هەواڵگریی ئۆکراین: لە سوریا سەربازانی روسیا راهێنان لەسەر درۆنی ئێرانی دەکەن

زووم:

بە گوێرەی زانیارییەکانی دەزگای هەواڵگریی ئۆکراین، سەربازانی روسیا لە شاری “حمس”ـی سوریا، راهێنان دەکەن لەسەر بەکارهێنانی فڕۆکەی بێفڕۆکەوانی ئێرانی.

دەزگای هەواڵگریی ئۆکراین دەڵێت، شارەزایانی سوپای پاسداران و سەرکردەیەک لە حزبوڵای لوبنانی بە ناوی کەمال ئەبو سادق، لە فڕۆکەخانەی شوعەیرات لە شاری حمس راهێنان بە سەربازانی روسیا دەکەن لەسەر بەکارهێنانی فڕۆکەی بێفڕۆکەوانی ئێرانی لە جۆرەکانی (شاهید ١٣٦، ئەبابیل ٣ و رەعد).

بەگوێرەی زانیارییەکانی هەواڵگریی ئۆکراین، ئەبو سادق پسپۆڕە لە دروستکردن و نۆژەنکردنەوەی فڕۆکەی بێفڕۆکەوان.

هەروەها روسیا پلانی ئەوەی هەیە ژمارەیەک لە سەربازانی سوریا، کە لەو راهێنانەدا بەشدارن بباتە ئۆکراین بۆ ئەوەی هاوکاریی سەربازانی روسیا بکەن لە بەکارهێنانی فرۆکەی بێفڕۆکەوانی ئێرانی.

 

 

هەواڵی زیاتر

Back to top button