دابەزینی بەهای دینار 966 ملیۆن دۆلار زیان بە عێراق دەگەیەنێت

شەرقولئەوسەت

• ئەندامێکی هێزی “دەلتا”ی ئەمریکی نهێنیی تازە لەبارەی کاتی دەستگیرکردنی سەدام حسێن ئاشکرادەکات
• “سەدام حسێن پاش هێنانەدەرەوەی لە چاڵەکە گوتوویەتی: من سەدام حسێن سەرۆکی عێراقم، ئامادەم بۆ دانوستان و گفتوگۆ”
• “سەربازێکی ئەمریکیش لە وەڵامدا بە سەدامی گوتووە: براکەم دواتر قسەی لەسەردەکەین.. سەرۆک بوش سڵاوی بۆت هەیە”

عەرەب

• ئەگەری ئەوە لە ئارادایە چەند لایەنێک بایکۆتی هەڵبژاردنەکانی هەرێمی کوردستان بکەن
• “ئەگەرچی لایەنە سیاسییەکان کۆکن لەسەر ئەنجامدانی هەڵبژاردنەکان لەمساڵدا، بەڵام هێشتا لەسەر چەند خاڵێک ناکۆکن و نەگەیشتوونەتە رێککەوتن”
• “یەکێتی و گۆڕان بۆچوونیان نزیکە و ئەگەر پارتی سووربێت لەسەر تازەنەکردنەوەی تۆماری دەنگدەران، رەنگە بگەنە بڕیاری بایکۆت”

قودسی عەرەبی

• سیمای “جەنگی سارد” لەنێوان نێوان ئەمریکا و چین دەرکەوتووە
• گەڕێکی دیکەی دانوستانی نێوان بەغداد و هەولێر دەستپێدەکاتەوە و داڕشتنی یاسایەکی تازە بۆ دادگای فیدراڵی یەکێک دەبێت لە تەوەرەکان
• بەهۆی دابەزینی بەهای دینارەوە عێراق لەمساڵدا 966 ملیۆن دۆلار زیانی بەرکەوتووە

سەباح

• قەیرانی دۆلار و نرخی نەوت پەسەندکردنی بودجەی 2023ی عێراقیان دواخستووە
• هەر کەسێک زیان بە ئابووریی عێراق بگەیەنێت رێکاری یاسایی بەرامبەر دەگیرێتەبەر
• دوو بازرگانی مادەی هۆشبەر لە عێراق دەستگیردەکرێن و یەکێکی دیکەشیان پاش گەمارۆدانی “خۆی دەکوژێت”