حزبوڵا کوژرانی دوو ئەندامی دیکەی بە بۆردومانەکانی ئیسرائیل راگەیاند

زووم:

حیزبوڵای لوبنان، کوژرانی دوو ئەندامی لە بۆردومانێکی ئیسرائیل لە نزیک سنورەکانی سوریا- لوبنان راگەیاند.

بەگوێرەی روانگەی سوری بۆ مافەکانی مرۆڤ، هێرشە موشەکییەکە لە نێوان پارێزگاکانی حومس و لادێکانی دیمەشق ئەنجامدراوە، بارهەڵگرێکی مەدەنی کردووەتە ئامانج و دوو ئەندامی حزبوڵای تێدا کوژراون.

لە تێلگرامی خۆیانەوە بڵاویانکردەوە، ئەو ئەندامانەی حزبوڵا، کە ئەمڕۆ یەکشەممە، بە بۆردومانەکەی ئیسرائیل کوژراون خەڵکی بیقاعن.

هێرشەکانی ئیسرائیل دوای هەڵگیرسانی جەنگی غەزەی نێوان حەماس-ئیسرائیل چڕتربوونەتەوە، بەشێوەیەک سەدان هێرشی ئاسمانی لە سوریا و لوبنان ئەنجامداوە، بە شێوەیەکی سەرەکیش ئێران و حزبوڵای لوبنانی کردووتە ئامانج.

لە 7ـى ئۆکتۆبەری ساڵی رابردووەوە، ژمارەی کوژراوانی حزبوڵا بە هێرش و بۆردومانەکانی ئیسرائیل، لە سنوری هەردو وڵاتی لوبنان و سوریا، گەیشتووەتە 213 کەس.

 

هەواڵی زیاتر

Back to top button