رۆژنامەکان: بەخشینی باڵەخانەی حزبەکەی بارزانی لە کەرکوک لە بەرامبەر وەرگرتنی چەند گرەنتیەک بووە

رۆژنامەکانی ئەمڕۆ شەممە، 28ی تشرینی یەکەمی 2023

رۆژنامە عەرەبییەکان

شەرقولئەوسەت

  • بەخشینی باڵەخانەی حزبەکەی بارزانی لە کەرکوک لە بەرامبەر وەرگرتنی چەند گرەنتیەک بووە
  • سەرکردەیەکی باڵای هەسەدە لە بۆردومانی تورکیا گیانی لەدەستدا
  • وەزیرەکانی ئیسرائیل نەتەنیاهۆ تۆمەتبار دەکەن بە شاردنەوەی پلانە سەربازییەکان لێیان

قودسی عەرەبی

  • پنتاگۆن بەئامانجگرتنی دوو دامەزراوەی سوپای پاسدارانی لە سوریا راگەیاند
  • سەدر داوای داخستنی باڵیۆزخانەی ئەمریکا لە عێراق دەکات
  • حەماس سەرجەم بارمتەکان وەک ئیسرائیلی هەژمار دەکات و دەڵێت کەس ئازاد ناکەین تا کاتی ئاگربەست

عەرەب

  • ئەمریکا وەڵامی هێرشەکانی میلیشیاکانی ئێرانی لە سوریا دایەوە
  • یەکینە چەکدارە عێراقیەکان، خۆنیشاندانی رەمزی دەکەن دژ بە هێزە ئەمریکییەکان
  • سەرنووسەری رۆژنامەیەک لە ئێران بانگهێشتی دادگا کرا، بەهۆی بڵاوکردنەوەی راپرسیەک کە دەڵێت زۆرینەی ژنانی ئێران دژی سەرپۆشن

زەمان

  • عەین ئەسەد دووبارە بە ئامانج گیرا، سەدر داوا لە حکومەت دەکات باڵیۆزخانەی واشنتن دابخات
  • شاندێکی ئەوروپی لە بەغدادەوە جەختدەکاتەوە لە گرنگی هێوردکردنەوەی دۆخی غەزە
  • نەتەوەیەکگرتووەکان هۆشداری لە ئابڵوقەی سەر غەزە دەدات

رۆژنامە ئینگلیزییەکان

گاردیان

  • خەڵکی غەزە لەسەر شەقامەکانن و بەبێ سوتەمەنی و بەبێ کارەبا، هیچ شوێنێکی پارێزراویان نییە
  • لە ساڵی داهاتووەوە بۆریس جۆنسۆن، سەرۆکوەزیرانی پێشووی بەریتانیا دەبێتە پێشکەشکاری کەناڵی هەواڵیی GB
  • بەهۆی مەترسیی ئازادکردنی دیلەکانیان، بەشێک لە هاوڵاتیانی ئیسرائیل نایانەوێت سوپای وڵاتەکە هێرشی زەمینی بکاتە سەر غەزە

واشنتن پۆست

  • ئیسرائیل دەستی بە قۆناغێکی تازەى شەڕ کردووە و هێرشە زەمینییە کاتییەکانی بۆ سەر غەزە فراوانکردووە
  • ئەو تۆمەتبارەی کوشندەترین رووداوی ئەمساڵی ئەمریکای ئەنجامدا کە هەفتەی رابردوو 18 کەسی کوشت، بە مردوویی دۆزرایەوە و پێدەچێت خۆی کوشتبێت
  • بەگوێرەى لێکۆڵینەوەیەک، خێرایی و هەماهەنگیی ‌‌هێزیی بە چەکدارانی حەماس بەخشیوە لە کاتی ئەنجامدانی هێرشەکەی 7ی ئۆکتۆبەردا

عەرەب نیوز

  • حەماس دەڵێت، دەستبەسەرکراوەکانی لای خۆیان دەهێڵنەوە تا ئەوکاتەی ئیسرائیل هێرشە ئاسمانییەکان دەوەستێنێت
  • بەهۆی بەئامانجگرتنی بنکە سەربازییەکانی ئێران لە سوریا و مەترسیی تەشەنەسەندنی شەڕەکە نرخی نەوت بەرزبووەوە
  • دوای ئەوەی 121 وڵاتی جیهان دەنگیاندا بە پرۆژەیاسایەکی نەتەوەیەکگرتووەکان بۆ راگەیاندنی ئاگربەست، نێردەی فەلەستین دەڵێت “چاکەخوازیی هێشتا لە جیهاندا ماوە”

 

چاینە دەیلی

  • خۆپیشاندەران لەسەر باڵەخانەی دادگای مانهاتنی ئەمریکا بانگەوازیی ئاشتی بۆ شەڕەکەی غەزە نمایشدەکەن
  • کۆبوونەوەی نێوان بەرپرسانی باڵای نێوان چین و ئەمریکا بۆشاییەکانی نێوان ئەو دوو وڵاتە کەمتردەکاتەوە
  • قازانجە پیشەسازییەکانی چین لە چارەکی کۆتایی ئەمساڵدا روویان لە گەشەکردندایە

