ژاپۆن سزای ئابووری نوێ بەسەر رووسیا دەسەپێنێت

زووم:
وەزارەتی بازرگانی و پیشەسازی ژاپۆن رایگەیاند، حکومەتی وڵاتەکەی، زنجیرەیەک سزای نوێی ئابووری بەسەر رووسیا دەسەپێنیت، کە راگرتنی ناردەنی و هاوردەیە لەگەڵ 57 کۆمپانیای ئەو وڵاتە.

ئەو سزا نوێیانەی ژاپۆن، سڕکردنی 35 بازرگان و سەرمایەدار و هەڵپەساردنی مامەڵەی بازرگانیکردنە لەگەڵ 43 گروپ و کۆمپانای دیکەی ئەو وڵاتە.

لە راگەیەنراوی وەزارەتەکەی ژاپۆنیشدا هاتووە، لە یەکەم رۆژی ساڵی نوێی 2024ەوە ئەو سزایانە دەچێتە بواری جێبەجێکردنەوە و بە راگرتنی هاوردەی ئەڵماس دەستپێدەکات.

سزا ئابوورییەکانی ژاپۆن، کاریگەری لەسەر دامەزراوە پیشەسازییەکانی رووسیا و بواری فڕۆکەوانی سەربازی و مەدەنی و پیشەسازی دروستکردنی کەشتی جێدەھێڵێت.

بەگوێرەی راگەیەنراوەکەی ئەو وەزارەتەی ژاپۆن، ئەو سزایە دوابەدوای ئەوە دێت، کە رووسیا چەندینجار سنوورە ئاسمانی و ئاوییەکانی وڵاتەکەی بەزاندووە.

هەواڵی زیاتر

Back to top button