رۆژنامەکان: پێدەچێت مانگی هەنگوینی حەلبوسی و هاوبەشە شیعەکانی کۆتایی هاتبێت

رۆژنامە عەرەبییەکان

شەرقولئەوسەت

• حەلبوسی دەیەوێت خۆی وەکو تاکە سەرکردەی سوننەی عێراق بناسێنێت
• پێدەچێت مانگی هەنگوینی حەلبوسی و هاوبەشە شیعەکانی کۆتایی هاتبێت
• ناتانیاهۆ هەڕەشە لە سووریا دەکات: باجی قورس دەدەن

سەباح

• لیژنەی دارایی پەرلەمانی عێراق بەڵێندەدات بە زوویی پرۆژەیاسای بودجە تێبپەڕێنن
• لەبارەی پرۆژەیاسای بودجەوە پەرلەمانی عێراق بەمزووانە میوانداریی سەرۆکوەزیران دەکات
• وەزارەتی کشتوکاڵی عێراق دەڵێت لەم چەند رۆژەدا نرخی گۆشتی سوور دادەبەزێت

قودسی عەرەبی

• هونەرمەندێکی عێراقی دەدرێتە دادگا بە تۆمەتی سوکایەتیکردن بە یەکێک لەو دادوەرانەی سەدام حسێنی دادگایی دەکرد
• یابان نزیکەی حەوت ملیۆن دۆلار پێشکەشی ئاوارە عێراقییەکان دەکات
• تۆمەتی گەندەڵی دەدرێتە پاڵ پارێزگاری ئەنبار و لێکۆڵینەوەی لەگەڵ دەکرێت

عەرەبی جەدید

• هێشتا هەناردەی نەوتی هەرێمی کوردستان دەستی پێنەکردووەتەوە
• “پاش کەوتنی دەسەڵاتەکەی عومەر بەشیر” سودان چوار ساڵی پڕ لە هەڵەی بەڕێکرد
• دیاریکردنی ناسنامەی سەرکردە تازەکەی داعش ئەرکێکی هەواڵگریی قورسە

رۆژنامە ئینگلیزییەکان

واشنتن پۆست

• بەگوێرەی بەڵگەنامە دزەپێکراوەکانی ئەمریکا “میسر بەنیازبووە بە نهێنیی موشەک بۆ روسیا بنێرێت”
• چەند شارەزایەکی پزیشکی هۆشداریی لە بڵاوبوونەوەی ڤایرۆسی کوشندە دەدەن
• چەند رەشپێستێکی ئەمریکا دەڵێن لە چاندنی گورچیلەدا جیاکاریی رەگەزییان بەرامبەر کراوە

ساوس چاینە مۆرنینگ پۆست

• سەرباری کۆتاییهاتنی مەشقی سەربازیی چین لەدەوروبەری تایوان “بەڵام هێشتا هۆشداریی جدیی دەدرێت لەبارەی گرژییەکانەوە”
• چین دەستپێشخەرییەکەی ئیمانوێل ماکرۆنی سەرۆکی فەرەنسا بۆ چارەسەری پرسی تایوان قبوڵدەکات
• بەهۆی دزەپێکردنی بەڵگەنامەی پەیوەندییەکانی نێوان ئەمریکا و کۆریای باشوورەوە ناردنی چەک بۆ ئۆکراین لەلایەن سیئۆلەوە ئاڵۆزتر بووە

عەرەب نیوز

• ئیسرائیلییە یاخییەکان بەردەوامن لە خۆپیشاندان و دەربڕینی ناڕەزایی لە کەرتی رۆژئاوای فەلەستین
• گفتوگۆی هێنانەکایەی ئاشتیی لە یەمەن خەڵکی باشووری ئەو وڵاتە لە جەنگ و کوشتار دەپارێزێت
• پاش یەکسانبوونەکەیان بەرامبەر فەیحای سعودی “کریستیانۆ رۆناڵدۆ و یانەی نەسر ئێوارەیەکی خەمباریان بەسەربرد”

