رۆژنامەکان: عێراق بە پارەی “ئەوانی تر” قەیرانی کەمیی کارەبا چارەسەر دەکات، ئەی پارەکەی خۆی بۆ کوێ دەچێت؟

رۆژنامە عەرەبییەکان

سەباح

• پێنج خراپترین پارێزگای عێراق لە رووی خزمەتگوزارییەوە: دیوانیە، سەماوە، بابل، واست و سەڵاحەدین
• لیژنەی پەروەردەی عێراق رەشنووسی یاسای “پاراستنی مامۆستا” ئامادە دەکات
• هیوایەکی زۆر هەیە بۆ کۆتاییهێنان بە ناکۆکییە سیاسییەکانی هەرێمی کوردستان

عەرەب

• کردنەوەی “گرێکوێرەی هەڵبژاردن” رێگە بۆ کۆتاییهێنان بە قەیرانە سیاسییەکەی هەرێمی کوردستان خۆشدەکات
• دادپەروەیی لە عێراق غائیبە: بۆ جاری دەیەم دادگاییکردنی بکوژی هیشام هاشمی شکستدەهێنێت
• عێراق بە پارەی “ئەوانی تر” قەیرانی کەمیی کارەبا چارەسەر دەکات، ئەی پارەکەی خۆی بۆ کوێ دەچێت؟

قودسی عەرەبی

• گۆڕینی ناوی مزگەوتێک لە پارێزگای سەڵاحەدینی عێراق ناڕەزایی سوننەی لێدەکەوێتەوە “فیتنە و ئاشوبی لێدەکەوێتەوە”
• ئێران لە لێدوانەکانی وەزیری دەرەوەی ئەڵمانیا توڕەیە: ئێوە بە پێدانی چەکی کیمیایی پشتگیریتان لە سەدام دەکرد
• ئەم جەنگەی ئۆکراین خاڵی هاوبەشی لەگەل جەنگی هەشت ساڵەی ئێران و عێراقدا هەیە “بەڵام پوتین سەدام نییە”

دەستووری عێراقی

• “فێڵ و بازاڕی رەش” هۆکارن بۆ بەردەوامبوونی قەیرانی دۆلار لە عێراق
• سودانی دوو هەفتە مۆڵەت دەداتە بەرپرسە ئەمنییەکانی دیالە “بۆ سەقامگیرکردنی دۆخی ئەمنیی پارێزگاکە”
• کارکردن لە یەکێک لە گەورەترین پرۆژە گەشتیارییەکانی بەغداد دەستیپێکرد: پارکی سەعدون

رۆژنامە ئینگلیزییەکان

عەرەب نیوز

• لە هێرشیکی ئاسمانیدا بۆ سەر بنکەیەکی چەک و تەقەمەنی ئێران لە سوریا حەوت کەس گیانیان لەدەستدا
• خێزانی قوربانیانی تەقینەوەکەی بەندەری بەیروت پێشوازیی لە بڕیارەکەی نەتەوەیەکگرتووەکان دەکەن “کە داوای لێکۆڵینەوەی وردیان کردبوو لە رووداوەکە
• لانیکەم 16 کەس لە کەناراوەکانی یەمەن گیانیان لەدەستدا “بەهۆی نقومبوونی بەلەمەکانیانەوە”

تایمز

• حکومەتی بەریتانیا سەرقاڵی داڕشتنی ستراتیژێکە بۆ خێراکردنی پرۆسەی دیپۆرتکردنەوەی پەنابەران
• بەریتانیا بودجەی تایبەت بۆ کڕینی دەرمانی دابەزاندنی کێش دابیندەکات “12 ملیۆن هاوڵاتی دەگرێتەوە”
• بەهۆی شەپۆلی سەرما و بەستەڵەکەوە هۆشداریی دەدرێتە دانیشتووانی باشووری بەریتانیا

ساوس چاینە مۆرنینگ پۆست

• ئەمریکا و چین رێکخراوێکی زانستیی دادەمەزرێنن “بۆ چارەسەرکردنی پرسی گۆڕانی کەشوهەوا”
• چین داوا لە هۆنگ کۆنگ دەکات کێشەکانی پەیوەست بە “نیشتەجێبوون، دامەزراندن، ‌گەنج و کەسانی بەتەمەن” چارەسەربکات
• چین  بەنیازە وێستگە ئاسمانییەکەی بە رووی هاوبەشە بیانییەکانیدا بکاتەوە “راهێنان بە کەشتیوانە بیانییەکان بکات”

