بەرهەم ساڵح: زۆری رێژەی بایکۆت هەڕەشەیە لەسەر پرۆسەی سیاسی عێراق

زووم:

بەرهەم ساڵح سەرۆککۆماری پێشووی عێراق دەڵێت، بایکۆتکردنی هەڵبژاردنی ئەنجومەنی پارێزگاکان لەلایەن زیاتر لە نیوەی دەنگدەردانی عێراقییەوە هەڕەشەیە بۆسەر شەرعیەتی پرۆسەی سیاسی و دەسەڵات.

بەرهەم ساڵح لە گوتارێکدا لە رۆژنامەی شەرقولئەوسەت ئاماژەی بەوەشداوە، هێرشکردنە سەر نێردە دیبلۆماسییەكان و دامەزراوە حكومییەكان و هاوپەیمانی نێودەوڵەتی كە لەسەر داوای حكومەتی عێراق هاتوون، ئاماژەی مەترسیدارن و زیان بە بەرژەوەندییەكانی عێراق و گەلەكەی دەگەیەنن.

لەبارەی دۆخی ئابووری عێراقەوە بەرهەم ساڵح هۆشداری دەدات و دەڵێت، ئێستا داهاتی پێویست لەبەردەستدایە، بەڵام مەرج نییە هەروا بمێنێتەوە، عێراق لەبەردەم تاقیكردنەوەیەكی گرنگدایە، لەژێر سایەی گۆڕانكارییە جیهانییەكاندا و پێشبینییەكان بۆ پاشەكشەی گەشەی ئابووری لە ساڵی نوێدا بەگوێرەی سندوقی نەختینەیی نێودەوڵەتی.

سەرۆککۆماری پێشووی عێراق پێشنیازی چاکسازی دەکات لە سیستمی پەرلەمانیدا و دەڵێت بكرێت بە سیستمی نیمچە سەرۆكایەتی و پارێزگار بەڕاستەوخۆ لەلایەن دانیشتوانی پارێزگاكەوە هەڵبژێردرێت، بەمەش كۆسیستەمی دیموكراتی و لێپرسینەوەی میللی بەهێز بكرێت.

لەبارەی کێشەکانی نێوان هەرێم و بەغداد بەرهەم ساڵح داوا دەکات چارەسەری بنەرەتی بونیادیی پێویست بۆ کێشەی بەردەوامی نێوان هەردوولا بدۆزرێتەوە.

 

 

هەواڵی زیاتر

Back to top button