دەستەی دادوەریی هەڵبژادنەکان پێنج کورسیی پەرلەمانی کوردستانی گەڕاندەوە بۆ پێکهاتەکان

زووم…

 

دەستەی دادوەریی هەڵبژاردنەکان کۆمسیۆنی هەڵبژاردنەکانی عێراقی پابەندکرد بە تەرخانکردنی پێنج کورسیی پەرلەمانی کوردستان بۆ پێکهاتەکان.

بەگوێرەی بڕیاری دەستەکە کە سەر بە ئەنجومەنی باڵای دادوەریی عێراقە و سەرجەم بڕیارەکان پابەندکەرن بۆ کۆمسیۆن، داوا کراوە لەو 100 کورسییەی دادگای فیدڕاڵی بۆ پەرلەمانی کوردستانی دیاریکردووە، پێنج کورسی بۆ پێکهاتەکان تەرخان بکرێت و بەسەر بازنەکانی هەرێمی کوردستاندا دابەشبکرێت، بە جۆرێک دوو کورسی بۆ هەولێر، دوو کورسی بۆ سلێمانی و یەک کورسیش بۆ دهۆک.

سکاڵاکە لەلایەن یوسف یەعقوب مەتا، سەرۆکی حزبی یەکێتیی بەیتولنەهرەینی نیشتمانی تۆمارکراوە و دوێنێ دووشەممە دەستەکە بڕیاری کۆتایی لەسەر داوە.

هەر بەگوێرەی بڕیارەکە، پێویستە کۆمسیۆنی هەڵبژاردنی عێراق دڵی پێکهاتەکانی تورکمان و سریان و ئاشوری و کلدانییەکان رابگرێت و کۆمسیۆن دەسەڵاتی تەواوی هەیە لە دەرکردنی رێنمایی و میکانیزمی دیاریکردنی بازنەکانی هەڵبژاردن و دابەشکردنی کورسییەکان بەسەریاندا بە شێوەیەکی دادپەروەرانە تاوەکو گەرەنتی ئەنجامدانی هەڵبژاردنێکی ئازاد و پاک بکات.

 

هەواڵی زیاتر

Back to top button