ئێران: نامانەوێت ناکۆکییەکانمان لەگەڵ ئەمریکا بگوازینەوە بۆ نێو عێراق

زووم:

 

ئەمیر سەعید ئیروانی، نێردەی هەمیشەیی و باڵیۆزی ئێران لە نەتەوەیەکگرتووەکان رایگەیاند، ئێران هەرگیز هەوڵی نەداوە ناکۆکییەکانی لەگەڵ ئەمریکا بگوازێتەوە بۆ نێو خاکی عێراق.

ئەمیر سەعید ئیروانی لە کۆبوونەوەی ئەنجومەنی ئاسایش گوتی، “ئۆپەراسیۆنە سەربازییەکەی ئەمریکا بۆسەر عێراق و سوریا نایاسایی و بێپاساو بوو، ئەم جۆرە هێرشانە پێشێلکاریی ئاشکران بۆسەر یاسا نێودەوڵەتییەکان و سەروەریی خاکی عێراق و سوریا.

جەختی لەوەش کردەوە، ئێران هەرگیز هەوڵی نەداوە ناکۆکییەکانی ناوچەکە بەرفراوانتربکات و هیچ بنکەیەکی سەربازی و راوێژکارێکی لە خاکی عێراقدا نییە، ئەو راوێژکارانەش کە لە سوریان، بەشێوەیەکی یاسایی و لەسەر داوای فەرمیی حکومەتی سوریا بۆ روبەروبوونەوەی “تیرۆر” لەوێن.

هەواڵی زیاتر

Back to top button