رۆژنامەکان: بانکی نێودەوڵەتی هۆشداری دەدات لە بەرزبوونەوەی نرخی بەرمیلێک نەوت بۆ سەروو 150 دۆلار

رۆژنامەکانی ئەمڕۆ چوارشەممە، 1ی تشرینی دووەمی 2023

رۆژنامە عەرەبییەکان

سەباح

  • سودانی دەڵێت، حکومەت هەموو پێویستییەکانی پرۆسەی هەڵبژاردنی تەواوکردووە
  • لیژنەی سەرچاوە مرۆییەکانی پەرلەمان بەدووری دەزانێت لەم خولەی پەرلەمان یاسای نەوت و گاز پەسەند بکرێت
  • بانکی نێودەوڵەتی هۆشداری دەدات لە بەرزبوونەوەی نرخی بەرمیلێک نەوت بۆ سەروو 150 دۆلار

شەرقولئەوسەت

  • سەردانی پەرلەمانتارانی عێراق بۆ سنوورەکانی کوەیت، قەیران “خور عەبدوڵڵا” دەتەقێنێتەوە
  • ناکۆکیەکی توند لەنێوان سەدر و چوارچێوەی هەماهەنگی سەریهەڵداوە، بەهۆی داواکاری داخستنی باڵیۆزخانەی ئەمریکا لە عێراق
  • ئیسرائیل گەڕەکێکی کەمپی جەبەلیە بەتەواوی دەسڕێتەوە

عەرەب

  • بەغداد سەرکردەکانی یەکێتی راسپاردووە بۆ چارەسەرکردنی دۆسیەی پارتی کرێکارانى کوردستان بەشێوازی ئاشتییانە
  • چین تینووی نەوتی کەنداوە و بەنیگەرانیەوە چاودێری جەنگ دەکات
  • فەرەنسا هێشتا گرەو لەسەر هەژموونی خۆی لە لیبیا دەکات

زەمان

  • بەغداد و تاران بیر لە بەکارهێنانی دراوی خۆیان دەکەنەوە لە مامەڵە بازرگانییەکاندا
  • نەخۆشخانە و ناوەندی تەندروستی تازە لە کەرکوک دەکرێنەوە
  • داوای ئەنجامدانی لوتکەیەکی بەپەلە دەکرێت لە ریاز سەبارەت بە دۆخی غەزە

رۆژنامە ئینگلیزییەکان

گاردیان

  • لە هێرشە ئاسمانییەکان ئیسرائیل بۆسەر کەمپی جەبالیا دەیان فەلستینی کوژران و ناوچەکە بووە بە گۆڕستانی منداڵان
  • مانگی داهاتوو جۆ بایدنی سەرۆکی ئەمریکا و شی جینپینگی سەرۆکی چین بۆ “گفتوگۆی بنیادنەرانە” یەکتریی دەبینن
  • بەگوێرەی لێکۆڵینەوەیەک، لەناوچوونی دارستانەکان لە بەرازیل کاریگەرییەکی گەورەی هەیە لەسەر بەرزبوونەوەی پلەکانی گەرمای ناوچەکە

واشنتن پۆست

  • ‌هێرشەکانی ئیسرائیل کامپێکی ئاوارەکان لە غەزە خاپوردەکات و ئیسرائیل دەڵێت فەرماندەیەکی حەماسیان کوشتووە
  • دوای سێ هەفتە لە هێرشەکەی حەماس، هێشتا ناسنامەی بەشێک لەوانەی بە موشەکەکانی حەماس سوتاون، ناناسرێنەوە
  • شەڕ لەناو شاری ئاڤدیڤکای خاپورکراوی ئۆکراین لەنێوان سوپای روسیا و ئۆکراین لە دۆخێکی سەختدایە

ئۆرشەلیم پۆست

  • لەگەڵ بەردەوامیی هێرشی زەمینی بۆ سەر غەزە، دوو سەربازی ئیسرائیلی کوژران
  • ئەمریکا نیگەرانە لەوەی تەکنەلۆژیای سەربازیی روسیا کە وەک هاوکاری بۆ ئێران دەنێردرێت، ئیسرائیل بکاتە ئامانج
  • هێزی بەرگریی ئیسرائیل مەترسییەکانی سەر شاری ئیلات پوچەڵدەکاتەوە و هێرشەکانی بۆسەر کامپی جێنین دەستپێکردووە

