دوای ئەوەی رۆژنامەی نیویۆرک تایمز رەتیکردەوە بۆ بەردەوامیی نیشانە شینەکەی پشتراستکردنەوە ‘سەحە شینەکە’ مانگانە پارە بدات بە کۆمپانیای تویتەر، ئیلۆن مەسک، نیشانەکەی لەو رۆژنامەیە لە تۆڕی کۆمەڵایەتی تویتەر سڕییەوە.
جگە لە نیویۆرک تایمز، کە خاوەنی 55 ملیۆن شوێنکەوتووە (فۆڵۆوەز) لە تویتەر، چەندین کۆمپانیا و میدیای دیکەی جیهانی رەتیانکردووەتەوە پارە بدەن بە کۆمپانیاکە لەبری پێدانی نیشانە شینەکە.
ئیلۆن مەسک، ملیاردێر و خاوەنى کۆمپانیاى تویتەر لە لاپەڕەی خۆی لە تویتەر نوسی، “تراجدیاکەی نیویۆرک تایمز ئەوەیە کە پروپاگەندەکەیان هیچ سەرنجڕاکێش نییە”.
Also, their feed is the Twitter equivalent of diarrhea. It’s unreadable.
They would have far more real followers if they only posted their top articles.
Same applies to all publications.
— Elon Musk (@elonmusk) April 2, 2023
لە تویتێکی دیکەدا بە زمانێکی زبرتر نوسی، “بابەتەکانی تویتەریان رێک وەک “سکچون” وایە، کەس نایخوێنێتەوە”.
ئەو دەشڵێت، شوێنکەوتەی زۆر زیاتریان دەبوو ئەگەر تەنها هەواڵە تۆپستۆرییەکانیان پۆست کردبا و ئەم قسەیە بۆ هەموو میدیاکانی دیکەش راستە.
بەگوێرەى سیاسەتی تویتەر، کە لە کۆتایی ساڵی رابردووەوە رایگەیاندووە، ئەو دەزگا فەرمییانەی کە داوای نیشانەی پشتڕاستکردنەوە دەکەن، دەبێت مانگانە 1000 دۆلار بدەن بۆ وەرگرتنی نیشانەی زێڕین، هەرچی ئەکاونتە تایبەتییەکانیشە، دەبێت مانگانە 8 دۆلار بدەن بۆ پێدانی نیشانەی شین بە ئەکاونتەکانیان.
