حکومەتی راستڕەوی ئیسرائیل لە قوڵایی گێژاوی “توندوتیژیی” وڵاتەکەیدایە

گاردیان

• ریشی سوناک، سەرۆکوەزیرانی بەریتانیا، دوای گەیشتن بە رێککەوتننامەی ئێرلەندا لەگەڵ یەکێتی ئەوروپا، ئەو “لاپەڕە نوێیە”ـی نێوانیان بەرزدەنرخێنێت
• دوای کوشتنی دوو برای ئیسرائیلی هاوردە لە شارۆچکەی هوارای کەرتی رۆژئاوا لەلایەن چەکدارێکی فەلەستینەوە، گرژییەکانی ئەو ناوچەیە تا دێت فراوانتر دەبن
• ئێران لێکۆڵینەوە لە کەیسی ژەهراویبوونی چەندین خوێندکاری کچ دەکات کە بەمدواییانە لە قوتابخانەکانی هەریەک لە شاری قوم و بۆروجەردی ئەو وڵاتەدا ژەهراویبوون

ساوس چاینە مۆرنینگ پۆست

• بەهۆی گەشەکردنی زۆری وەبەرهێنان لە هۆنگ کۆنگی چین، ئەوشارە “وەک دەوڵەمەندترین شاری جیهان “دەبێت بە پێوەرێک بۆ لەندەن و نیویۆرک
• هۆنگ کۆنگ لەمڕۆوە بەستنی ماسک بەشێوەی ناچاریی لەو شارەدا هەڵدەگرێت
• پۆلیسی هۆنگ کۆنگ بۆ دۆزینەوەی پارچە ونبووەکانی لاشەی ئەو کچە مۆدێلەی هەفتەی رابردوو کوژرا، لەنذو خاشاکی ئەو شارەدا بۆی دەگەڕێت

هائارێتز (ئیسرائیل)

• لە گرژییەکانی نێوان ئیسرائیل و فەلەستین، گەنجێکی ئیسرائیلی-ئەمریکی لە نزیک شاری جەریچۆ دوای هێرشی ئیسرائیلی هاوردە بۆسەر کۆمەڵێک ئۆتۆمبێل کوژرا
• بنیامین ناتانیاهۆ، سەرۆکوەزیرانی ئیسرائیل رەتیدەکاتەوە پابەند بێت بە بڕیارەکەی ئەمریکا بۆ وەستاندنی پرۆسەی هاوردەکردنی جولەکەکان بۆ خاکی فەلەستین
• لەدوای گۆڕانکارییەکان لە دەسەڵاتی دادوەریدا، دەسەڵاتی راستڕەوی ئیسرائیل سیستمی بانکیی ئەو وڵاتە دەکاتە ئامانج

واشنتۆن پۆست

• ئەمریکا بەردەوامی دەدات بە لێکۆڵینەوە لەو دەنگۆیانەی کە باس لە دزەکردنی ڤایرۆسی کۆرۆناوە دەدەن لە تاقیگەیەکەی چینەوە
• هەفتەیەک دوای سەردانە لەناکاوەکەی بایدن بۆ ئۆکراین، جانێت یێڵنی وزیری گەنجینەی ئەمریکا سەردانی کێیڤی کرد بەڵێنی هاوکاریی بە مامۆستا، کارمەندانی تەندروستی و تیمەکانی بەرگریی شارستانی ئەو وڵاتەدا
• حکومەتی راستڕەوی ئیسرائیل لە قوڵایی گێژاوی توندوتیژیی وڵاتەکەیدایە