مانشێتی بەشێک لە رۆژنامە ئینگلیزییەکانی ئەمرۆ، دووشەممە، 13ی شوباتی 2023

یو ئێس ئەی تودەی

• بەهۆی پەتای کۆرۆناوە ئاستی نیوەی خوێندکارانی ئەمریکا بەلایەنی کەمەوە لە بابەتێکدا ساڵێک دواکەوتووە
• لە کۆنگرێس و چەند ویلایەتێکی ئەمریکا، یاسایەک دەردەچێت کە چینییەکان ناتوانن لەو وڵاتەدا زەوی، خانوو و هیچ موڵکێکی دیکە بکڕن
• خەڵکی نیگەرانن لە خاوی پرۆسەی رزگارکردنی خەڵکی لە بومەلەرزەکەی تورکیا، نەتەوە یەکگرتووەکانیش دەڵێت سوریا پشتگوێ خراوە

گەڵف نیوز

• نەتەوەیەکگرتووەکان پێشبینی دەکات ژمارەی گیانلەدەستدان بەرزبێتەوە بۆ 60 هەزار کەس
• سەرۆکوەزیرانی ئیمارات دەڵێت، لە ماوەی سێ ساڵی داهاتوودا “تەکسی فڕیو” لە وڵاتەکەیدا بەردەست دەبێت
• یەکەم ژنە کەشتیوانی سعودی ئەمساڵ بۆ وێستگەی بۆشایی ئاسمانی نێودەوڵەتی گەشت دەکات

چاینە دەیلی

• ئەو ڤاکسینانەی کۆرۆنا کە لە چین دروستدەکرێن رۆڵی گرنگیان هەیە لە روبەڕوبوونەوەی کۆرۆنادا
• تیمەکانی رزگارکەرەکانی چین لە تورکیا بەردەوامن لە گەڕان بەدوای قوربانییانی بومەلەرزەکەدا
• لە هەوڵێکدا بۆ بەهێزکردنی پەیوەندییەکانیان، ئیبراهیم رەئیسی سەرۆکی ئێران ئەم هەفتەیە سەردانی چین دەکات

فاینەنشیەڵ تایمز

• بەرپرسانی تایوان دەڵێن دەیان باڵۆنی سەربازیی چین لەماوەی رابردوودا سنوری ئاسمانی تایوانیان بەزاندووە
• بەرپرسانی تورکیا چەندین وەبەرهێنەری بیناسازیی دەستگیردەکەن بەهۆی ئەوەی بەرپرسیاربوون لە بەرزبوونەوەی ژمارەی گیانلەدەستدان لە بومەلەرزەکەدا
• راوێژکارێکی باڵای حکومەتی بەریتانیا هۆشداری دەدات، بڕیاری کەمکردنەوەی پاشەکەوتکردنی گازی سروشتی لەو وڵاتەدا “قومارێکی گەورەیە” لە دژی نرخی وزە