جەسیندا ئاردرن، سەرۆکوەزیرانی نیوزلەندا دەستی لەکارکێشایەوە. لە ساڵى 2017ەوە سەرۆکوەزیرانە، رۆژى 7ى شوبات کۆتا رۆژى کارەکەى دەبێت.
جەسیندا ئاردرن لە کۆنفرانسێکى رۆژنامەنویسیدا رایگەیاند، چیتر توانای نییە لە پۆستەکەى بەردەوام بێت.
یەکەم گەنجترین ژنە سەررۆکوەزیرانی جیهانە
جەسیندا ئاردرن، سەرۆکوەزیرانی نیوزلەندا
دەڵێت، خۆم ئەو بڕیارم داوە. سەرکردایەتیکردنی وڵاتێک بە بەهاترین کارە کە کەسێک هەیبێت، بەڵام پڕ ئاڵنگاری ترین کارە.”
ئاردنی تەمەن 42 ساڵ یەکەم گەنجترین ژنە سەررۆکوەزیرانی جیهانە و لە ساڵی 2017 دا و لە تەمەنی 37 ساڵیدا بۆ بەسەرۆکوەزیرانی ئەو وڵاتە.
تەنها ساڵێک لەدوای وەرگرتنی پۆستی سەرۆکوەزیران ئاردن منداڵی دەبێت و دەبێت بە دووەم سەرۆکوەزیرانی ژن لە جیهاندا، لە دوای سەرۆکوەزیرانی پێشووی پاکستان بەینەزیر بۆتۆ، کە لە ساڵی 2007 کوژرا، کە لەماوەی پۆستەکەیدا منداڵی ببێت.
ئاردرن وەک کەسایەتییەکی ماندوو و سادە لە وڵاتەکەیدا سەیرکراوە، تەنانەت لە کاتی منداڵبوونەکەشیدا لە نەخۆشخانەیەکی حکومیدا خەوێندراوە و لەو ماوەیەشدا ئەرکەکانی سەرۆکوەزیرانی بۆماوەی شەش هەفتە بۆ جێگرەکەی جێهێشتبوو.
ئەو گوتى: دڵخۆشم ماوەی شەش ساڵ توانیومە ئەو ئاڵنگارییە گەورەیە بەڕێوە ببەم. دەشڵێت من مرۆڤم “سیاسەتمەداران مرۆڤن. ئێمە هەموو ئەوەی لە تواناماندایە دەیکەین. بەڵام کاتی ئەوە هاتووە ژیان بکەم و کات بۆ خۆم تەرخان بکەم.”
لە ساڵی 2020 بۆ خولی دووەم هەڵبژێردرایەوە و یەکێک لەسەرکەوتنەکانی ئەوەبوو کە حکومەتەکەى توانی روبەڕوی کۆرۆنا ببێتەوە، کە ئەوکات زۆرێک لە وڵاتان بەدەستیانەوە دەناڵاند.
راگەیاندنی دەستلەکارکێشانەوەی ئاردرن، شەپۆلێکی پشتیوانی فراوانی لە سۆشیال میدیا بەدوای خۆیدا هێنا. لەلایەن سەرکردە سیاسییەکانەوە، زۆرێک ئاماژەیان بەو میراتە کرد کە لە سیاسەتدا بۆ ژنان بەجێیدەهێڵێت.
ئەنتۆنی ئەلبانیز، سەرۆکوەزیرانی ئوسترالیا لە تویتێکدا ستایشی ئاردنی کردووە و رایگەیاندووە، “بە عەقڵ و هێزەوە نیشانی جیهانی داوە کە چۆن سەرکردایەتی بکات” و “هاوڕێیەکی گەورە بووە بۆ من.”
Jacinda Ardern has shown the world how to lead with intellect and strength.
She has demonstrated that empathy and insight are powerful leadership qualities.
Jacinda has been a fierce advocate for New Zealand, an inspiration to so many and a great friend to me. pic.twitter.com/QJ64mNCJMI
— Anthony Albanese (@AlboMP) January 19, 2023
جەستن ترودۆ، سەرۆکوەزیرانی کەنەدا لە تویتەر وێنەیەکی خۆی و ئاردنی بڵاوکردووەتەوە کە تێیدا پیاسە دەکەن و دەڵێت “سوپاس بۆ سەرکردایەتییە هەماهەنگی، هاوڕێیەتی، هاوسۆزی، بەزەیی، بەهێزی و جێگیرییەکەت لەماوەی چەند ساڵی رابردوودا.”
Thank you, @JacindaArdern, for your partnership and your friendship – and for your empathic, compassionate, strong, and steady leadership over these past several years. The difference you have made is immeasurable. I’m wishing you and your family nothing but the best, my friend. pic.twitter.com/72Q5p9GZzg
— Justin Trudeau (@JustinTrudeau) January 19, 2023
ئاماژەی بەوەشکردووە “ئەو جیاوازییەی ئێوە دروستتان کردووە، بێئەندازەیە.”
