رۆژنامە عەرەبییەکان

سەباح

• هەرێم متمانەی خۆی دووپاتدەکاتەوە بە گەیشتن بە رێککەوتنێکی گشتگیر لەگەڵ بەغداد
• بانکی نێودەوڵەتی پابەندبوونی خۆی دووپاتدەکاتەوە بە پشتگیریکردنی سیستمی بەرێوەبردنی دارایی لە عێراق
• پسپۆڕان: کۆمپانیاکانی ئاڵوگۆڕی دراو پێشێلی رێنماییەکانی بانکی ناوەندی دەکەن

شەرلقوئەوسەت

• هەولێر بەدوای لێکتێگەیشتنەوەیە لەگەڵ بەغداد بۆ رانەگرتنی هەناردەی نەوتەکەی
• ئێران پلانی هەیە بۆ سەپاندنی سزا بەسەر ئەو کەسانەی کە “حیجاب” ناکەن بە جۆرێک سزاکە دەگاتە شەش هەزار دۆلار
• نوێنەرێکی نەتەوەیەکگرتووەکان: روبەڕوی گەورەترین قەیرانی ئاسایشی خۆراک بووینەتەوە

عەرەب

• رەوتی سەدر ئامادەیی نییە لە خۆپیشاندانەکانی عێراق، دژ بە هەمواری یاسای هەڵبژاردن
• بڕیارەکەی دادگای ناوبژیوانی نێودەوڵەتی لەبارەی نەوتی کوردستان فشارەکانی سەر هەولێری کردووە بە دوو هێندە
• کورد دەترسێت بڕیارەکەی دادگا نێودەوڵەتییەکە لەلایەن هەندێک لایەن بەکاربهێنرێت بۆ دەستکەوتنی “تەنازول”ـی زیاتری کورد

قودسی عەرەبی

• شاندە کوردییەکەی بەغداد گفتوگۆ دەکەن لەبارەی بڕیارەکەی دادگا نێودەوڵەتییەکە بۆ راگرتنی هەناردەی نەوتی کوردستان
• عێراق بە دوای زیندووکردنەوەی بازرگانییە لە نێوان بەغداد و ئەنقەرە
• لە عێراق درامایەک رادەگیرێت بەپاساوی “سوکایەتی بە خەڵکی خوارووی عێراق “

رۆژنامە ئینگلیزییەکان

عەرەب نیوز

• بنیامین ناتانیاهۆ، سەرۆکوەزیرانی ئیسرائیل، وەزیری بەرگریی وڵاتەکەی بەهۆی بەرهەڵستی چاکسازیی کەرتی دادوارەیی لە پۆستەکەی دورخستەوە
• فەلەستینییەکان لە کەرتی رۆژئاوا روبەڕوی هێزە ئەمنییەکانی ئیسرائیل دەبنەوە
• کۆمپانیای ئارامکۆی سعودیی رێککەوتنێک لەگەڵ دوو کۆمپانیای چینیدا دەکات بۆ دامەزراندنی پاڵاوگەیەکی نەوتیی لە چین

گاردیان

• بەرپرسانی وەزارەتی تەندروستی بەریتانیا هۆشداریی دەدەن کە لە ماوەی 13 ساڵی داهاتوودا وڵاتەکە روبەڕوی کەمیی زیاتر لە نیو ملیۆن ستافی تەندروستی دەبێتەوە
• بەشێکی زۆر لە ویلایەتی میسیسیپی ئەمریکا بەهۆی زریان و رەشەباوە وێران بووە و جۆ بایدن، باری نائاسایی راگەیاندووە
• ناتۆ لەبارەی لێدوانەکانی سەبارەت بە بەکارهێنانی چەکی ئەتۆمی تاکتیکیی، رەخنە لە پوتین دەگرێت

چاینە دەیلی

• شی جینپینگ، سەرۆکی چین کۆمپانیا بیانییەکانی جیهان دڵنیادەکاتەوە کە وڵاتەکەی بەڕویاندا کراوە دەبێت
• دوای هەڵوەشاندنەوەی سەردانێکی لولا داسیلڤا، سەرۆکی بەرازیل بۆ چین بەهۆی نەخۆشییەوە، سەرۆکی چین هیوای چاکبوونەوەی بۆ دەخوازێت
• وەزارەتی دەرەوەی چین دەڵیت وڵاتەکەیان پێشوازی لەهەر کۆمپانیایەکی بیانی دەکات کە دەیەوێت بازرگانی لە وڵاتەکەیاندا بکات

واشنتن پۆست

• بنیامین ناتانیاهۆ، سەرۆکوەزیرانی ئیسرائیل روبەڕوی کۆمەڵێک ئاڵۆزی و ئاڵنگاری سیاسی بووەتەوە
• قوربانیانی زریانەکەی ویلایەتی میسیسیپی ئەمریکا روبەڕوی ماوەیەکی دوور و درێژ دەبنەوە بۆ گەڕانەوە بۆ دۆخی ئاساییان
• ئەمریکا و هاوپەیمانە رۆژئاواییەکانی هۆشداری بە پوتین دەدەن لەبارەی لێدوانە “مەترسیدارەکانی” سەبارەت بە بەکارهێنانی چەکی ئەتۆمیی

رۆژنامە تورکییەکان

ئەڤرەنسەل

• کلچدارئۆغلۆ بەدواداچوون بۆ 418 ملیار دۆلاری دەوڵەت دەکات کە دیار نەماوە
• کارمەندانی رێگەی ئاسن، ئاسمانی و زەمینی لە ئەڵمانیا دەستیان بە مانگرتن کرد
• لە تورکیا کیلۆیەک هەڵوژە گەیشتووەتە 1000 لیرە

سوزجو

• گوتەبێژی سەرۆکایەتی کۆمار: ئێمە (ئاکەپە) و هودا پار لە دڵەوە هاوبەشین
• ئەلیف ئەربەکان لەدژی فاتیح ئەربەکانی برای دەوەستێتەوە کە بەشداری لە هاوپەیمانێتیەکەی ئەردۆغان بووە
• تاوەکو ئێستا چوار کەس ناویان بۆ کاندیدی سەرۆکایەتی تورکیا تۆمارکردووە

سەباح

• لەنێوان 17 و 20 نیسان جەژنانە دەدرێتە کارمەند و خانەنشینان
• ئەردۆغان: هیچ وڵاتێک بە ئەندازەی ئێمە نەیتوانیوە لە بەرامبەر کارەساتی بومەلەرزە خۆی کۆبکاتەوە
• باخچەلی: کلچدارئۆغلۆ کاندیدی زاڵمەکانە

حوریەت

• بەهۆی بەرزبوونەوەی کرێی یەکەى نیشتەجێبوون پەیوەندی کرێچی و خاوەن خانوو لە خراپترین دۆخدایە
• لە هاتای دەست بە دروسکردنی 1004 خانووی بچوک لەسەر 28 مەتر چوارگۆشە بۆ زیانلێکەوتووانی بومەلەرجە دەکرێت
• کلچدارئۆغلۆ: جیاوازی ناکەین و دەبینە دەنگی هەموو هاوڵاتییەکی تورکیا