رۆژنامەکان: گۆشتی سوور لە تورکیا فڕی و ئێرانیش پۆلیس لەبەردەم خوێندنگەکاندا جێگیردەکات

رۆژنامە عەرەبییەکان

سەباح

• ئۆتۆمبێل گەورەترین هۆکاری پیسبوونی ژینگەیە لە عێراق
• پەرلەمانتارانی عێراق داوا لە حکومەت دەکەن بە زوویی پرۆژەیاسای بودجە بنێرن
• ئەندامانی تیمی هەڵبژاردەی تۆپی پێی عێراق هەریەکەیان بە “تیروپشک” پارچە زەوییەکی 200 مەترییان لە بەغداد وەرگرت

شەرقولئەوسەت

• هەزاران خوێندکاری کچ لە 25 پارێزگای ئێران ژەهراوی بوون “هێشتا هۆکارەکەی روون نییە”
• هەموارکردنەوەی یاسای هەڵبژاردنەکان ناڕەزایی هاوڵاتیانی عێراقی لێدەکەوێتەوە
• ئەمریکا “بەشار ئەسەد” بە ئەنجامدانی تاوان دژی مرۆڤایەتی تۆمەتباردەکات

عەرەب

• وڵاتانی کەنداو هاوکاریی تورکیا دەکەن بۆ دەرچوون لەو قەیرانەی تووشی بووە
• زانکۆکانی ئەفغانستان تەنها بۆ کوڕانە “کچان بەبێئومێدیی لە ماڵەوە دادەنیشن”
• پشت بەستن بە دراوی ئەمریکی هەژارییەکی قوڵی لە لوبنان بەرهەمهێناوە

قودسی عەرەبی

• زیادبوونی حاڵەتەکانی گیانلەدەستدان لە نێو گرتووخانەکانی عێراقدا مشتومڕی ناوەتەوە
• وشکەساڵی هەڕەشە لە دەیان هەزار خێزانی باشووری عێراق دەکات
• داوای عەسائیبی ئەهلی حەق داوا لە پەرلەمان دەکات بانگێشتی فوئاد حسێن بکەن

رۆژنامە تورکییەکان

سوزجو

• هاوپەیمانیی گەل لە کۆتاییدا کاندیدەکەی راگەیاند
• سەرۆکی پێنج پارتەکەی دیکەی نێو هاوپەیمانیی گەل دەبنە یاریدەدەری کلچدارئۆغلۆ
• ئەردۆغان جەختی لەسەر 14ی ئایار کردەوە بۆ رۆژی هەڵبژاردنەکان

سەباح

• ئەردۆغان: لە دوو مانگدا 100 هەزار کۆنتەینەر بۆ زیانلێکەوتووانی بومەلەرزە دابین دەکرێن
• ئەمریکا و ئەوروپا رێگری لە کۆبوونەوەی سێ قۆڵیی “ئەردۆغان، پوتین و زێلینسکی” دەکەن
• لە ناوچە زیانلێکەوتووەکانی بومەلەرزە قوتابخانەی کاتی دروستدەکرێت

ئەڤرەنسەل

• هاوسەرۆکی هەدەپە: چاوەڕێی کلچدارئۆغلۆ دەکەین سەردانمان بکات
• لە ناوچەی ئارسوزی هاتای دوای مانگێک لە بومەلەرزە 70 چادر بەسەر زیانلێکەوتوواندا دابەشدەکرێن
• لە دوو مانگدا لە تورکیا نرخی گۆشتی سوور 50٪ بەرزبووەتەوە

یەنی ئوزگور پۆلیتیکا

• سەرۆکی کۆمەڵەیەکی بەرگریکردن لە مافی منداڵان: لە ناوچە زیانلێکەوتووەکان نزیکەی هەزار منداڵ بێسەروشوێنن
• ژمارەی ئەو باڵەخانانەی لە بومەلەرزەکاندا زیانیان بەرکەوتووە گەیشتە 227 هەزار باڵەخانە
• 14 سەندیکای پارێزەران پشتگیریی خۆیان بۆ یانەی ئامەد دەربڕی “پاشئەوەی لە بۆرسا هێرشکراوەتە سەر یاریزانانی یانەکە”

