مامی گەشتیارە کوەیتییەکە گومانی لە گیانلەدەستدانی برازاکەی هەیە

زووم:

 

 

مامی ئەو گەشتیارە کوەیتییەی لە عێراق گیانی لەدەستدا، دەڵێت، گوماندەکەن برازاکەی بە گوللـە کوژرابێت و دواتر سووتابن، لەکاتێکدا عێراق رایگەیاندبوو، بۆمبیان پێدا تەقیوەتەوە.

تەرمی ئەو دوو گەشتیارە کوەیتی و سعودییەی چەند رۆژی رابردوو لە عێراق گیانیان لەدەستدا، لە وڵاتەکانیان بەخاکسپێردران.

 

برازاکەم لەگەڵ هاوڕێکەیدا بە گوللـە کوژراون

لەسەر ئاستی نافەرمی و لەنێو سعودی و کوەیتییەکان گومان لەسەر گیانلەدەستدانی دوو گەشتیارەکە دروستبووە، دوای بەخاکسپاردنی تەرمی گەشتیارە کوەیتییەکە، ساڵح ئەلموتەیری، کە مامی قوربانییەکەیە و پزیشکە، قسەی بۆ میدیاکان کرد و گومان دەکات برازاکەی لەگەڵ هاوڕێکەیدا بە گوللـە کوژرابێت.

پزیشکەکە دەڵێت، راپۆرتە پزیشکییەکەی حکومەتی عێراقی بینیوە و تیایدا هاتووە، ئەو کەسانە بە “پرژی تیژ” کوژراون و دواتر ئۆتۆمبێلەکەیان سووتاوە، “پرژی تیژیش گولـلەیە، بۆیە سووتاندنەکە پاش کوژرانیان ڕوویداوە، ئەمەش غەدرێکی گەورەیە”.

پێشتر حکومەتی عێراق رایگەیاندبوو، دوو گەشتیارەکە بۆمبی پاشماوەی داعشیان پێدا تەقیوەتەوە و بەو هۆیەوە خۆیان و ئۆتۆمبێلەکەیان سووتاون.

 

 

 

هەواڵی زیاتر

Back to top button