زووم:
لوید ئۆستن، وەزیرى بەرگریی ئەمریکا بە سەردانێکى رانەگەیەنراو گەیشتە بەغداد و جەختیکردەوە ئامانجى سەردانەکەى بۆ بەهێزکردنى هاوبەشى ستراتیژیی نێوان ویلایەتە یەکگرتووەکانى ئەمریکا و عێراقە.
ئۆستن لە تویتەرى خۆى، ڤیدیۆى کاتى گەیشتنى داناوە و نوسیویەتى “لێرەم بۆ جەختکردنەوە لە هاوبەشی ستراتیژیی نێوان ئەمریکا و عێراق، لەکاتێکدا عێراق هەنگاو دەنێت پارێزراوتر، سەقامگیرتر و سەروەرتر بێت”.
Wheels down in Baghdad. I’m here to reaffirm the U.S.-Iraq strategic partnership as we move toward a more secure, stable, and sovereign Iraq. pic.twitter.com/hJVJjefuyv
— Secretary of Defense Lloyd J. Austin III (@SecDef) March 7, 2023
سەبارەت بە سەردانەکەى لوید ئۆستن بۆ عێراق، بەرپرسێکى باڵاى ئەمریکا بە رۆیتەرزى گوتووە، سەردانەکە “بۆ نیشاندانى پابەندى واشنتنە کە ئەمریکا پابەند دەبێت بە پارێزگاریی لە مانەوەى سەربازیی خۆى لە خاکى عێراقدا”، ئەوەش پاش نزیکەى 20 ساڵ لە جەنگى 2003 و روخاندنى رژێمى بەعس.
وەزیرى بەرگریی ئەمریکا رۆژى یەکشەممە بە سەردانێکى چەند رۆژە گەیشتە رۆژهەڵاتى ناوەڕاست و لە یەکەم وێستگەى گەشتەکەیدا سەردانى ئوردنى کرد و لەگەڵ شا عەبدوڵڵاى پادشاى وڵاتەکە کۆبووەوە.
