بلینکن بۆ جاری پێنجەم سەردانی رۆژهەڵاتی ناوەڕاست دەکات

زووم:

ئەمڕۆ ئەنتۆنی بلینکن، وەزیری دەرەوەی ئەمریکا گەشتێکی تازە بۆ رۆژهەڵاتی ناوەڕاست دەستپێدەکات و سەرەتاش دەگاتە سعودیە. ئامانجی سەردانەکە گفتوگۆیە لەبارەی ئاگربەستی غەزە و ئازادکردنی بارمتەکان.

چاوەڕوان دەکرێت لە چەند کاتژمێری داهاتوودا بلینکن بگاتە سعودیە، پاشان سەردانی ئیسرائیل، میسر و قەتەر دەکات.

لە مانگی تشرینی یەکەمی رابردووەوە، کە شەڕی حەماس و ئیسرائیل دەستیپێکردووە، ئەمە پێنجەم سەردانی ئەنتۆنی بلینکنە بۆ رۆژهەڵاتی ناوەڕاست.

رۆژنامەی گاردیەن نووسیویەتی، ئامانجی سەرەکی سەردانەکەی بلینکن دروستکردنی فشارە بۆ جێبەجێکردنی رێککەوتنی ئاگربەست لە غەزە و ئازادکردنی بارمتەکانە لەلایەن حەماسەوە.

 

 

هەواڵی زیاتر

Back to top button