هاوپەیمانیی ئیدارەی دەوڵەت: پشتگیریی گفتوگۆی چوونەدەرەوەی هاوپەیمانان دەکەین

زووم:

 

هاوپەیمانیی ئیدارەی دەوڵەت کۆبووەوە، پشتگیریی گفتوگۆکانی حکومەتی عێراقی لەگەڵ هاوپەیمانیی نێودەوڵەتی کرد بۆ کۆتاییهێنان بە بوونی هاوپەیمانییەکە لە عێراق.

کۆبوونەوەکەی هاوپەیمانیی ئیدارەی دەوڵەت لەسەر داوای محەمەد شیاع سودانی سەرۆکوەزیرانی عێراق و بە ئامادەبوونی لەتیف رەشید سەرۆککۆماری عێراق بەڕێوەچوو، هاوپەیمانییەکە سەرکۆنەی هێرشەکانی ئەمریکای بۆسەر پێگەکانی حەشدی شەعبی کرد و هەر جۆرە دەستدرێژییەکی بۆسەر بنکە سەربازییە عێراقییەکان رەتکردەوە.

هەروەها پشتگیریی گفتوگۆی حکومەتی عێراقی لەگەڵ هاوپەیمانیی نێودەوڵەتی کرد بۆ کۆتاییهێنان بە بوونی هاوپەیمانییەکە لە عێراق لەڕێگەی لێکتێگەیشتن و گفتوگۆ، بەئامانجگرتنی راوێژکارە سەربازییەکانی هاوپەیمانیی نێودەوڵەتیشی سەرکۆنە کرد.

هاوپەیمانیی ئیدارەی دەوڵەت پشتگیریی خۆی بۆ حکومەتی عێراق دووپاتکردەوە بۆ رێگری لە هەر لایەنێک عێراق رابکێشێتە نێو ئەو ململانێیەی لە ناوچەکە لەئارادایە.

هەواڵی زیاتر

Back to top button