زووم:
هەردوو هەڵبژاردەی عێراق و عومان رۆژی پێنجشەممەی داهاتوو (19ی کانوونی دووەمی 2023) لە یاریی کۆتایی جامی کەنداوی 25دا روبەڕوی یەکدی دەبنەوە، لیژنەی داوەرانی پاڵەوانێتییەکە تیمێکی رۆمانی بۆ بەڕێوەبردنی یارییەکە هەڵبژاردووە.
لیژنەی داوەران رایگەیاندووە، کۆڤاکس ستیڤانی رۆمانی داوەری یەکەمی یارییەکە دەبێت “ئەو دوایین فیکەی یارییەکە لێدەدات و پاڵەوانی کەنداوی 25 رادەگەیەنێت”. هەریەک لە ماریتیمۆ ڤاسیلی و ئاراتین میهای هاونیشتمانیشی یاریدەدەری دەبن لەنێو یاریگە.
لجنة الحكام بخليجي زين 25 تعلن طاقم تحكيم مباراة النهائي بين العراق وعمان
للتفاصيل🔽https://t.co/BWVenEWhWa#خليجي_زين25 | #العراق_عُمان pic.twitter.com/xtcIu8EaNW
— اتحاد كأس الخليج العربي لكرة القدم (@AGCFF) January 17, 2023
داوەری چوارەم و پێنجەم قەتەری دەبن و داوەرێکی فەرەنسییش سەرپەرشتی ژووری ڤار دەکات.
ئەمە جاری دووەمە لە جامی کەنداوی بەسرەدا عێراق و عومان روبەڕوی یەکدی ببنەوە، یاریی یەکەمیان لە قۆناغی یەکەمدا بوو، هەردوولا بەبێ گۆڵ یەکسانبوون.
عێراق و عومان بۆ جارێکی دیکە لە یاریی کۆتاییدا روبەڕوو دەبنەوە، یارییەکە کاتژمێر 07:00ی ئێوارە لە یاریگەی نەخلە لە شاری بەسرە بەڕێوەدەچێت. پاش 44 ساڵ یەکەمجارە عێراق میوانداریی پاڵەوانێتییەکە دەکات.
🇮🇶 العراق 🆚 عُمان 🇴🇲
📅 الخميس 19 يناير
⏰ 19:00 بتوقيت مكة المكرمة
🏟️ استاد البصرة الدولي
🏆 نهائي #خليجي_زين25مُتعة مرتقبة تنتظرنا 🤩 pic.twitter.com/gkDxwmpSM5
— اتحاد كأس الخليج العربي لكرة القدم (@AGCFF) January 16, 2023
شێرەکانی رافیدەین تاوەکو ئێستا سێ جار نازناوی جامی کەنداویان بەدەستهێناوە: 1979، 1984 و 1988. لە کاتێکدا عومان هەوڵدەدات بۆ دووەمجار لە مێژوودا ببێتە پاڵەوانی کەنداو، نازناوی یەکەمی لە ساڵی 2009 بەدەستهێناوە.
