رۆژنامە عەرەبییەکان

سەباح

• حکومەتى عێراق سوورە لەسەر رزگارکردنى ئابوورى وڵات لە نەوت
• وەزیرى دەرەوەى ئۆکراین: عێراق جەنگى وێرانکەرى بەخۆوە بینیوە، دەزانێت ئۆکراین بەچ دۆخێکدا تێپەڕدەبێت
• هەرێمى کوردستان کۆتاییهێنا بە ئامادەکارییەکانى بۆ پێشوازى لە گەشتیاران لە جەژندا

شەرقولئەوسەت

• کوردەکانى تورکیا گڕ لە ململانێى نێوان ئەردۆغان و کلیچدارئۆغلۆ بەردەدەن
• وەزیرى دەرەوەى سعودیە لە دیمەشق بوو بۆ “چارەسەرى گشتگیر”ـى قەیرانى سوریا
• بودجەى عێراق دەگەڕێتەوە بۆ نێو بازنەى مشتومڕى پەرلەمانیی

عەرەب

• کوردەکانى سوریا گرەو لەسەر رۆڵى سعودیە دەکەن بۆ جوڵاندنى دیالۆگى سورى-سورى
• بێلایەنى کاردانەوە نێودەوڵەتییەکان لە بەرامبەر شەڕى سودان، بورهانى زیاتر نیگەرانکردووە وەک لە حمێدیتى
• دواخستنى دووەم هەڵبژاردنى ناوخۆیی لە لوبنان: هێزە سیاسییەکان خۆیان لە هەڵسەنگاندنى گەل بە دوور دەگرن

قودسى عەرەبى

• پشتیوانى خێرا خێزانى هەندێک لە سەرکردەکانى سوپاى سودان دەستگیردەکات
• سەردانى سەرۆکى جەزائیر بۆ فەرەنسا لەناکاو دواخرا
• ئەمریکا 7 ملیۆن دۆلار دەدات بە هەر کەسێک زانیاریی لەبارەى “ئیبراهیم عەقیل” سەرکردە لە حیزبوڵاى لوبنان بدات بە واشنتن

رۆژنامە ئینگلیزییەکان

یوئێس ئەی تودەی

• بەگوێرەى راپرسییەک، زۆرینەی ئەمریکییەکان ناڕازین لە شێوازی گوتنەوەی بیرکاریی و داوای بیرکاریی جیهانی راستەقینە دەکەن
• تاوەکو ئێستا ناسنامەی ئەو کەسەی کە لە ئاهەنگێکی لەدایکبووندا چوار کەسی کوشت، نادیارە
• بەهۆی کەمیی تێچوونەوە، خاوەنی ئاژەڵە ماڵییەکانی ئەمریکا روو لە مەکسیک دەکەن بۆ کڕینی پێداویستییەکانیان

چاینە دەیلی

• ئابوری چین لە چارەکی یەکەمی ئەمساڵدا بەشێوەیەکی چاوەڕواننەکراو و بەڕێژەی 4.5% گەشەی کردووە
• کۆمپانیا جیهانییەکانی دروستکردنی ئۆتۆمبێل بە گەشبینییەوە لە بازاڕەکانی چین دەڕوانن
• ئاستی هەڵاوسان لە چین لە مانگی ئازاردا بەڕێژەی لەسەدا 1.5 دابەزیوە

دەیلی تەلەگراف

• کەیر ستارمەری سەرۆکی پارتی ئۆپۆزسیۆنی بەریتانیا دەڵێت کەرتی تەندروستی بەریتانیا تێکشکاوە
• بەگوێرەى راپۆرتێک، چین پێش سەرهەڵدانی پەتای کۆرۆنا ڤاکسینی دروستکردووە
• ڤلادیمیر پوتین، سەرۆکی روسیا بە قەیرانی نوێی گازی سروشتی هەڕەشە لە ئەوروپا دەکات

