ببن
• راشد غەنووشى رێبەرى بزوتنەوەى نەزهەى تونسى هەڕەشەى مانگرتن لە خواردن دەکات بەهۆى خراپى مامەڵەکردن لەگەڵیدا لە زیندان

رۆژنامە ئینگلیزییەکان

عەرەب نیوز

• بەهۆی دەستبەسەرداگرتنی تاقیگەیەکی بەکتریا و ڤایرۆس لەلایەن هێزە چەکدارەکانەوە، مەترسیی بایۆلۆژی لە سودان سەریهەڵداوە
• بەهۆی پاشەکەوتکردنی پارە بۆ ماوەی 15 ساڵ بۆ ئەنجامدانی عەمرەیەک، پیاوێکی پاکستانی دەبێتە جێی سەرنجی تۆڕەکۆمەڵایەتییەکان
• کۆریای باشور دەیەوێت چەندین پرۆژەی هەماهەنگیی لە سعودیە جێبەجێبکات

دەیلی تەلەگراف

• بەگوێرەی داواکانی شازادە هاری بەریتانیا بێت لە دادگا، هیوای ئاشتەوایی لە مەراسیمی تاج لەسەرنانی شا چارڵز دەخاتە مەترسییەوە
• دوای گرژییەکانی سودان و گیرخواردنی هاوڵاتییانی بەریتانیا، یەکەم کاروانی هاوڵاتیانی ئەو وڵاتە رزگارکران
• بەرپرسانی بانکی ئینگلتەرا بە خێزانە هەژارەکانی بەریتانیایان راگەیاندووە قبوڵی بکەن کە ئێوە هەژارن

واشنتن پۆست

• ‌هێزەکانی تاڵیبان کوشتنی ئەو بەرپرسە داعشەیان راگەیاند کە لە ساڵی 2021 تەقینەوەیەکی لە کابوڵ ئەنجامدا و دەیان کەس گیانیان لەدەستدا
• بەرپرسێکی خانەنشینی ئاژانسی هەواڵگریی نشتیمانی ئەمریکا بەهۆی کارێکی راوێژکارییەوە لەگەڵ سعودیە بڕی دوو ملیۆن دۆلار دەباتەوە
• خۆکاندیدکردنەوەی جۆ بایدن بۆ پۆستی سەرۆکایەتی ئەمریکا، دوایین کاری دەبێت لە ژیانی سیاسیدا

ژاپۆن تایمز

• هاوڵاتییانی ژاپۆنى بە سەلامەتی لە سودان رزگارکران
• نەتەوەیەکگرتووەکان دەڵێت، ئەم هەفتەیە ژمارەی دانیشتووانی هیندستان پێش چین دەداتەوە
• دەرچوویەکی زانکۆی هارڤارد دەبێتە گەنجترین پارێزگار لە مێژووی ژاپۆندا

رۆژنامە تورکییەکان

ئەڤرەنسەل

• هەڵبژاردن نزیک بووەتەوە و دەسەڵات دەستی بە ئۆپراسیۆنی دەستگیرکردن کرد
• کرێکاران لە یەکی مارسدا بۆ جێبەجێکردنی بیمەی کرێکاری خۆپیشاندان ئەنجام دەدەن
• خوێن لە تورکیا دەست ناکەوێت و نرخی بتڵێک خوێن گەیشتووەتە 980 لیرە

سوزجو

• کلچدارئۆغلۆ: جیهان ئێمە وەک مێژووی دیموکراسی دەنووسێتەوە
• لە کۆبوونەوە جەماوەریەکانی هۆداپاردا ئاڵای تورکیا هەڵناکرێت
• بەشێک لە ئەندامانی ئاکەپە لە هۆداپاری هاوپەیمانیان نیگەرانن

سەباح

• بە بەشداری ئەردۆغان رێوڕەسمێک بۆ دامەزراندنی سێ هەزار و 500 مامۆستای کەم ئەنجام درا
• تورکیا فڕۆکەیەکی جەنگی بە ناوی هورژەت نمایش کرد
• باخچەلی: پەکەکە فریادڕەسی کلچدارئۆغلۆیە

حوریەت

• لە کۆبونەوەی روسیا، ئێران، تورکیا و سوریادا باسی گەڕانەوەی سوریەکان و پرسی ‘تیرۆر’ کراوە
• کلچدارئۆغلۆ: تورکیا ئاشت دەکەینەوە
• مەدالیای قارەمانی بە 55 هەزار کەس درا کە بەشداریان لە پرۆسەی رزگارکردنی قوربانیانی بومەلەرزەدا کردووە

رۆژنامە فارسییەکان

جمهوری ئیسلامی

• سزای سەرپێچیکردنی هاتوچۆ چەند ئەوەندە زیاد دەکرێت
• ئێران ژمارەیەک کەسایەتی و ناوەندی ئەوروپا و بەریتانیای خستە لیستی گەمارۆکانیەوە
• هیندستان مێژووى حاکمە موسڵمانەکانى لە کتێبەکانى خوێندن لابرد

ئیتلاعات

• تاران نۆ ملیۆن و 600 هەزار دانیشتووانی هەیە و بووەتە پارێزگایەکی بێناسنامە
• لە پاکستان تەقینەوەیەک روویدا و 16 کەس کوژران و 60 کەس بریندار بوون
• هۆشداری لە بڵاوبوونەوەی نەخۆشی مەلاریا دەدرێت

ئەبرار

• نەخۆشخانە تایبەتەکان لە ئێران بەرەو مایەپووچبوون دەچن
• سەرپێچی هاتوچۆ 300% زیادی کردووە
• تورکیا: نابینە بەشێک لە گەمارۆکانی سەر ئێران

ئاسیا

• ئێرانیەک لە ئەمریکا وەک مامۆستای ساڵ هەڵبژێردرا
• حکومەت دەیەوێت لە جێگەی پێنجشەممە و هەینی، هەینی و شەممە بکاتە پشوو
• کۆمپانیاکانی بواری بورسە لە ئێران روو لە زیادبووندان