تەندرووستی جیهانی: رێژەی تووشبوون بە کۆرۆنا 52% بەرزبووەتەوە

زووم:

رێکخراوی تەندرووستی جیهان رایگەیاند، رێژەی تووشبوون بە ڤایرۆسی کۆرۆنا لەسەر ئاستی جیهان 52% بەرزبووەتەوە.

رێکخراوەکە لە راپۆرتی هەفتانەی خۆیدا ئاماژەی بۆ ئەوە کردووە، لە 28 رۆژی رابردوودا بڵاوبوونەوەی ڤایرۆسی کۆڤید-19ی ناسراو بە کۆرۆنا، لە سەرتاسەری جیهان 52% بەرزبووەتەوە و ژمارەی تووشبووانیش لەو ماوەیەدا 850 هەزار کەسی تێپەڕاندوە و حاڵەتەکانی توشبوون بە ڤایرۆسە گۆڕاوەکە لە هەڵکشاندایە.

راپۆرتێکی دیکەی تەندرووستیی جیهانی، هەر لەم مانگەدا هۆشداری دایە جیهان، کە ڤایرۆسی کۆرۆنا بەردەوامە لە خۆگۆڕین و کۆرۆنا گۆڕاوەکەش توانای هەیە ببێتە هەڕەشە بۆ سەر تەندرووستیی مرۆڤ.

ڤایرۆسى کۆرنا لە شاری وھان لە وڵاتی چینەوە لە دوایین مانگی ٢٠١٩دا دەرکەوتووە و پەرەی سەندووە، ڤایرۆسەکە تایبەت بە ئاژەڵان بووە، بەڵام لەو ساڵەدا بۆ مرۆڤ گوازرایەوە، لە نیشانەکانی نەخۆشییەک کە لەم ڤایرۆسەوە سەرچاوە دەگرێت، دەکرێت ئاماژە بە تا، پژمین، کۆکە و ھەندێک جار کێشەی ھەناسەدان بکرێت.

 

 

هەواڵی زیاتر

Back to top button