دەیلی تەلەگراف

• لە سەردانەکەیدا بۆ ئێرلەندا جۆ بایدنی سەرۆکی ئەمریکا بەنیازە پارتە ناکۆکەکانی ئەو وڵاتە یەکبخات
• مانگرتنی پزیشکانی بەریتانیا بۆ زیادکردنی موچە ئاڵۆزیی زۆرتر دروستدەکات
• پاش دزەپێکردنی بەڵگەنامەکانی پێنتاگۆن “ئۆکراین پلانەکانی بۆ روبەڕوبونەوەی روسیا دەگۆڕێت”

رۆژنامە فارسییەکان

ئەفکار

• گوتەبێژی وەزارەتی دەرەوەی ئێران: شاندێکی سعودیە سەرقاڵی کردنەوەی باڵیۆزخانەکەیەتى لە تاران
• بوژاندنەوەی دەریاچەی ورمێ بە پلانی پەرلەمان و حکومەت دەستیپێکردووە
• وەزارەتی پیشەسازیی ئێران پرۆژەیەکی بۆ کۆتاییهێنان بە گرانی پێشکەشی دەوڵەت کرد

ئێمرۆز

• خراپی کوالیتی ئۆتۆمبێلی خۆماڵی هۆکاری زۆربوونی گیانلەدەستدانە لە رووداوەکاندا
• لە ئێران موچە بە تومەنە، بەڵام کرێی خانوبەرە بە دۆلارە
• ئێران و ئەمریکا لە ئاڵوگۆڕى زیندانیەکانیان نزیک دەبنەوە

جمهوری ئیسلامی

• ئێران ئامادەیە بگەڕێتەوە سەر مێزی دانوستانەکانی پرسی ئەتۆمی
• هەڵبژاردەی زۆرانبازیی ئێران بووە پاڵەوانی ئاسیا
• مریشک دیسانەوە باڵی گرت و نرخی کیلۆیەک گەیشتە 80 هەزار تومەن

روزگار

• سەرۆکی دەسەڵاتی دادوەریی ئێران: پێویستە هەموو کەسێک پابەندی یاسای باڵاپۆشی بێت
• ئێران دەیەوێت 15%ی وزەی پێویست لە ناوەندە ئەتۆمیەکانەوە بەدەستبهێنێت
• پەرلەمانى ئێران لەبارەی گرانبوونی نرخی ئۆتۆمبێل کۆدەبێتەوە

رۆژنامە تورکییەکان

سوزجو

• ئیمامئۆغلۆ: ئەردۆغان مانگێکی دیکە دەڕوات
• کلچدارئۆغلۆ: دۆخەکە بەمشێوەیە بێت کیلۆیەک پیاز دەبێتە 100 لیرە
• ئەو پەرلەمانتارانەی ئاکەپە کە سێ جار خۆیان کاندید کردووە و ئیدی ناتوانن خۆیان کاندید بکەنەوە “منداڵەکانیان کاندید کردووە”

جمهوریەت

• نۆ ملیۆن کەس لە تورکیا بێکارن
• کاندیدێکی هۆدارپار پێشتر گوتاری بۆ حزبوڵڵا نوسیوە
• 47 خوێندکاری دیکەی کچ لە ئێران ژەهراوی کران

قەرار

• ئەردۆغان: بودجەی پیشەسازیی سەربازی بۆ 75 ملیار دۆلار زیاد دەکەین
• لە ماوەی ساڵێکدا لە ئێران زیاتر لە پێنج هەزار خوێندکاری کچ ژەهراوی کراون
• سەرۆکی سیاسەتی ئابووریی پارتی ئایندە: ئاکەپە بڕوات رێژەی هەڵاوسان دادەبەزێت بۆ 20٪

ئاکشام

• ئەو هەدەپەیەی کلچدارئۆغلۆ پشتگیریی دەکات “داوای ئازادی بۆ ئۆجالان دەکات”
• خەڵکی ئەستەنبوڵ ئەو ناوچانە چۆڵ دەکەن کە لە هێڵی بومەلەرزەوە نزیکن
• ئەمڕۆ ئەردۆغان بەیاننامەی پارتەکەی بۆ هەڵبژاردن ئاشکرا دەکات