هەناردەی نەوتی کەرکوک لە کۆتایی ئەم مانگەدا لەڕێگەی تورکیاوە دەستپێدەکاتەوە

زووم:

حکومەتی عێراق ئامادەکاری دەکات تا لە کۆتایی ئەم مانگەدا هەناردەی نەوتی کەرکوک لەڕێگەی هێڵی بۆریی نەوتی کەرکوک-جەیهانەوە دەستپێدەکاتەوە.

باسم محەمەد، بریکاری وەزیری نەوتی عێراق بۆ کاروباری هەناردە بە ئاژانسی رۆیتەرزی رایگەیاند، زۆربەی کارەکانی چاککردنەوەی بۆرییە نەوتییەکە تەواو بووە، کە لە ساڵی 2014ـەوە لەکارکەوتووە، هەروەها وێستگەی پەمپ و چەند کۆگایەکی نەوتیش دروستکراون.

دەشڵێت، لە کۆتایی ئەم مانگەدا و لە قۆناغی یەکەمدا، بۆرییەکە توانای گواستنەوەی ٣٥٠ هەزار بەرمیل نەوتی رۆژانەی دەبێت.

رۆیتەرز دەشڵێت، رەنگە ئەم هەنگاوەی وەزارەتی نەوتی عێراق توڕەیی هەرێمی کوردستان و کۆمپانیا نەوتییە نێودەوڵەتییەکانی لێدەکەوێتەوە بەوپێیەی دەبێتە جێگرەوەیەک بۆ بۆری نەوتیی هەرێم-جەیهان.

 

هەواڵی زیاتر

Back to top button