لە بەردەم هەر کۆمەڵە تانک و ئۆتۆمبێلێکی سەربازی کە ئیسرائیل لە سنوری غەزە بۆ هێرشی زەمینی ئامادەیکردوون، بیلدۆزەرێکی گەورە و زەبەلاح لە پێشیانەوە وەستاوە و سوپا زۆر پشتی پێ دەبەستێت بۆ چوونەناو غەزە و کردنەوەی رێگاکان، ئەویش بیلدۆزەری D9Rـە کە بە تێدی بییە (Teddy Bear) ناسراوە، نرخی هەر یەکێکیان دەگاتە نزیکەی یەک ملیۆن دۆلار.
بیلدۆزەرە زرێپۆشەکە لەلایەن کۆمپانیای کاتە پیڵەری ئەمریکییەوە دروستکراوە و سوپای ئیسرائیل 100 دانەی لەو جۆرە هەیە و بە شێوەیەکی کاریگەری پشتی پێبەستووە بۆ هێرشە چاوەڕوانکراوە زەمینییەکەی بۆسەر غەزە، چونکە هاوکاری کەمکردنەوەی زیانەکان دەدات، ئەوەش بەپێی راپۆرتێکی ئیندیپێندنتی بەریتانی.
کێشی بیلدۆزەرە زرێپۆشەکە 62 تۆنە، بەرزییەکەی چوار مەترە و درێژی و پانییەکەی هەشت مەتر دەبێت.
In preparation for the next stages of combat, the IDF operated in northern Gaza.
IDF tanks & infantry struck numerous terrorist cells, infrastructure and anti-tank missile launch posts.
The soldiers have since exited the area and returned to Israeli territory. pic.twitter.com/oMdSDR84rU
— Israel Defense Forces (@IDF) October 26, 2023
تۆڕی هەواڵیی فۆکس نیوزی ئەمریکی دەڵێت، ئەو بیلدۆزەرە رۆڵی کاریگەری هەیە بۆ دەربازبوون بە کۆڵانە باریکەکان و روخاندنی تونێلەکان و هەروەها کردنەوەی رێگا بۆ هێزی پیادە، تێدی بییەر بزوێنەری کات 3408سی لەسەرە و هێزەکەی یەکسانە بە 405 ئەسپ، زیاتر لە 70 تۆنیش رادەکێشێت.
بیلدۆزەرەکە تایبەتمەندی تایبەتی تێدا و چەند زرێپۆشێکی زیادەی بۆکراوە، دەتوانێت بەرگەی چەند جۆرە موشەکێک بۆ نمونە ئار پی جی بگرێت، و شوشەکانی گوللـەنەبڕن، زیاتر لەوەش، چەند جۆرە چەکێکی لەسەر دەبەسترێت و ئەوەش ئەرکی شەڕکردنی زیاد دەکات.
تێدی بییە بیلدۆزەرێکی فرەئەرکە، بۆ نمونە هەڵکەندنی خەندەق، دانانی پایە و راگر، هەروەها دروستکردنی دیواری بەرگریی، دوو کەسی تێدا جێدەبێتەوە و زۆر پارێزراو دەبن تێیدا.
بیلدۆزەری تێددی بییە تەنها ئامێرێکی سەربازییە نییە، بەڵکو سنبوڵی هێزی سوپای ئیسرائیلە، دەتوانێت روبەڕوی مین و بۆمبی چێنراو ببێتەوە و بیانتەقێنێتەوە، بۆیە دەکرێت لە شەڕی چاوەڕوانکراوی غەزەدا رۆڵێکی سەرەکی ببینێت بۆ پاککردنەوەی کۆڵانە رووخاوەکانی ئەگەرهاتوو هێرشەکە ئەنجامدرا.
