بەریتانیا مافی پەنابەریی بە کۆچبەرانی رواندا دەدات

زووم:

رۆژنامەی ئۆبزێڤەری بەریتانی ئاشکرایکرد، حکومەتی بەریتانیا مافی پەنابەریی بە چوار کۆچبەر داوە، کە لە روانداوە روویانکردووەتە وڵاتەکە، ئەمەش پێچەوانەی ئەو پلانەیە ریشی سوناک، سەرۆکوەزیرانی، وڵاتەکە تیایدا رواندا بە وڵاتێکی سەلامەت ناودەبات، چونکە بەریتانیا مافی پەنابەریی تەنها بە هاووڵاتیانی ئەو وڵاتانە دەدات، کە سەلامەت نین و شەڕ و ئاڵۆزییان تێدایە.

لە لێکۆڵینەوەیەکی رۆژنامەکە ئەوەی ئاشکراکردووە، پێدانی ئەو مافی پەنابەرێتییە لەماوەی چوار مانگی رابردوودا بووە، ئەمەش لەکاتێکدایە لەو ماوەیەدا و تەنانەت ئێستاش مشتومڕێکی گەرم لە دادگای باڵای وڵاتەکە و پەرلەمانەکەیدا بەڕێوەدەچێت لەبارەی ئەوەی ئایا رواندا وڵاتێکی سەلامەتە بۆ ناردنی کۆچبەرانی وڵاتانی دیکە، کە لە رێگەی دورگەی ئینگلیزەوە روو لە بەریتانیا دەکەن.

Prime Minister Rishi Sunak on November 15, 2023, one week before one refugee from Rwanda was granted asylum, the Observer and Led by Donkeys has uncovered.

پێدانی مافی پەنابەریی بە هاووڵاتییانی رواندا رەنگە هێندەی دیکە ئاڵۆزییەکانی ئەو وڵاتە قووڵتر بکاتەوە، چونکە سەرجەم ئەو مافی پەنابەرییانە، کە لەلایەن وەزارەتی ناوخۆی وڵاتەکەوە دەرکراون، بۆیە دراون بە هاووڵاتیانی وڵاتەکە، چونکە بەهۆی مەترسییەکانی سەر ژیانیان لەلایەن حکومەتەوە وڵاتی خۆیان جێهێشتووە.

دوای ئاشکرابوونی ئەم بابەتە، پرسیاریی جدیی لەسەر بانگەشەکەی سەرۆکوەزیران دێتە ئاراوە، کە هەر لەسەرەتای گرتنە دەستی پۆستەکەیەوە بانگەشەی ئەوە دەکات کە وڵاتی رواندا وڵاتێکی سەلامەتە و سوورە لەسەر ئەوەی لەو رێگەیەوە چارەسەری شەپۆلی کۆچبەران بکات.

هەواڵی زیاتر

Back to top button