لەتیف رەشید و شیاع سودانی: پرسی مووچەی مووچەخۆرانی هەرێم چارەسەر بکرێت

زووم؛

 

سەرۆککۆمار و سەرۆکوەزیرانی عێراق داوای چارەسەرکردنی پرسی مووچەی مووچەخۆرانی هەرێم دەکەن، لەبارەی بۆردومان و پێشێلکارییەکانی سەر خاکی عێراقیشەوە دەڵێن، حکومەتی عێراق لایەنی پەیوەندیداری رێکارە ئەمنییەکانە.

جەخت لە پاراستنی ئاسایش و ئارامی هاولاتیان دەکەنەوە لە ” دەستدرێژکاری ” بۆ سەر خاکی عێراق و هەرێمی کوردستان، و تەئکید لەسەر چارەسەرکردنی مووچەی فەرمانبەرانی هەرێم دەکەنەوە.

ئاژانسی هەواڵی عێراق بڵاویکردەوە، عەبدوللـەتیف رەشید سەرۆککۆماری عێراق و محەمەد شیاع سودانی سەرۆکوەزیران گفتوگۆیان لەبارەی پێشهاتە ئەمنییەکان و پێشێلکارییەکانی سەر شار و ناوچە عێراقییەکان کردووە، بە پێشێلکردنی سەروەریی عێراق ناویانبردووە و گوتوویانە، پارێزراویی هاوڵاتییان دەخاتە مەترسییەوە.

سەرۆککۆمار و سەرۆکوەزیرانی عێراق راشیانگەیاندووە، حکومەتی عێراق لایەنی پەیوەندیدارە بە چەسپاندنی یاسا و چاودێریکردنی ئەو رێکارانەی ئاسایش و سەروەریی عێراق دەپارێزن.

لەتیف رەشید و شیاع سودانی پێویستیی چارەسەرکردنی دۆسێ هاوبەشەکانی نێوان حکومەتی فیدراڵ و حکومەتی هەرێمی کوردستانیان بەگوێرەی دەستوور دووپاتکردووەتەوە، داوای یەکلاکردنەوەی پرسی مووچەی مووچەخۆرانی هەرێمیشیان کردووە.

هەواڵی زیاتر

Back to top button