دەم پارتى لەسەر لێپرسینەوەى یاسایی لە شارەوانیی ئامەد و مێردین وەڵامى وەزیرى ناوخۆ دەداتەوە

زووم…

 

عەلی یەرلیکایا وەزیرى ناوخۆى تورکیا رایگەیاند، دۆسیەى یاسایی بۆ لێپرسینەوە لە گەورەشارەوانیی ئامەد و مێردین کراونەتەوە.

یەرلیکایا لە ئێکس رایگەیاندووە، لە کۆبونەوەى گەورەشارەوانیى ئامەد ئاڵاى تورکیا لابراوە و لەکاتى دەستبەکاربوونى گەورەشارەوانیی مێردینش سروودى نیشتیمانى نەگوتراوەتەوە، بەوهۆیەوە لیژنەی یاسایی بەدواداچوونیان بۆ دوو شارەوانییە دەستپێکردووە.

ئایشەگول دۆغان، گوتەبێژى دەم پارتى، لە ئێکس وەڵامى وەزیرى ناوخۆى تورکیاى داوەتەوە و گوتوویەتی، ئەو تۆمەتانە راست نیین، پێویست ناکات تواناکانی دەوڵەت لە شتی بێبنەمادا بەهەدەر بدەن و باشتریش وایە لیژنە بۆ قەیومەکان پێکبهێنرێت کە چۆن پارەیان بەهەدەر داوە و قەرزێکى زۆریان لەسەر شارەوانییەکان بەجێهێشتووە.

 

 

هەواڵی زیاتر

Back to top button