رۆژنامە فارسییەکان

ئیتلاعات

• سەرۆکی دەسەڵاتی دادوەریی: لێکۆڵینەوە لە ژەهراویبوونى خوێندکاران دەکەین
• لە ئێران پرۆسەی چاندنی ملیارێک نەمام دەستیپێکرد
• لێبوردنە گشتییەکەی خامنەیی 80 هەزار کەس دەگرێتەوە

جمهوری ئیسلامی

• ئێران سزای سێدارەی بەسەر شەش ئەندامی بزوتنەوەی خەباتی عەرەبی ئێرانیدا سەپاند
• “ئاگرکەوتنەوە” لە کەمپێکی پەنابەرانی رۆهینگیا 12 هەزار موسڵمان ئاوارە دەکاتەوە
• گوتەبێژی وەزارەتی دەرەوەی ئێران: دانوستان لەنێوان تاران و واشنتن بەردەوامە

ئێعتێماد

• گروسی: بە جۆش و خرۆشەوە چاوەڕێی هەنگاوی دیکە دەکەین بۆ چارەسەری پرسی ئەتۆمی ئێران
• وەزیری بەرگریی ئێران: ئێران درۆنی بە روسیا نەداوە و ئەم هەواڵانە بانگەشەی وڵاتانی رۆژئاوایە
• وەزیری بەرگریی ئەمریکا دوای ئوردن سەردانی میسر و ئیسرائیل دەکات

ئافتاب

• هێزی پۆلیس لەبەردەم خوێندنگەکانی ئێراندا جێگیردەکرێن “پاش زیادبوونی حاڵەتەکانی ژەهراویبوونی خوێندکاران”
• ئەگەر هەیە بەشار ئەسەد سەرۆکی سووریا سەردانی مۆسکۆ بکات
• %70ی یەکەکانى نیشتەجێبوون لە ئێران رووبەرەکانیان کەمترن لە 100 مەتر

رۆژنامە ئینگلیزییەکان

گەڵف نیوز

• ئیمارات لەگەڵ 57 وڵاتی دیکەدا نوسینگەیەک بۆ بانکی ئیقلیمی وەبەرهێنانی ژێرخانی ئاسیا دادەمەزرێنن “بە بەهای 100 ملیار دۆلار”
• پاش مانگێک لە بومەلەرزەکە گەورەکانی تورکیا و سوریا “لێقەوماوان پێویستییان بە شوێنی مانەوە” هەیە
• کوەیت دووبارە شێخ ئەحمەد نەواف وەک سەرۆکوەزیرانی وڵاتەکە دەستنیشاندەکاتەوە

چاینە دەیلی

• سەرۆکی چین پشتیوانی خۆی بۆ کەرتی تایبەت دووپاتکردەوە و بەڵێنیدا “باری سەرشانی کۆمپانیاکان کەمبکاتەوە”
• داواکاری گشتیی چین داوای پاراستنی مندالان دەکات لە “تۆڕەکانی ئینتەرنێت”
• بەهۆی بەرزبوونەوەی توشبووانی پەتا بەرپرسانی چین سەنتەری راهێنان دەکەنەوە

هائارێتز

• سەرۆکی ئیسرائیل رێگەنادات هاوپەیمانییەکەی ناتانیاهۆ دەسەڵاتی تەواوی لە دانانی حاکمی شارەکاندا هەبێت
• سوپای ئیسرائیل لە قوڵایی قەیرانی دەستووریی وڵاتەکەدایە
• چوار فەلەستینی “یەکێکیان منداڵە” بەهۆی بەردبارانکردنیان لەلایەن ئیسرائیلییە هاوردەکانەوە برینداربوون

یو ئێس ئەی تودەی

• لە سێ ساڵی رابردوودا ئێف بی ئای ریکۆردی مێژوویی لە دەستبەسەرداگرتنی چەکدا تۆمارکردووە
• لەمەودوا پۆلیسی ئەمریکا لە گەڕان بە دوای منداڵانی ونبوودا سۆراخی منداڵانی سەروو تەمەن 10 ساڵ ناکات
• ژمارەی گیانلەدەستدان بەهۆی شەپۆلی سەرماکەی کالیفۆرنیاوە گەیشتە 13 کەس و سەدان هەزار کەسیش بێ کارەبا ماونەتەوە