مانشێتی بەشێک لە رۆژنامە ئینگلیزییەکانی ئەمرۆ دووشەممە، 27ی شوباتی 2023

گەڵف نیوز

• ئەمڕۆ سوڵتان ئەلنەیادی، کەشتیوانی ئاسمانی ئیمارات وەک یەکەم کەشتیوانی عەرەب درێژترین گەشتی ئاسمانی بۆ بنکەی ئاسمانی نێودەوڵەتی ئەنجامدەدات
• بەهۆی رووداوی تێکشکانی بەلەمەکەی ئیتاڵیا، 59 کەس، کە منداڵیش لەنێویاندا هەیە، گیانیان لەدەستدا
• وەزارەتی حەج و عەمرەی سعودیە رایگەیاند، هیچ سنورێکیان نییە بۆ ژمارەی ئەو کەسانەی کە دەیانەوێت عەمرە ئەنجام بدەن

یابان تایمز

• سەرۆکوەزیرانی یابان، کە ئەمساڵ سەرۆکی گروپی G7دەبێت لەژێر فشاری وڵاتانی ئەندام دایە بۆ ئەوەی تەنها جەخت نەخەنە سەر پرسی ئۆکراین و کێشەی جیهانیی نوێ تاوتوێ بکەن
• لە سەروبەندی نیگەرانی پەیوەندییەکانی نێوان چین و روسیا، سەردانی سەرۆکی بێلاروس بۆ پەکین نیگەرانییەکان قوڵتر دەکات
• بەگوێرەی توێژینەوەیەک لە یابان، رێکردن بە دووری 5 بۆ 7 هەزار هەنگاو لە رۆژێکدا گەنجتر دەتهێڵێتەوە

واشنتۆن پۆست

• بڕیارێکی بایدن بۆ لێخۆشبوون لە 430 ملیارد دۆلار قەرزی 40 ملیۆن خوێندکاری ئەمریکا مشتومڕ بەدوای خۆیدا دەهێنێت
• ئەو پزیشکانەی دەرمانی ئایڤەرمێکتینیان بۆ چارەسەریی کۆرۆنا بەکاردەهێنا، ئێستا هەمان دەرمان بۆ هەڵامەت و ڤایرۆسی RSV بەکار دەهێنن
• لە مەکسیک خۆپیشاندانی بەرفراوان لە دژی لاوازکردنی دەسەڵاتی کۆمسیۆنی هەڵبژاردنەکانی ئەو وڵاتە بەڕێوەدەچێت

عەرەب نیوز (سعودیە)

• لەسەروبەندی ئاڵۆزییەکانی نێوانیاندا، ئیسرائیل و فەلەسین دوێنێ لە ئوردن بەڵێنیان داوە لە هەنگاوێکی کەم وێنەدا گرژییەکان بۆ شەش مانگ رابگرن
• سعودیە بە بەهای 400 ملیۆن دۆلار گرێبەستێک لەگەڵ ئۆکراین بۆ ناردنی هاوکاریی بۆ کیێڤ واژۆ دەکات
• محەمەد حەلبوسی دەڵێت “نە وڵاتە عەرەبییەکان بێ سوریا، نە سوریاش بێ وڵاتە عەرەبییەکان، دەتوانین ئیدارە بکەین، بەوهیوایەم پەیوەندییەکانمان بگەرێتەوە دۆخی ئاسایی خۆی”