رۆژنامە عەرەبییەکان

سەباح

• پێشبینیدەکرێت بودجەی ئەمساڵی عێراق بەر لە جەژنی رەمەزان پەسەند بکرێت
• ئەم هەفتەیە عێراق دەست بە دابەشکردنی بەشەخۆراکی مانگی رەمەزان دەکرێت
• سەردەمی تازەی پەیوەندییەکانی نێوان هەولێر و بەغداد دەستیپێکرد.. کەشێکی ئارام باڵی بەسەر کوردستاندا کێشاوە

شەرقولئەوسەت

• زیاتر لە هەزار خێزانی گوندی عۆجەی شوێنی لەدایکبوونی سەدام حسێن ئاوارە بوون و بەشێکیان لە هەرێمی کوردستان نیشتەجێن
• کوڕی سەرۆک هۆزی ئەلبوناسر (هۆزەکەی سەدام حسێن): لە ترسی تۆڵە ناتوانین بگەڕێینەوە ماڵ و حاڵی خۆمان
• عەلی شەمخانی سەردانی بەغداد دەکات بۆ ئیمزاکردنی رێککەوتننامەیەکی ئەمنی لەنێوان عێراق و ئێران

عەرەب

• کردنەوەی هەژمارێکی بانکی بۆ داهاتی نەوتی هەرێم، هەنگاوێکە بەرەو چارەسەری تەواوەتی کێشەکانی نێوان بەغداد و هەولێر یاخود تەنها ئارامکەرەوەیەکی کاتییە؟
• سیاسییەکانی شیعە گەورەترین براوەی “داگیرکردنی عێراق” بوون لەلایەن ئەمریکاوە
• جوڵە ئیقلیمی و نێودەوڵەوتییەکان ئاماژەن بۆ داڕشتنی چارەسەرێکی سیاسی بۆ دۆخی سووریا

قودسی عەرەبی

• بەرپرسێکی ئەمنیی عێراق دەڵێت نەبوونی هەماهەنگی لەنێوان سوپا و پێشمەرگەدا وایکردووە داعش دۆخەکە بقۆزێتەوە و دەست بە جوڵە بکات
• عێراق بۆ گفتوگۆ و دانوستان لەبارەی دۆسیەی ئاو بەنیازە شاندێک بنێرێتە تورکیا
• داوا لە عێراق دەکرێت “پێشێلکارییەکانی دژ بە مافی مرۆڤ” لەوڵاتەکەیدا کۆتایی پێ بهێنێت

رۆژنامە ئینگلیزییەکان

گاردیان

• پزیشکانى کەرتی گشتی وەزارەتی تەندروستی بەریتانیا بری پێنج هەزار پاوەندیان پێدراوە بۆ ئەوەی لە کەرتی تایبەتدا کار بکەن
• دادگای تاوانی نێودەوڵەتی بەهۆی ئەنجامدانی تاوانی جەنگەوە فەرمانی دەستگیرکردنی بۆ پوتین دەرکرد
• سوێلا براڤەرمان، وەزیری ناوخۆی بەریتانیا، رێگریی دەکات گاردیان و بی بی سی یاوەری بکەن لە گەشتەکەیدا بۆ رواندا

چاینە دەیلی

• شی جینپینگ، سەرۆکی چین رۆژی دووشەممە لە گەشتێکیدا بەمەبەستی ئاشتی و بەهێزکردنی پەیوەندییەکانی لەگەڵ روسیا، سەردانی مۆسکۆ دەکات
• بەهۆی هاتنی وەزری بەهارەوە، کەرتی گەشتیاری چین بەشێوەیەکی بەرچاو گەشەی کردووە
• بەگوێرەى توێژینەوەیەک نیوەی کەسانی پێگەیشتوو لە چین، شەوانە کەمتر لە هەشت کاتژمێر دەخەون

عەرەب نیوز

• بەهۆی چاکسازی لە کەرتی دادوەری وڵاتەکەی و ناڕەزایی ناوخۆی و دەرەکی، بنیامین ناتانیاهۆی سەرۆکوەزیرانی ئیسرائیل لەژێر فشارێکی زۆردایە
• مەولود چاوشئۆغڵو، وەزیری دەرەوەی تورکیا بۆ ئاساییکردنەوەی پەیوەندییەکانییان لەگەڵ میسردا سەردانی قاهیرە دەکات
• دوای داڕمانی کەرتی کارەبای لوبنان، ئەمریکا بە بڕی 20 ملیۆن دۆلار هاوکاری کەرتی تایبەتی ئەو وڵاتە دەکات بۆ سود وەرگرتن لە تیشکی خۆر