عەرەب نیوز

• ئاگربەستی کۆتاییهێنان بە توندوتیژییەکانی سودان شکستیهێنا
• دوای زیاتر لە 12 ساڵ لە شەڕی ناوخۆیی سوریا، وەزیری دەرەوەی سعودیە بۆ یەکەمجار سەردانی ئەو وڵاتەی کرد
• کۆمپانیای ئاپڵ یەکەم پێشانگای خۆی، وەک دووەم گەورەترین بازاڕی بەرهەمەکانیی لە جیهاندا، لە هیندستان کردەوە

رۆژنامە تورکییەکان

حوریەت

• ئەو هاوڵاتیە تورکانەی کە لە سودانن بەهۆی شەڕی ناوخۆوە لە دۆخێکی خراپدان
• ئەردۆغان: پلانی ئیمپریالیستەکانمان پوچەڵکردووەتەوە
• کلچدارئۆغلۆ و ئاکشەنەر لە ئەنقەرە بەردی بناغەی 48 هەزار یەکەی نیشتەجێبوونیان دانا

سەباح

• سەرۆکی ئازەربایجان 100 ملیۆن دۆلاری پێشکەش بە شاری مەڕەش کرد
• یەکەم کەشتی جەنگی تورکیا بە بەشداری 22 هەزار و 971 کەس لەنێو ئاودا گەشتی کرد
• جەهەپە کە بەڵێن بە خەڵکی دەدات، ناتوانێت موچەی کارمەندانی خۆی دابین بکات

سوزجو

• پارتی کرێکارانی تورکیا بەیاننامەی هەڵبژاردنی بڵاوکردەوە: کۆتایی بە دزی دەهێنین
• ئاکەپە باڵەخانەکانی دەوڵەت بۆ بانگەشەی هەڵبژاردن بەکاردەهێنێت
• کیلۆیەک نوقڵی جەژن 400 لیرەی تێپەڕاند

ئەڤرەنسەل

• لە تورکیا لە لە کۆی 100 کچی بچوک دووانیان بەشوو دەدرێن
• گەورەترین کۆبونەوەی جەماوەری یەکی مارس رۆژی جیهانی کرێکاران لە ناوچەی ماڵتەپەی ئەستەنبوڵ ئەنجام دەدرێت
• ناتۆ ئامادەکاری جەنگ دەکات

رۆژنامە فارسییەکان

کەیهان

• ئاژانسی نێودەوڵەتی وزەی ئەتۆم: ئێران رۆژانە دوو ملیۆن و 650 هەزار بەرمیل نەوت بەرهەم دەهێنێت
• بەرێوەبەرایەتی گۆمرکی ئێران: داهاتی هەناردەی ئێران جگە لە نەوت ساڵانە 11 ملیار دۆلارە
• ئەمساڵ لە شارەکانی ئەمریکا 11 هەزار و 500 کەس تەنیا بە گولە کوژراون

شەهروەند

• حکومەت پرۆژەیەکی نوێ بۆ پرسی نیشتەجێبوون بۆ پەرلەمان دەنێرێت
• %51ی خەڵکی تاران کرێچین
• رەئیسی: بچوکترین کردەی سەربازی دژی ئێران بە لەناوچوونی حەیفا و تەل ئەبیب کۆتایی دێت

ئەبرار

• نەتەوە یەکگرتووەکان بۆ بەرقەرارکردنی ئاشتی لە یەمەن، لەگەڵ ئێران، سعودیە و ئیمارات لە پەیوەندیدایە
• وەزیری دەرەوەی ئەمریکا: ئەمریکا دەیەوێت رێککەوتنی کاتی لەگەڵ ئێران واژۆ بکات
• کەلوپەلی پزیشی لە ئێران هەشت ئەوەندە زیادیان کردووە

جمهوری ئیسلامی

• لە رۆژی سوپادا ئێران هەموو دەستکەوتە سەربازییەکانی نمایش کرد
• وەزیری دەرەوەی سعودیە لە دیمەشق لەگەڵ بەشار ئەسەد کۆبووە
• ئەنجومەنی ئاسایش و گروپی جی7 پێشوازیان لە رێککەوتنی ئێران و سعودیە کرد