واشنتن پۆست

• کارگەکانی دروستکردنی چەک لە ئەمریکا فشاری زۆریان کەوتووەتە سەر بەهۆی دابینکردنی چەک بۆ ئۆکراین
• دەسەڵاتی بەرپرسانی تەندروستیی لە ئەمریکا کەمکراوەتەوە بەو هۆیەوە بڵاوبوونەوەی هەر پەتایەکی دیکە لە داهاتوودا کاریگەریی خراپی بۆ سەر هاوڵاتیان دەبێت
• کەناڵی فۆکس نیوزی ئەمریکی ناکۆکییەکانی لەگەڵ دۆناڵد ترەمپ وەلادەنێت و راستەوخۆ گوتارێکی دەگوازێتەوە

رۆژنامە تورکییەکان

حوڕییەت

• کاتی تاقیکردنەوەی زانکۆکان لە تورکیا راگەیەنرا و ناوەڕاستی ئەم مانگە دەستپێدەکەن
• سەرۆکی جەهەپە و سەرۆکی ئاکەپە لەبارەی دۆخی زیانلێکەوتووانی بومەلەرزە کۆبوونەوە
• دوو مانگی دیکە زیانلێکەوتووانی بومەلەرزە لە چادرەکانەوە بۆ کۆنتەینەرەکان دەگوازرێنەوە

ئەڤرەنسەل

• لە هەشتی مارسدا لە تورکیا سێ ژن کوژران
• سەڵاحەدین دەمیرتاش نامەیەکی کراوەی بۆ مەراڵ ئاکشەنەر سەرۆکی پارتی باش نارد
• پەرلەمانتارێکی جەهەپە: رۆژانە 393 دوکاندار مایەپووچ دەبن

سوزجو

• پەرلەمانتارێکی پارتی دیموکرات: کلچدارئۆغلۆ 55٪ی دەنگەکان بەدەست دەهێنێت
• لە هەشتی مارسدا لە ئیزمیر، ئەنقەرە و ئەستەنبوڵ توندوتیژی بەرامبەر ژنان ئەنجامدرا
• تێچووی کاروباری دادنووسی لە تورکیا 100٪ زیادی کردووە

سەباح

• هاوپەیمانیی گەل ئەگەر دەسەڵات بگرێتە دەست رێگە بە پرۆژەی کاناڵ ئەستەنبوڵ نادات
• نووسەرێکی سەباح: هەدەپە هاوبەشی شاراوەی هاوپەیمانیی گەلە
• سیستمی پێنج جێگر لە سەرۆکی پارتەکان و دوو جێگریی لە سەرۆک شارەوانییەکان سەری لە خەڵک تێکداوە

رۆژنامە فارسییەکان

ئیتلاعات

• ئێران ئامادەیە هەموو زانیارییەک لەسەر چالاکییە ئەتۆمیەکانی ئاشکرا بکات
• لە شەش پارێزگای ئێران چەند کەسێک بە تۆمەتی “ئەنجامدانی هێرشی کیمیایی” بۆسەر خوێندکارە کچەکان دەستگیرکران
• سعودیە ئامادەیە لەگەڵ ئێران دەست بە دانوستان بکات

قودس

• ئێران بەرهەمهێنانی ئۆتۆمبێل بە رێژەی 50٪ زیاد دەکات
• لە پارێزگای سمنان دەست بەسەر چوار تەن مادەی هۆشبەردا گیرا
• قەتەر: پێویستە هەموو وڵاتان پشتگیری لە دانوستانەکانی پرسی ئەتۆمی ئێران بکەن

ئاسیا

• کۆنگرەی نیشتمانیی ئابووریی ژنانی ئێران دەستیپێکرد
• وەزیری کاری ئێران: ئێران دەستی بە دۆزینەوەی کانزای تازە کردووە
• ئێران بۆ چارەسەرکردنی گرفتی بازاڕی دراو گرێبەستی بازرگانیی لەگەڵ چەند وڵاتێکی دیکە ئیمزادەکات

ئەبرار وەرزش

• لاوانی ئێران سێ بە هیچ لە ڤێتنامیان بردەوە “ئێستا عێراق تاکە بەربەستە لەبەردەمیدا بۆ ئەوەی بگاتە جامی جیهانی”
• ئێران لە یاری فوتساڵدا بووە پاڵەوانی جیهان
• هەڵبژاردەی رووسیا دەیەوێت یاریی دۆستانە لەگەڵ ئێران و عێراق ئەنجامبدات