عەرەب نیوز

  • شەڕی تونێڵەکان دەستیپێکردووە و ئیسرائیل و حەماس لەژێر زەویدا شەڕدەکەن
  • گفتوگۆکانی ئیمارات بەر لە ئەنجامدانی لوتکەی COP28ی مانگی داهاتوو بۆ چارەسەری گۆڕانکاریی کەشوهەوا لە جیهاندا، بەڕێوەدەچن
  • سعودیە وەک تەنها وڵات بۆ ویستی میوانداریکردنی جامی جیهانیی تۆپی پێی ساڵی 2034 مایەوە

رۆژنامە تورکییەکان

بیرگون

  • سه‌ده‌ی كۆشک: قۆناغی نوێ كه‌ ده‌سه‌ڵاتی ئاك پارتی كه‌ دوژمنی كۆماره‌ به‌ “سه‌ده‌ی توركیا” ناوی ده‌بات به‌ فشاری زیاتر، سانسۆر و نادادی ده‌ستیپێكرد
  • گوڵتان كشاناک حه‌وت ساڵی ته‌واوكردووه‌ له‌ زینداندا و ئازاد نه‌كراوه‌، داواكاری پێشكه‌شی دادگای ده‌ستووریی كراوه‌ و هێشتا وه‌ڵام نه‌دراوه‌ته‌وه‌
  • له‌ 40هه‌مین پێشانگای كتێبی ئه‌سته‌نبوڵدا كتێب زۆره‌ به‌ڵام له‌به‌ر قه‌یرانی دارایی كڕیاری نییه‌

سۆزجو

  • مامۆستایه‌ک له‌ ئه‌نتاڵیا دوای ئه‌وه‌ی ره‌خنه‌ی له‌ “سه‌ده‌ی توركیا” گرت به‌تۆمه‌تی هاندانی رق و كینه‌ ده‌ستگیركرا
  • له‌كۆی ئه‌و 3542 منداڵه‌ی ئیسرائیل له‌ماوه‌ی 25 رۆژدا كوشتوویه‌تی 133یان، ساوان
  • په‌رله‌مانتارێكی سه‌عاده‌ت بۆ ده‌سه‌ڵات: 21 ساڵه‌ له‌ ده‌سه‌ڵاتدان و هه‌موو هه‌ڵبژاردنێك له‌ رێگه‌ی به‌كارهێنانی غه‌ززه‌وه‌ داوای ده‌نگتان كردووه‌. ئه‌و هه‌ڵوێسته‌ی ئاسایشی ئیسرائیلی پاراستووه‌ ناوی پرژه‌ی خۆرهه‌ڵاتی ناوه‌ڕاستی گه‌وره‌یه‌

ئه‌ڤره‌نسه‌ل

  • پارێزه‌ره‌كه‌ی پێی وایه‌، پێویسته‌ سه‌رجه‌م پارته‌كانی ئۆپۆزسیۆن كاردانه‌وه‌ دژی ئازادنه‌كردنی كشاناک نیشانبده‌ن و هه‌مووان له‌وباره‌یه‌وه‌ هاوڕا بن
  • دوای ئه‌وه‌ی ده‌وله‌ت باخچه‌لی، سه‌رۆكی گشتی مه‌هه‌په‌ كه‌ هاوبه‌شی ده‌سه‌ڵاته‌ داوایكرد دادگای ده‌ستووریی دابخرێت، له‌ ئێستادا بڕیاره‌كانی دادگاكه‌ جێبه‌جێ ناكرێن و سفر ده‌كرێنه‌وه‌
  • چه‌ند هێرۆشیمای دیكه‌؟ ده‌سه‌ڵاتدارانی غه‌ززه‌ ئاشكرایانكرد ئیسرائیل له‌ ماوه‌ی جه‌نگدا 18 هه‌زار بۆمبی به‌سه‌ر كه‌رته‌كه‌دا باراندووه‌ كه‌ ده‌كاته‌ ئه‌وه‌نده‌ و نیوێكی ئه‌و بۆمبه‌ی له‌ هێرۆشیما درا

