رۆژنامەکان: سودانی دەیەوێت لە کۆت و بەندی ئێران دەربچێت

رۆژنامە عەرەبییەکان

سەباح

• هەمواری یاسای هەڵبژاردنەکان ئارامی دۆخی سیاسی دەشێوێنێت لە عێراق
• لیژنەی پەیوەندییەکانی پەرلەمانی عێراق: هۆکاری نێودەوڵەتی کاریگەرییان بەسەر خزمەتگوزاری ئینتەرنێتەوە هەیە
• عێراق ژمارەیەک رێکاری گرتووەتە بەر بۆ بەرەنگاربوونەوەی مەترسی بومەلەرزە

شەرقولئەوسەت

• سەندیکای رۆژنامەنوسانی عێراق دەچێتە نێو مشتومڕ لەبارەی یاسای “ئازادییەکان”
• وەزیری بەرگری ئەمریکا بەدوای هاریکاریدا دەگەڕێت لە رۆژهەڵاتی ناوەڕاست
• ترەمپ بەڵێن دەدات رێگری بکات لە جەنگی جیهانی سێیەم

عەرەب

• سودانی دەیەوێت لە کۆت و بەندی ئێران دەربچێت لە رێگەی کرانەوەی لەگەڵ عەرەب
• دەسەڵات لە هەرێمی کوردستان بێدەنگی هەڵبژاردووە بەرامبەر پێشێلکاری دژ بە رۆژنامەنوسان
• مستەفا کازمی هۆشداریدەدا لە سیاسەتی تۆڵەکردنەوە لە بەرپرسانی حکومەتی پێشووی عێراق

قودسی عەرەبی

• یەکێتی یادی راپەرین وەک هەلێک بەکاردێنێت بۆ داواکردنی دیالۆگ
• پەرلەمانی عێراق داوا دەکات پەلە بکرێت لە یاسای “لێبوردنی گشتی”
• چین 225 ملیار دۆلار بۆ بەرگری تەرخان دەکات، دووەم گەورەترین بودجەیە لە جیهاندا بۆ بواری بەرگری

رۆژنامە تورکییەکان

ئەڤرەنسەل

• لە بۆرسا هێرشکرایە سەر یاریزانانی یانەی ئامەد و ژمارەیەک یاریزان و لایەنگرانی بریندار بوون
• ژنان لە تورکیا لەئێستاوە دەستیان بە چالاکیەکانیان بەبۆنەی 8ی مارسەوە کردووە
• هاوپەیمانی گەل ئەمڕۆ کۆدەبێتەوە و بڕیارە کاندیدەکەیان بۆ پۆستی سەرۆکایەتی ئاشکرا بکەن

حوریەت

• کرێچیەکان بۆیان هەیە لە خانووە زیان لێکەوتووەکان بچنە دەرەوە و گرێبەستەکان هەڵبوەشێننەوە
• لە تورکیا 24 شار لەسەر هێڵی بومەلەرزە دروستکراون
• کۆبوونەوەکەی هاوپەیمانی گەل کاتژمێر 2ـى پاشنیوەڕۆ بەڕێوەدەچێت

سەباح

• سەرۆکی پارتی مەملەکەت: زۆر کاندیدی سەرۆکایەتیی، شکست بە ئەردۆغان دەهێنێت
• کەلوپەلی نێو 495 کۆنتەینەر کە بۆ ئەگەری بومەلەرزە لە شارەکانی تورکیا ئامادەکرابوون “دزراون”
• کلچدارئۆغلۆ: 418 ملیار دۆلار لە بودجەی تورکیا دیار نەماوە

یەنی ئوزگور پۆلیتیکا

• هاتای کە بەهۆی بومەلەرزەوە زیانێکی زۆی پێگەیشتووە پێویستی بە ئاوە
• بازرگانەکان بە هەرزان مەڕوماڵاتی گوندنشینانی ناوچە زیانلێکەتووانی بومەلەرزە دەکڕن
• بەڕێوەبەری پۆلیسی ناوچەی ئیسلاحیەی دیلۆک هاوکارییەکانی خەڵکی بۆ زیانلێکەوتووانی بومەلەرزە “دزیوە”

