بانکی ئینگلتەرا دەڵێت پارەی کاش لە بەریتانیا خەریکە هیچ سودێکی نامێنێت

رۆژنامە عەرەبییەکان

سەباح

• بە بەشدارى تورکیا و ئێران و سوریا، مانگى داهاتوو بەغداد میواندارى کۆنگرەیەکى نێودەوڵەتى لەبارەى ئاوەوە دەکات
• نیو ملیۆن فەرمانبەرى تازە چاوەڕێى پەسەندکردنى بودجە دەکەن
• وەزارەتى پلاندانان لێکۆڵینەوە لە کاریگەرییەکانى گۆڕینى نرخى دراو دەکات لەسەر بازاڕ

شەرقولئەوسەت

• عێراق دەچێتە سەرهێڵى نێوەندگیریی بۆ کۆتاییهێنان بە جەنگى روسیا-ئۆکراین
• تاران هیواخوازە لە 9ى مانگى داهاتوو باڵیۆزخانەکەى لە ریاز بکاتەوە
• کوڕى شاى پێشووى ئێران سەردانى ئیسرائیل دەکات و تاران لە بایەخى سەردانەکە کەم دەکاتەوە

قودسى عەرەبى

• عێراق ئامادەیی نیشاندا بۆ نێوەندگیریی لە سودان.. خەرتووم دەڵێت ئەوەى روودەدات پرسێکى ناوخۆییە
• هاوپەیمانیى نێودەوڵەتى سەرکردەیەکى دیارى داعش لە سوریا دەکوژێت، هەواڵى دژبەیەک هەیە لەبارەى ناسنامەى کوژراوەکە
• لە تورکیا 5 ملیۆن گەنج بۆ جارى یەکەم دەنگدەدەن و رۆڵى گرنگ دەبینن لە دیاریکردنى براوەى هەڵبژاردنەکان

قەبەس

• لە پشووەکانى جەژنى رەمەزاندا 110 هەزار کوەیتى گەشتى دەرەوەى وڵات دەکەن و زۆرینەیان دەچنە دوبەى و ئەستەنبوڵ
• شازادەى کوەیت ئەنجومەنى ئومە “پەرلەمان” هەڵدەوەشێنێتەوە و بەڵێنى چاکسازیی سیاسی و یاسایی دەدات
• حکومەتى کوەیت بڕیاریدا بە بڕینى ئەو موچەیەى لە دەرەوەى شایستەى خۆیان بۆ وەزیرەکان بڕابووەوە

رۆژنامە ئینگلیزییەکان

ژاپۆن تایمز

• لە دوای هەوڵی کوشتنی، فۆمیۆ کیشیدای سەرۆکوەزیرانی ژاپۆن دەڵێت لە هێرشەکەدا هیچ نەترساوە
• شارەزایان دەڵێن ئەو بۆمبەی بۆ سەرۆکوەزیرانی ژاپۆن هەڵدرا، بۆمبی دەنگیی یان دوکەڵ نەبوو، بۆمبی راستەقینە بوو
• گرژییەکانی چین تەوەرەی سەرەکی کۆبوونەوەی شاندەکانی گروپی G7ن کە بۆ ماوەی دوو رۆژە کۆبوونەوەکانی دەستیانپێکردووە

دەیلی تەلەگراف

• لە چەند هەفتەی داهاتوودا، قوتابخانەکانی کچان لە بەریتانیا دەتوانن خوێندکاری رەگەزگۆڕاو رەتبکەنەوە
• بانکی ئینگلتەرا دەڵێت پارەی کاش لە بەریتانیا خەریکە هیچ سودێکی نامێنێت چونکە دووکان و ناوەندە بازرگانییەکان چیتر وەری ناگرن
• سەرەڕای بەڵێنی سەرۆکوەزیرانی بەریتانیا بۆ داخستنیان، هۆتێلەکانی کۆچبەران دەبن بە شوێنی نیشتەجێبوونی درێژخایەن بۆیان

