بومەلەرزەکە مانشێتى رۆژنامە جیهانییەکانە؛ بەشێکى وڵاتان هاوکارى تورکیا و سوریا دەکەن

یو ئێس ئەی تودەی

• ئەمشەو بایدن بە بەشداری ژمارەیەکی بەرفراوانی جەماوەری وڵاتەکەی گوتارێک پێشکەشدەکات
• وەزارەتی بەرگریی ئەمریکا دەڵێت، لەسەرەتادا نەیانزانیوە کە باڵۆنە چینییەکە بۆکاری سیخوڕی بەکارهێنراوە
• پارێزەرێک دەڵێت، ئەو منداڵە شەش ساڵانەی کە مامۆستاکەی بریندار کرد، پێشتر هەوڵی داوا مامۆستایەکی دیکەش بکاتە ئامانج

گەڵف نیوز

• ئاماری کوژراوانی بومەلەرزەکەی تورکیا و سوریا بۆ سەروی 4000 کەس بەرزبووەوە و تیمەکانیش بەردەوامن لە گەڕان
• ئیمارات تیمی فریاگوزاری رەوانەی تورکیا و سوریا کردووە و نەخۆشخانەی بۆ برینداربووان ئامادەکردووە
• بەهۆی داواکردنی زیادکردنی موچەکانیان، بەریتانیا روبەڕوی گەورەترین مانگرتنی پەرستاران دەبێتەوە

چاینە دەیلی

• شی جینپینگ، سەرۆکی چین هاوخەمیی خۆی بۆ قوربانیانی بومەلەرزەکەی تورکیا و سوریا دەربڕی
• بەهۆی هەڵگرتنی رێکارەکانی کۆرۆنا لە چین، کەرتی گەشتیاریی بوژانەوەیەکی بەرچاوی بەخۆیەوە بینیوە
• بەرپرسێکی بەرنامەی خۆراکی جیهانی داوا دەکات قەیرانی خۆراک لە جیهاندا چارەسەرێکی بۆ بدۆزرێتەوە

فاینەنشیەڵ تایمز

• ئەو بومەلەرزەیەی کە لە تورکیا  و سوریا هەزاران کەسی کوشت، لە ماوەی 84 ساڵی رابردوودا گەورەترین بومەلەرزە بووە لەو ناوچەیەدا
• ڤۆلۆدیمیر زێلێنسکی، سەرۆکی ئۆکراین لەم هەفتەیەدا سەردانی یەکێتی ئەوروپا دەکات
• بەهۆی خەرجییە سەربازییەکانەوە، بودجەی روسیا بە بڕی 25 ملیار دۆلار کورتهێنانی هەیە