رۆژنامە ئینگلیزییەکان

عەرەب نیوز

• بنیامین ناتانیاهۆ، سەرۆکوەزیرانی ئیسرائیل، داوای یەکێک لە هاوپەیمانەکانی کابینەکەی بۆ سرینەوەی شاری هەوارا لە کەرتی رۆژئاوا بە “نەشیاو” وەسفدەکات
• “ئێرانی پەراوێزخراو” بەڵێنی تەواوی داوە هەماهەنگیی لەگەڵ ئاژانسی وزەی ئەتۆمی نێودەوڵەتیدا بکات بۆ پشکنینی وێستگە ئەتۆمییەکانی
• کەرتی نانەوتیی سعودیە لە مانگی رابردوودا زۆرترین گەشەسەندنی بەخۆیەوە بینیوە لە ساڵی 2015ەوە

گاردیان

• ریشی سوناک، سەرۆکوەزیرانی بەریتانیا بەنیازە ئەم هەفتەیە یاسایەک رابگەیەنێت بۆ دەستگیرکردن و دیپۆرتکردنەوەی کۆچبەرانی نایاسایی وڵاتەکەی
• دۆناڵد ترەمپی سەرۆکی پێشووی ئەمریکا وەک خۆ ئامادەکردنێک بۆ دووبارە بوونەوەی بە سەرۆک دەڵێت من دەبم بە سزا بۆ ئێوە
• شەڕی روسیا و ئۆکراین لەنێو شاری باخموت بەردەوامە و ئۆکراین داوای پشتیوانی زیاتر دەکات

چاینە دەیلی

• شی جینپینگ، سەرۆکی چین داوای بەرەوپێشبردنی کوالیتییەکی بەرزی گەشەپێدانی وڵاتەکەی دەکات
• لەماوەی هەشت ساڵدا چین یەک ژمارە لە رێژی بودجەی وڵاتەکەی بۆ بودجەی بەرگریی زیادکردووە
• بەگوێرەى راپۆرتە میدیایییەکان، منداڵانی کۆچبەر کە لە ناوەڕاستی ئاسیاوە بەبی دایک و باوک گەیشتوونەتە ئەمریکا، خراپ مامەڵەیان لەگەڵدا دەکرێت

یو ئێس ئەی تودەی

• دوای دووساڵ لە بوونی بە سەرۆکی ئەمریکا، بردنەسەری بەڵێنەکانی بایدن لەبارەی باشکردنی دۆخی کۆچبەران کورتیان هێناوە
• چاتی زیرەکیی دەستکرد نیگەرانی دروستکردووە بەهۆی ئەوی  خوێندکار و مامۆستایان بۆ جێبەجێکردنی ئەرکەکانی قوتابخانە بەکاری دەهێنن
• بەهۆی شەپۆلی سەرما و بەفربارینەوە، لە باشوری کالیفۆرنیا، تاوەکو ئێستا 13 کەس گیانیان لەدەستداوە

رۆژنامە فارسییەکان

هەمشەهری

• راپرسیەکی هەمشەهری: 49٪ی خەڵکی ئێران دەیانەوێت سەروو سێ منداڵیان هەبێت
• رەئیسی: ژەهراویکردنی کچە خوێندکاران پیلانی دوژمنە
• ئێران لە بەرهەمهێنانی فستقدا لە پلەی سێیەمدایە لەسەر ئاستی جیهان

ئیتلاعات

• داهاتی نەوتی ئێران دوو ئەوەندە و نیو بەگوێرەی ساڵانی رابردوو زیادی کردووە
• وەزارەتی ناوخۆی ئێران دەست بە پشکنینی باڵەخانەکانی ئەو وڵاتە لە روی کوالێتیدەوە دەکات
• بانکی خوێنی تاران لە قەیراندایە

ئێعتێماد

• 35 رۆژ بەسەر بومەلەرزەکەی خۆییدا تێدەپەڕێت، بەڵام پرۆسەی ئاوەدانکردنەوە دەستیپێنەکردووە
• لە ماوەی 24 کاتژمێردا زیاتر لە 700 خوێندکاری کچ لە پارێزگای خوزستان ژەهراوی بوون
• مەترسی بڵاوبوونەوەی ڤایرۆسی کۆرۆنا لە ئێران هەیە

ئاسیا

• زەوی بەو خانەوادانە دەدرێت کە زیاتر لە چوار منداڵیان هەیە
• 120 هەزار کەس ناویان بۆ کڕینی ئۆتۆمبێلی نوێی بیانی لە ئێران تۆمارکردووە
• مۆڵەت بە 30 ناوەند و ماڵپەڕی یەکترناسینی کچ و کوڕان بۆ هاوسەرگیری دەدرێت