عەرەب نیوز

• دوای ئەوەی ژمارەی کوژراوان نزیکبووەتەوە لە 200 کەس، شەڕی ناوخۆی سودان گەیشتووەتە دۆخێکی بنبەست
• پۆلیسی ئیسرائیل “چاوی خۆی کوێرکردووە” لە هەمبەر ئەو تاوانکارییە رێکخراوانەی لەدژی پێکهاتەی عەرەب لە وڵاتەکەدا ئەنجامدەدرێن
• یەکێک لە سیناتۆرەکانی ئەمریکا داوادەکات ئەمریکا هاوپەیمانێتی جەنگیی و ئابوریی لەگەڵ سعودیەدا پێکبهێنێت
• 

یوئێس ئەی تودەی

• تاوەکو ئێستا لێکۆڵینەوە لە روداوی کوشتنەکەی ئەلاباما بەردەوامە، کە چوارکەس کوژران و 28 برینداربوون
• بەهۆی دۆزینەوەی جۆرە ڤاکسینێکی MRNAەوە هیوایەک بۆ چارەسەریی شێرپەنجەی پێست بەدی دەکرێت
• دادوەری داگای باڵای ئەمریکا ساموێل ئەلیتۆ بڕیاری سنوردارکردنی بەکارهێنانی حەبی لەباربردنی منداڵی راگرت

رۆژنامە تورکییەکان

ئانالیز

• هەڵبژاردنەکان بازاڕى ریکلامیان بوژاندووەتەوە
• ئەو شارانەی مەترسی بومەلەرزەیان لەسەرە، بازاری کڕین و فرۆشتنی خانووبەرە تێیاندا زۆر کزبووە
• تورکیا هەزار و 600 ئۆتۆمبێلی زرێپۆش بۆ 20 وڵات دروست دەکات

دیریلیش پۆستاسی

• لە هەڵبژاردنەکاندا نزیکەى پێنج ملیۆن دەنگدەر بۆ یەکەمجار دەنگ دەدەن
• لە 76 پارێزگای تورکیا 83 بازرگانی مادەی هۆشبەر دەستگیرکران
• هێزەکانی ڤاگنەری روسی داوا دەکەن شەڕی ئۆکراین کۆتایی پێبهێنرێت

سوزجو

• کیلۆیەک بیبەر لە تورکیا گەیشتووەتە 53 لیرە
• هاوپەیمانی گەل بۆ هەر سندوقێکی دەنگدان سێ چاودێر دادەنێت
• خولوسی ئاکار وەزیری بەرگریی تورکیا: یەپەگە لە سوریا هێرشی کردە سەر بارەگایەکی سوپای تورکیا

یەنی ئوزگور پۆلیتیکا

• پارتی چەپی سەوز زۆرترین ژنی بۆ پەرلەمان کاندید کردووە
• پارتی چەپی سەوز: لە وان هەشت کورسی پەرلەمان بەدەستدەهێنین
• پارتی چەپی سەوز بۆ یەکەم جار لە پارێزگای ئایدنی تورکیا کاندیدی پەرلەمانی دیاریکرد

رۆژنامە فارسییەکان

کەیهان

• داوا دەکرێت حکومەت بازاڕی خانووبەرە و ئۆتۆمبێل کۆنتڕۆڵ بکات
• ئەمساڵ ئێران ناتوانێت قەیرانی کەمی دەرمان چارەسەر بکات
• گوتەبێژی وەزارەتی دەرەوەی ئێران: دانوستانە ئەتۆمییەکانمان لەگەڵ رۆژئاوا بەردەوامە

ئیتلاعات

• دوو لەسەر سێی خەڵکی ئێران بەمنزیکانە شارنشین دەبن
• 120 هەزار منداڵی ئێران لەسەر شەقامەکان کار دەکەن
• گەشتی ئێرانییەکان بۆ تورکیا 45٪ زیادی کردووە

ئەبرار

• ئەمریکا لە رێککەوتنی ئێران و سعودیە نیگەرانە
• لە دێرەزوری سوریا چەند تەقینەوەیەک لە بارەگای سوپای ئەمریکا روویاندا
• وەزیری ناوخۆی ئێران: هەوڵەکانمان لەگەڵ عێراق بۆ پاراستنی ئاسایشی سنورەکانمان بەردەوامە

جمهوری ئیسلامی

• تاوەکو 9ی ئایار تاران و ریاز باڵیۆزخانەکانیان دەکەنەوە
• لە تاران نرخی خانووبەرە بەشێوەیەکی کەمەرشکێن زیادی کردووە
• سعودیە ژمارەیەکی دیکەی دیلەکانی یەمەنی ئازادکرد