مانشێتی بەشێک لە رۆژنامە ئینگلیزییەکانی ئەمرۆ،دووشەممە، 30ی کانونی دووەمی 2023

یو ئێس ئەی تودەی

• بەڵێنی ناردنی تانک لەلایەن ئەمریکاوە پێشبینی ئەوەی لێدەکرێت ئۆکراین روبەڕوی جەنگێکی خوێناویتر بکاتەوە
• هاوڵاتییانی هەژاری ئەمریکا لەکاتی داواکردنی هاوکاری دارایی، خۆراک و بیمەی تەندروستی لەلایەن حکومەتەوە روبەڕوی پشتگوێخستن دەبنەوە
• سەدان خۆپیشاندەر لە ویلایەتەکانی ئۆکلاهۆما و کالیفۆرنیا داوای دادپەروەریی دەکەن بۆ دۆسیەى تایری نێکڵس، ئەو رەشپێستەی لەلایەن 5 پۆلیسەوە کوژرا

دەیلی تەلەگراف

• لایەنگرانی نەدیم زەهاوی دەڵێن، سەرۆکوەزیرانی بەریتانیا بەبێ “گوێگرتنێکی دادپەروەرانە” لێی لەکارەکەی دوریخستووەتەوە
• وەزارەتی تەندروستی بەریتانیا ناچار دەکرێت کاتێکی دیاریکراو بۆ بەشی فریاگوزاری بەپەلەی وڵاتەکەی بۆ بە دەمەوەهاتنی هاوڵاتییان دابنێت
• بۆریس جۆنسۆن، سەرۆکوەزیرانی پێشووی بەریتانیا دەڵێت، پوتین هەڕەشەی کوشتنی بە موشەک لێکردووە و گوتویەتی “ئەو کارە تەنها یەک خولەک دەخایەنێت”

گەڵف نیوز

• پرۆسەی پێدانی ڤیزای بەریتانیا هاتەوە سەر 15 رۆژ دوای ئەوەی پێشتر بەهۆی کۆرۆناوە 7 هەفتەی دەخایاند
• بەهۆی دوو روداوی هاتوچۆوە لە پاکستان 50 کەس گیانیان لەدەستدا کە 10 منداڵى تێدابووە
• بەهۆی شەپۆلێکی سەرماوە لە هەندێ ناوچەی ئیمارات پلەکانی گەرما بۆ پلەی بەستن دابەزیون

ساوس چاینە مۆرنینگ پۆست

• پەکین لە پێدانی ڤیزا بە هاوڵاتییانی ژاپۆن بەردەوام دەبێت بەڵام بەهۆی پەتای کۆرۆناوە بڕیارەکە کۆریای باشور ناگرێتەوە
• دوای سێ ساڵ لە سوککردنی رێکارەکانی کۆرۆنا، نەخۆشانی کۆرۆنا رێگەیان پێدەدرێت یەکەکانی چاودێریی تەنها چۆڵ بکەن
• بەهۆی هەبوونی گومان لە درمانی دژی کۆرۆنا پزشکانى هۆنگ کۆنگ دڵنیایی دەدن بە خەڵکی