جمهورییه‌ت

  • ده‌سه‌ڵاتی ئاک پارتی له‌رێگه‌ی پرۆژه‌یه‌كه‌وه‌ كه‌ پێشكه‌شی په‌رله‌مانی كردووه‌، به‌بیانووی بوومه‌له‌رزه‌ چاوی بڕیوه‌ته‌ موڵكی هاووڵاتییان و به‌نیازه‌ ده‌ستی به‌سه‌ردا بگرێت
  • ئیسرائیل پلانی هه‌یه‌ زۆرینه‌ی دانیشتوانی كه‌رتی غه‌ززه‌ كه‌ ژماره‌یان 2,3 ملیۆنه‌، بۆ بیابانی نیوه‌دوورگه‌ی سینا بگوازێته‌وه‌ له میسر
  • كلچدارئۆغڵو له‌ دوایین كۆبوونه‌وه‌ی دامه‌زراوه‌ی ناوه‌ندیی جێبه‌جێكردنی جه‌هه‌په‌دا داوایكردووه‌ له‌ كۆنگره‌دا دیمه‌نی شه‌ڕ درووست نه‌بێت و دڵنیا بووه‌ له‌وه‌ی ده‌بێته‌وه‌ به‌ سه‌رۆكی پارته‌كه‌

رۆژنامە فارسییەکان

کەیهان

  • بەرەی مقاومەت یەکگرتووانە دژ بە ئیسرائیل دەجەنگن؛ حووسییەکانی یەمەن شەڕیان دژبە ئیسرائیل راگەیاند و “انصاراللە” چووە ریزی حیزبوڵڵاوە
  • حیزبوڵلای لوبنان بە 100 هەزار موشەکەوە هێرش دەکاتە سەر ئیسرائیل
  • وەزیری دەرەوەی ئێران: گرووپەکانی سەر بە بەرەی مقاومەت بەرانبەر بە جینایەتەکانی رژیمی زایونیستی چاوەڕوانی ئامۆژگاری کەس ناکەن

ئەبرار

  • غەززە پێی‌ گوتین چ وڵاتێک مەترسیدارە، لەوانەیە ئیسرائیل دژ بە خەڵکی غەزە چەکی کیمیایی بەکاربێنێ
  • لە کۆچکردن بەرەوهەندەران و بەجێهێشتنی وڵاتدا، ئێران پلەی جیهانیی دەستەبەرکرد. لە ماوەی یەکساڵدا 115 هەزار ئێرانی وڵاتەکەیان بەجێهێشتووە
  • ڤلادمیر زلینسیکی باوەڕی بە خیانەتی رۆژاوا بە ئۆکراین هێنا

جمهووری ئیسلامی

  • هەوڵەکان بۆ راگرتنی شەڕی ئیسرائیل و غەزە بەدەوامە و هەر لایەنێک بۆ مەرامی خۆی خوازیاری راگرتنی شەڕەکەیە
  • سەرۆککۆماری پێشووی ئێران: قسە و لێدوانی بەشێک لە بەرپرسانی حکومەت ئەسڵ و ئەساسی نیە و نالێهاتوویی خۆیان دەخەنە ئەستووی حکومەتی پێشوو
  • وەزیری دەرەوەی ئێران بۆ سی ئێن ئێن: کۆماری ئیسلامی ئێران هیچ گروپ و جەنگێکی نیابەتی نەبووە و نیە

ئێران

  • ئیسرائیل بە بۆمبی ئەمریکایی هێرشی کردە سەر کەمپی پەنابەرانی جەبالیە و بە سەدان پەنابەر کوژراو و بریندار هەیە
  • گەردەلوولی ئەقسا، ئابووریی ئیسرائیلی خلۆر کردەوە؛ هێرشی رژیمی زایونیستی بۆ غەزە تێچوویەکی 7 میلیار دۆلاری بەسەر کابینەی حکومەتەکەی ناتانیاهۆ‌دا سەپاند
  • فەرماندەکانی ئەمریکا لە ژووری عەمەلیاتی ئیسرائیل بەدژی غەزە ئامادەییان هەیە و سەرپەرشتى دەکەن

هەواڵی زیاتر

Back to top button