رۆژنامەکان: بەغداد و هەولێر بە ناچاریی لەسەر هەناردەکردنەوەی نەوتی هەرێم رێکدەکەون

رۆژنامە عەرەبییەکان

سەباح

• پێشبینیدەکرێت پاش جەژنی رەمەزان بودجەی عێراق پەسەند بکرێت
• عێراق کەناڵی وشکانیی خۆی وەکو سەرچاوەیەکی تازەی داهات بەکاردەهێنێت
• هاتوچۆی عێراق دەڵێت بەرپرسیارێتیی دروستبوونی قەرەباڵغیی لەئەستۆ ناگرین

شەرقولئەوسەت

• رێککەوتنێکى سەرەتایی کراوە “بۆ دەستپێکردنەوەى هەناردەى نەوتى کوردستان”
• مشتومڕی نێوان سوننە و شیعە لە عێراق دەستیپێکردووەتەوە
• نیویۆرک لە رووی ئەمنییەوە خۆی بۆ خۆرادەستکردنەکەی ترەمپ ئامادە دەکات

عەرەب

• فشاری ئەمریکا و سکاڵای کۆمپانیا گەورەکان “بەغداد و هەولێر ناچاردەکەن لەسەر دەستپێکردنەوەی هەناردەی نەوتی کوردستان رێکبکەون”
• هەڵبژاردنەکان درێژە بە سەردەمی نائومێدی لە عێراق دەدەن
• سەرۆکی دەسەڵاتی دادوەریی لە ئێران  بەڵێنی سزادانی ژنانی بێ سەرپۆش دەدات

قودسی عەرەبی

• حەلبوسی تۆمەتبار دەکرێت بە رێگریکردن لە تێپەڕاندنی بودجە
• میلیشیاکانی ئێران ئامادەکاریی دەکەن بۆ راگەیاندنی “بەرخودانی جەماوەری ئیسلامی ” لە حەسەکە
• گەردەلولی ناوخۆی ئیسرائیل هەڕەشەیە بۆ سەر حکومەت

رۆژنامە ئینگلیزییەکان

عەرەب نیوز

• بەبۆنەی جەژنی ئەکیتۆوە ئاشورییەکانی عێراق لە دهۆک ئاهەنگ دەگێڕن
• هێزە ئەمنییەکانی ئیسرائیل هاوڵاتییەکی فەلەستینی لە دەروازەی مزگەوتی ئەقسا دەکوژن “ژمارەی کوژراوانی فەلەستین لەمساڵدا گەیشتووەتە زیاتر لە 90 کەس”
• لە هێرشێکدا لە پارێزگای بەلوچستانی ئێران لەسەر سنوری پاکستان “ئێران چوار سەربازی پاکستانی دەکوژێت”

ئۆبزێرڤەر

• قەیرانی دایەنگەی منداڵان لە بەریتانیا سەریهەڵداوە “خێزانەکان سەدان میل دەبڕن بۆ ئەوەی منداڵەکانیان بگەیەننە دایەنگە”
• خستنەکاری کێڵگەیەکی نەوتیی تازە لە بەریتانیا تەنگ بەیاسای دەردانی گازی کاربۆنی هەڵدەچنێت
• بەگوێرەی راپرسییەک هاوڵاتییانی بەریتانیا متمانەیان بە پارتی پارێزگارانی بەریتانیا نەماوە

سەندەی مۆرنینگ پۆست (چین)

• چین و سەنگافورە پەیوەندییەکانیان لە بوارەکانی زانست و تەکنەلۆژیادا بەهێزتر دەکەن
• پارتی کۆمۆنیستی چین داوا لە یابان دەکات چیدیکە دەست لە کاروباری دەرەوەی پەکین وەرنەدات
• گرژییەکانی نێوان ئەمریکا و چین بووەتە بەربەست لەبەردەم گەشەسەندنی کۆمپانیا تەکنۆلۆژییەکانی وەکو تیکتۆک

ئۆرشەلیم پۆست

• سەرباری هەڵپەساردنی چاکسازییەکانی دەسەڵاتی دادوەریی “خۆپیشاندانی بەرفراوان لە ئیسرائیل بەردەوامە”
• لە سەروبەندی قەیرانی نێوان ئەمریکا و ئیسرائیلدا، وەزیری دەرەوەی ئیسرائیل دڵنیایی دەداتە هاوتا ئەمریکییەکەی کە وڵاتەکەی وەکو رێنیشاندەری دیموکراسی دەمێنێتەوە
• لە هەفتەیەکدا بۆ جاری سێیەم ئیسرائیل هێرشی ئاسمانیی کردە سەر چەند ناوچەیەکی سووریا

رۆژنامە تورکییەکان

سوزجو

• ئەگەر هەیە سکاڵاکان لە دادگای دەستوری لەدژی کاندیدەکانی سەرۆککۆمار زیاد بکات
• ئەو کەسەی تەقەی لە باڵەخانەی پارتی باش کرد ئازادکرا
• هەڵاوسانی ساڵانە لە ئەستەنبوڵ 73%یە

سەباح

• ئەردۆغان هەدەپەی بە تیرۆریست لەقەڵەمدا و دەڵێت: گەل رێگە نادات کڵچدارئۆغلۆ لەگەڵ تیرۆر مامەڵە بکات
• وێنەی کلچدارئۆغلۆ کە لەسەر بەرماڵێک وەستاوە کاردانەوەی زۆری لێکەوتەوە
• منداڵێکی دوو مانگ کە لە هاتای لەژێر باڵەخانەیەکی روخاودا رزگارکرابوو رادەستی خانەوادەکەی کرایەوە

حوڕییەت

• نزیکەی حەوت هەزار و 500 یەکەی نیشتەجێبوون بۆ زیانلێکەوتووانی بومەلەرزە لە خارپێت بنیاتدەنرێن
• لە ئەستەنبوڵ پەیکەری پیاوێک دۆزرایەوە کە مێژووەکەی بۆ سەردەمی ئیمپراتۆری رۆم دەگەڕێتەوە
• لە ئێستاوە گەشتیاران لە کەپەدوکیا هۆتێل و ڤێلایان بۆ جەژنی رەمەزان گرتووە

ئاکشام

• ئەردۆغان: لە قەندیلەوە سڵاو بۆ کەمال کلچدارئۆغلۆ دەنێرن
• تاوەکو جەژنی رەمەزان هەموو باڵەخانە رووخاوەکان لە هاتای پاک دەکرێنەوە
• چین 50 هەزار کۆنتەینەر بۆ زیانلێکەوتووانی بومەلەرزەکانی شەشی شوبات دەنێرێت