ئێران ئیدانەی هێرشی ئەمریکا و بەریتانیا بۆسەر حوسییەکان دەکات

زووم:
وەزارەتی دەرەوەی ئێران رایگەیاند “بەتوندی” ئیدانەی هێرشی ئەمریکا و بەریتانیا دەکەن بۆسەر پێگەی حوسییەکان لە یەمەن.

ناسر کەنعانی، گوتەبێژی وەزارەتی دەرەوەی ئێران رایگەیاند، “بەتوندی” هێرشە ئاسمانی و مووشەکییەکانی شەوی رابردووی ئەمریکا و بەریتانیا بۆسەر پێگەی حووسیەکان لە یەمەن ئیدانە دەکەن.

ماڵپەڕی وەزارەتی دەرەوەی ئێران بڵاویکردەوە، کەنعانی هێرشەکانی بە پێشێلکردنی دووبارەی یەکپارچەیی خاکی یەمەن و یاسای نێودەوڵەتی لەلایەن ئەمریکا لەلایەن ئەمریکاوە ناوبردووە.

گوتەبێژەکەی وەزارەتی دەرەوە گوتووشیەتی، درێژەدان بەو جۆرە هێرشانە هەڕەشەیەکی نیگەرانکەرە بۆ سەر ئاشتی و ئاسایشی نێودەوڵەتی.

ئاماژەی بەوەشکردووە، “ئەمریکا و بەریتانیا بە هێرشەکانیان، ئاگری ئاژاوە و نائارامی و ناسەقامگیری لە ناوچەکەدا خۆشدەکەن.”

 

هەواڵی زیاتر

Back to top button