وەزیری ناوخۆی تورکیا: دەستبەسەر زیاتر لە یەک تۆن ماددەی هۆشبەردا گیرا

لە 17 پارێزگاى تورکیا و باکوورى کوردستان ئۆپراسیۆنى مادەى هۆشبەر ئەنجامدرا

زووم… 

وەزیری ناوخۆی تورکیا رایگەیاند، لە میانی ئۆپەراسیۆنێکی هێزە هاوبەشەکان بۆ سەر بازرگانانی ماددەی هۆشبەر کە لە یەک کاتدا لە 17 پارێزگاى تورکیا و باکوورى کوردستان بەڕێوەچوو، دەستگیرا بەسەر یەک تۆن و 57 کیلۆگرام ماددەی هۆشبەر.

عەلی یەرلیکایا لە راگەیاندراوێکدا کە لە تۆڕی کۆمەڵایەتی ئێکس بڵاویکردەوە، بەدەر لەمادەى هۆشبەرەکە، 16 ملیۆن و 218 هەزار حەبی بێهۆشکەر و 272 بازرگانی ماددەی هۆشبەریش دەستی بەسەرداگیراوە.

لە درێژەى راگەیەنراوەکەى وەزیرى ناوخۆى تورکیا ئۆپەراسیۆنەکە لە پارێزگاکانى ئەدەنە، ئەنتاڵیا، ئایدن، ئاگری، ئیستانبوڵ، ئامەد، ئێدیرنە، نەوشەهیر، چانکری، ئیزمیر، عوسمانیە، خەتای، چاناککالە، چەولیک، سەمسور، ئەرزینجان و تۆکات بەڕێوەچووە.

 

هەواڵی زیاتر

Back to top button