ئێران هێشتا نیگەرانە و زیاتری لە عێراق دەوێت: چەککردنی تەواوەتی!

وادیارە بۆ ئێرانییەکان، هێشتا بابەتی دوورخستنەوە و چەککردنی حزبەکانی رۆژهەڵات لە هەرێمی کوردستان تەواونەبووە، چوونکە محەمەد باقری، سەرۆکی ئەرکانی گشتیی هێزە چەکدارەکانی ئێران لەگەڵ گەیشتنی بۆ عێراق و لە کۆبوونەوەکانیدا لەگەڵ بەرپرسان، جەختی لە رێککەوتنەکە ئەمنییەکەی نێوانیان کردەوە کە لە 19ی ئەیلولی ئەمساڵ کۆتا وادەی جێبەجێکردنی بوو.

سەرەتا باقری لەگەڵ عەبدولئەمیر شەمەری، وەزیری ناوخۆی عێراق کۆبوویەوە و گوتی، هێشتا نیگەرانی هەیە لەبارەى بوونی هەندێک چەکداری حزبەکانی رۆژهەڵات کە ئەو بە “حزبە جووداخوازەکان” ناویان دەبات لە سنوورەکانی هەرێمی کوردستان هەن و ئەوان چاوەڕێی دەکەن حکوومەتی عێراق هەنگاو بنێت بۆ چەککردنی تەواوەتی ئەو حزبانە، ئەوەش بەگوێرەی راگەیەنراوی کۆبوونەوەکە کە میدیا ئێرانییەکان بڵاوویان کردووەتەوە.

سرلشکر باقری: دولت عراق تا خلع سلاح کامل گروهک‌های تروریست به اقدامات خود ادامه دهد

گوتیشی، پێویستە سنوری 1.500 کیلۆمەتری نێوان ئەو دوو وڵاتە ئارام و سەقامگیر و ئاسایش بێت، بۆئەوەی تەنها بۆ دۆستایەتی و بازرگانی و گەشتیاری بەکاربهێنرێت.

باقری لە کۆبوونەوەیدا لەگەڵ محەمەد شیاع سودانی، سەرۆکوەزیرانی عێراق و فەرماندەی گشتیی هێزە چەکدارەکان رایگەیاند، ئێران هیوادارە رێککەوتنی ئەمنی نێوان هەردوو ووڵات فراوانتر بکرێت و چەککردنی حزبە ئۆپۆزسیۆنەکانی رۆژهەڵاتیش لە هەرێم جدیتر کاری لەسەربکرێت.

ناوبراو دواتر لە محەمەد سابت، وەزیری بەرگریی عێراق کۆبوویەوە و رایگەیاند، سووپای ئێران ئامادەیە لە بواری تەکتیکی و هونەری هاوکاری سووپای عێراق بکات و زانست و ئەزمونەکانیان بدەنە عێراقییەکان.

اعلام آمادگی ایران برای انتقال دانش و تجارب به نیروهای مسلح عراق

هاوکات ئامادەیی وڵاتەکەی دەربڕی بۆ ئەنجامدانی مەشقی سەربازیی دەریایی دووقۆڵی یاخود چەندقۆڵی لە کەنداوی عەرەبدا.

ئەو لە کۆبوونەوەیدا لەگەڵ عەبدولئەمیر یارەڵا، هاووتا عێراقییەکەی، گوتی، ئەنجامدانی مەشقی سەربازی لە سنورەکانی هەردوو وڵات دەبێتەهۆی سەقامگیری زیاتری ئەو سنورانە و دەتوانن هاوکارییەکانیان زیاتر بکەن.

سرلشکر باقری: برگزاری رزمایش‌ مشترک در مرزهای ایران و عراق باعث تأمین امنیت پایدار می‌شود

هەواڵی زیاتر

Back to top button