یوئێس ئەی تودەی

• دەنگدەرە رەشپێستەکانی ئەمریکا داوا دەکەن بایدن هەنگاوی کرداری بنێت بۆ چارەسەرکردنی پرسی توندوتیژی، پۆلیس، سەلامەتی و ئابوری
• سەرەڕای بەردەوامی بەفربارین و زریان لە ویلایەتی کالیفۆرنیای ئەمریکا، پاککردنەوەی رێگاکان لە رۆژهەڵات و رۆژئاوای ئەو ویلایەتەدا دەستیپێکردووە
• کۆشکی سپی دەڵێت، پێویستە چین لەبارەی پرسی ئاشتی بۆ شەڕی روسیا، لەگەڵ ئۆکراینیشدا قسە بکات

رۆژنامە تورکییەکان

حوریەت

• فڕۆکەوانی هێلیکۆپتەرێکی هەسەدە کە کەوتە خوارەوە خەڵکی کۆبانێیە
• پەرلەمانی تورکیا دەنگ لەسەر ئەندامێتی فینلەندا لە ناتۆدا دەدات
• کلچدارئۆغلۆ دەیەوێت دەنگی پارتی بێلایەنی تورکیا و پارتی رێگەی میللی تورکیا بەدەستبهێنێت

سەباح

• وەزیری دەرەوەی تورکیا دوای 11 ساڵ لە ناکۆکی نێوان تورکیا و میسر سەردانی قاهیرە دەکات
• سەردانی کەمال کلچدارئۆغلۆ، کاندیدی هاوپەیمانی گەل بۆ لای هەدەپە کە پێویست بوو ئەمڕۆ بکرێت دواخرا
• زیانەکانی بومەلەرزە لە تورکیا 103 ملیار و 600 ملیۆن دۆلارە

سوزجو

• ئاکەپە بڕوانامەی دکتورای ساختەی بۆ لایەنگرانی دروستکردووە
• سەرۆکی شارەوانەی ئەنقەرە داوا دەکات خۆى و ئیمامئۆغلۆ ببنە جێگری کلچدارئۆغلۆ
• 20ی مانگ فاتیح پورتاکال یەکێک لە بەناوبانگترین بێژەرەکانی تورکیا لە کەناڵی سوزجو هەواڵ پێشکەش دەکات

یەنی ئوزگور پۆلیتیکا

• لە ناوچە زیانلێکەوتووانی بومەلەرزە دوو ملیۆن کەس کۆچیان کردووە
• هاوسەرۆکی هەدەپە: دەسەڵات کارەساتی بومەلەرزە بۆ بەدەستهێنانی پارە بەکاردەهێنێت
• سالار مەحمود پەرلەمانتاری پێشووی یەکێتی: ئەوروپا هاوشێوەی سەدام چەکی کیمیایی بە تورکیا دەدات

رۆژنامە فارسییەکان

کەیهان

• وەزیری دەرەوەی پێشووی ئەمریکا: رێککەوتنی ئێران و سعودیە گەورەترین پێشکەوتنە
• حکومەتی ئێران گەورەترین ناوەندی بەدواداچوون و دەرمانی شێرپەنجەی کردەوە
• یەمەن و سعودیە ئامادەکاری بۆ ئاڵوگۆڕى دیلەکان دەکەن

جمهوری ئیسلامی

• لە دوو رۆژی رابردوودا لە ئیران 76 کەس بەهۆی روداوەکانی هاتوچۆوە گیانیان لەدەستداوە
• مانۆڕی سەربازی ئێران، روسیا و چین لە زەریای هیندی بەردەوامە
• 750 ئەفسەری ئیسرائیل بەهۆی قەیرانی سیاسی لە تەلئەبیب دەستیان لەکارکێشایەوە

ئەفکار

• ئێران و کینیا لە بواری خزمەتگوزاری ئەلکترۆنیدا هاوکاری یەکدی دەکەن
• ئێران لە دروستکردنی ئۆتۆمبێلدا پێش بەریتانیا کەوت
• ساڵی داهاتوو چوار هێڵی دیکەی میترۆ لە تاران دروستدەکرێن

ئێعتێماد

• دوێنێ چوارەم رۆژی هەوای پاکی تاران بوو لە ماوەی ساڵی رابردوودا
• کۆبوونەوەی تورکیا، سوریا، ئێران و روسیا لە مۆسکۆ دواخرا
• سەرۆکى چین رۆژی دووشەممە سەردانی مۆسکۆ دەکات