تەندروستی جیهانی لەبارەى ئەنفلۆنزای باڵندە هۆشداری دەدات

گاردیان

• ریشی سوناک، سەرۆکوەزیرانی بەریتانیا بەنیازە دووشەممە گرێبەستێک بۆ کۆتاییهێنان بە کێشەی پرۆتۆکۆڵی دوای برێگزیت لە ئیرلەندای باکور رابگەیەنێت
• بۆ یەکەمجار لەسەروبەندی زیادکردنی سزاکان بۆسەر روسیا، تانکی لیۆپاردی پۆڵەندا گەیشتە ئۆکراین
• دوای مردنی کچێکی کەمبۆدیا بەهۆی ئەنفلۆنزای باڵندەوە، رێکخراوی تەندروستیی جیهانی هۆشداری دەدات

گەڵف نیوز

• چین داوای ئاگربەست لەنێوان روسیا و ئۆکراین دەکات و بۆ ئەو مەبەستەش کارنامەیەکی 12 خاڵی پێشنیاز کردووە
• دوبەی باجی 10%ی بلیتی چوونەژوورەوە بۆ بۆنە و ئیڤیێنتەکانی وڵاتاکەی هەڵدەگریت
• تورکیا دەست دەکات بە بنیادنانەوەی یەکەی نیشتەجێبوون بۆ ملیۆنێک و 500 هەزار کەس کە بەهۆی بومەلەرزەوە بێ ماڵ بوون

چاینە دەیلی

• چین لەبارەی قەیرانەکانی ئۆکراین هەڵویستی خۆی رادەگەیەنێت و دەڵێت رێز لە سەروەریی خاکی یەکتری بگرن و کۆتایی بە بیرکردنەوە لە جەنگی سارد بهێنن
• شی جینپینگ، سەرۆکی چین پەیوەندییە “پتەوەکانی” لەگەڵ وڵاتی کەمبۆدیادا بەرز دەنرخێنێت
• تاوەکو ئێستا گەڕان بەدوای 47 کرێکارەکەی ئەو کانە خەڵوزەی هەفتەی رابردوو لە چین داڕما بەردەوامە

یابان تایمز

• گروپی وڵاتانی G7 بەنیازن سزای نوێ بەسەر روسیادا بسەپێنێت
• کۆریای باکور دەڵێت مەشقێکی موشەکی کروزی ئەنجامداوە، ئەمەش وەک کاردانەوەیەکە بۆ مەشقی هێرشی ئەتۆمی ئەمریکا و کۆریای باشور
• روسیا، ئۆکراین و وڵاتانی رۆژئاوا بەڵێنیان داوە لە شەڕکردن بەردەوام بن و هیچ تروسکاییەکی کۆتاییهاتنی شەڕ بەدی ناکرێت