تورکیا هێشتا گڵۆپى سەوزى بۆ دەستپێکردنەوەى هەناردەى نەوتى هەرێم هەڵنەکردووە

رۆژنامە عەرەبییەکان

شەرقولئەوسەت

• بەرپرسى پەیوەندییەکانى دەرەوەى خۆبەڕێوەبەریی رۆژئاڤا لەبارەى کۆبوونەوە چوار قۆڵییەکەى مۆسکۆ دەڵێت، هەر رێککەوتنێک لەگەڵ تورکیا، شەرعیەتدانە بە داگیرکارییەکانى ئەو وڵاتە لە سوریا
• لاڤرۆڤ لە تورکیایە و ئاساییکردنەوەى پەیوەندییەکانى نێوان ئەنقەرە و دیمەشق لە لوتکەى ئەجێنداى کۆبوونەوەکانیدایە
• گرژییەکانى نێوان ئێران و ئازەربایجان دەگاتە لوتکە و باکۆ چوار دیپلۆماتکاریی ئێرانى دەردەکات

عەرەب

• تورکیا هێشتا گڵۆپى سەوزى بۆ دەستپێکردنەوەى هەناردەى نەوتى هەرێمى کوردستان هەڵنەکردووە و دەیەوێت سەرەتا لەگەڵ عێراق لەسەر ئەو قەرزەى هاتووەتەسەرى رێکبکەوێت
• هێرشى سەرۆکى پەرلەمانى کوەیت بۆسەر سەرۆکوەزیران، ئاستى قوڵبوونەوەى قەیرانى سیاسى وڵاتەکە ئاشکرادەکات
• ناکۆکى نێوان کەسایەتییە سەربازییەکانى سودان، رێگە بۆ پاشماوەکانى بەشیر خۆش دەکات بەربەست بۆ چارەسەریی سیاسی دروست بکەن

قودسى عەرەبى

• 30 موشەک لە باشوورى لوبنانەوە ئاراستەى ناوچە “داگیرکراوەکانى” فەڵەستین کران وەک وڵامێک بۆ رووداوەکانى مزگەوتى ئەقسا
• فەرماندەى سوپاى ئیسرائیل: ئیسرائیل ئامادەیە و دەتوانێت بەبێ هاوکاریی ئەمریکا لە ئێران بدات
• بەمنزیکانە هەردوو وەزیرى دەرەوەى تورکیا و سوریا کۆدەبنەوە

قەبەسى کوەیتى

• 200 پزیشک و پەرستارى پاکستانى گەیشتنە کوەیت بۆ کارکردن لە کەرتى تەندروستى وڵاتەکە
• سعودییە و ئێران لەسەر خاڵى نوێ رێککەوتن، هەماهەنگى دەکەن بۆ دەستپێکردنەوەى گەشتە ئاسمانییەکانى نێوانیان
• خێزانى کوەیتى باوەشێکى ئارامە.. 651 خێزان منداڵى بێ دایک و باوکیان لەخۆگرتووە و 36ى دیکەش چاوەڕێ دەکەن

رۆژنامە ئینگلیزییەکان

چاینە دەیلی

• لە سەردانی سەرۆکی فەرەنسا و سەرۆکی کۆمسیۆنی ئەوروپا بۆ پەکین، شی جینپینگی سەرۆکی چین داوای پەیوەندى ھاوبەش و پاراستنی ھەماھەنگیی نێوانیانی کردووە
• دوای پلانی ئەمریکا و تایوان، پەکین دەڵێت ئامادەیە بۆ گرتنەبەری رێکارەکان بۆ پاراستنی سەروەریی نیشتمانی و یەکێتی خاکەکەی
• پەکین پشتیوانی لە رۆڵی یەکێتی ئەوروپا دەکات لەبارەی پرسی دانوستانەکانى ئۆکراینەوە

واشنتن پۆست

• چۆڵکردنی ئەفغانستان لەلایەن ھێزەکانی ئەمریکاوە وانەیەکی تاڵ بوو بۆ واشنتن
• دوای چەند ھێرشێکی موشەکی لە لوبنانەوە بۆ سەر ئیسرائیل، سوپای ئەو وڵاتە بۆردومانی کەرتی غەززە دەکات
• رەخنەگرانی ترەمپ دەڵێن ھەوڵەکانیان بۆ دادگاییکردنی ترەمپ هێشتا کۆتایی نەھاتووە

عەرەب نیوز

• دوای ھێرشەکانی سەر مزگەوتی ئەقسا، ئیسرائیل بە چەند موشەکێک لەلایەن لوبنانەوە کرایە ئامانج
• ئاسایی بوونەوەی پەیوەندییەکانی نێوان سعودییە و ئێران، سەقامگیریی سیاسی بۆ ناوچەک دەھێنێتە ئاراوە
• حوسییەکانی یەمەن دەڵێن ئامادەن ئاگربەستێکی شەش مانگی بە نێوەندگیریی ئەمریکا لەگەڵ دەسەڵاتدارانی وڵاتەکە رابگەیەنن

گاردیان

• ئێمانوێل ماکرۆنی سەرۆکی فەرەنسا لەسەردانەکەیدا بۆ چین داوای لە شی جینپینگى سەرۆکى چین کردووە کە ھانی روسیا بدات بێتەوە سەر مێزی گفتوگۆ
• سەرۆکی ئەنجومەنی لۆردانی بەریتانیا دەڵێت دەبێت ئەندامانی ئەنجومەنەکە شارەزاتر و سەربەخۆبن بەھۆی ئەوەی سەرۆکوەزیرانەکانی پێشوو خەریکی پێکھێنانی ھاوپەیمانین
• دوای گفتوگۆی سەرۆکی تایوان لەگەڵ سەرۆکی ئەنجومەنی نوێنەرانی ئەمریکا، پەکین سزا بەسەر باڵیۆزی ئەمریکا لە تایواندا دەسەپێنێت