وەزارەتی کارەبای عێراق: چوار هەزار مێگاوات کارەبامان لەدەستداوە

زووم:

 

وەزارەتی کارەبای عێراق رایگەیاند، چوار هەزار مێگاوات کارەبای لەدەستداوە، هۆکارەکەشی بۆ کەمبوونەوەی غازی هاوردەکراو لە ئێران گەڕاندەوە.

وەزارەتی کارەبای عێراق، لە راگەیەندراوێکدا ئاماژەی بەوەکرد، دەیانویست لە رێگەی چالاککردنی وێستگەی گەرمی و دامەزراندنی پڕۆژەی وزەی خۆرەوە، پشتبەستن بە غازی دابینکراو کەمبکەنەوە، بەڵام کەمی هاوردەکردنی غاز کاریگەریی لەسەر وێستگەکانی کارەبا هەیە و بووەتە هۆی لەدەستدانی زیاتر لە چوار هەزار مێگاوات لە سیستمی کارەبا.

وەزارەتی کارەبا راشیگەیاند، بەگوێرەی رێنماییەکانی حکومەت و بە هەماهەنگی لەگەڵ وەزارەتی نەوت، کاردەکەین بۆ قەرەبووکردنەوەی غازی لەدەستچوو بۆ ئەوەی وێستگەکان بە سووتەمەنی جێگرەوە کارپێبکەن، تا دابینکردنی غاز، کە بەهۆی کاری چاککردنەوە لە ناوخۆی ئێران راگیراوە.

هەواڵی زیاتر

Back to top button