رۆژنامە تورکییەکان

حوڕییه‌ت

  • سه‌كرده‌كانی یه‌كێتیی ئه‌وروپا له‌ برۆكسل كۆبوونه‌وه‌ و نه‌یانتوانی بانگه‌وازی ئاگربه‌ست له‌ غه‌زه‌ بكه‌ن
  • هاوكات نه‌ته‌وه‌یه‌كگرتووه‌كان بڕیاری بانگه‌وازی ئاگربه‌ستی په‌سه‌ندكرد كه‌ ئیلزامی نییه‌
  • یۆنان رایگه‌یاند، سوپرایزێكی هه‌یه‌ سه‌باره‌ت به‌ ئاسانكاریی پێدانی ڤیزه‌ به‌ هاوڵاتییانی توركیا و ڤیزه‌ی حه‌وت دوورگه‌ی یۆنان بۆ ماوه‌ی ساڵێک دەتوانن وه‌ربگرن

سۆزجو

  • ئه‌مڕۆ ئاكپارتی گردبوونه‌وه‌ی جه‌ماوه‌ری بۆ فه‌له‌ستین ده‌كات  و ئۆپۆزسیۆن خۆ نمایشكردن وەسفى دەکات
  • سه‌رۆكایه‌تی كاروباری ئایینی توركیا دیسان یادی ئه‌تاتوركی نه‌كرده‌وه‌
  • سه‌رۆكی گشتی جه‌هه‌په‌: ده‌سه‌ڵاتێكمان هه‌یه‌ كه‌ له‌ 100هه‌مین ساڵیادی دامه‌زراندنیدا، خۆی له‌ كۆمار به‌دوور ده‌گرێت

جمهورییه‌ت

  • هێرش بۆ سه‌ر عه‌لمانیه‌ت؛ سه‌رۆكایه‌تی كاروباری ئاینی فه‌رمانی كردووه‌ ئاسانكاریی بۆ مامۆستایانی ئایینی بكرێت له‌وه‌ی بچنه‌ خوێندنگه‌كان
  •  تا دێت برینی فه‌ڵه‌ستینییه‌كان قووڵتر ده‌بێته‌وه‌ و 7326 فه‌ڵه‌ستینی كوژراون
  • ئێران رایگه‌یاند، حه‌ماس ئاماده‌یه‌ بۆ ئازادكردنی بارمته‌كان و توركیا داوا له‌ ئیسرائیل ده‌كات گوێ له‌ بانگه‌وازه‌كه‌ی بۆ ئاگربه‌ست بگرێت

ئه‌ڤره‌نسه‌ل

  • خوێندكارانی زانكۆ رژاونه‌ته‌ سه‌ر شه‌قامه‌كان؛ ‘ئه‌گه‌ر ئێمه‌ شوێنی مانه‌وه‌مان نه‌بێت، ئێوه‌ش ناتانبێت’
  • گولتان كشاناک هاوسه‌رۆكی پێشووتری شاره‌وانی ئامه‌د، ماوه‌ی سزای حه‌وت ساڵی له‌ 25ی تشرینی یه‌كه‌مدا ته‌واوكرد، بەڵام ئازاد نەکراوە
  • عومه‌ر فاروق گه‌رگه‌رلیئۆغڵو، په‌رله‌مانتاری هه‌ده‌پ دەڵێت، حكومه‌ت به‌ناوی هاوكاریكردنی ده‌سته‌، كۆمه‌ڵه‌، یه‌كێتی و ده‌زگاكانه‌وه‌ 1,4 ملیار لیره‌ ده‌شارێته‌وه‌

رۆژنامە فارسییەکان

جمهوری ئیسلامی

  • نەتەوەیەکگرتووەکان رایگەیاند، ئیسرائیل خەریکی کاولکردنی غەزەیە و تائێستا 7,326 کەس گیانیان لەدەستداوە
  • لە وڵامدانەوە بە هێڕش بۆ سەر بنکە سەربازییەکانی لە ناوچەکە، ئەمریکا بنکە سەربازییەکانی بەرەی مقاومەت و ئێرانی لە سووریە کردووتە ئامانج
  • بۆ هەڵبژاردنەکانی پەرلەمانی ئێران 24,829 کەس خۆیان کاندید کردوە

کەیهان

  • وەزیری دەرەوەی ئێران لەسەر درێژەی هێرشەکانی ئیسرائیل بۆ غەزە دەڵێت، ئەگەر جینایەتەکانی ئیسرائیل دریژەیان هەبێت، ئەمریکاش لەم ئاوەرەوە دەگلێت
  • پێشنوێژی رۆژی هەینیی تاران گوتی، گەردەلوولی ئەقسا گۆڕانکارییەیکی گەورەی لە مێژووی هاوچەرخی ئێمەدا پێکهێنا
  • درووشمی “نە غەزە نە لوبنان، گیانم بە فیدای ئێران” بۆ یەکەمجار لە لایەن وەزارەتی دەرەوەی ئیسرائیلەوە هاتە گۆڕێ

ئەبرار

  • فەرماندەی سپای پاسدارانی رووبە ئیسرائیل و هاوپەیمانەکانی رایگەیاند، ئەگەر کۆتایی بەم شەڕە نەهێنن، لەشەڕی زەمینی‌ قوت دەردرێن
  • ئێران پێوەندییەکی دۆستانەی باشی لەگەڵ سعودیە، تورکیا و ئیماراتی عەرەبی‌ هەیە
  • قەتەر 8 کەسی خەڵکی هێندستانی بە تاوانی سیخوڕێکردن بۆ ئیسرائیل بە لەسێدارەدان سزا دەدات

شەرق

  • ئێران لە هەوڵدایە بەتەواوی رێککەوتنی 25 ساڵەی خۆی لەگەڵ حکومەتی چین بخاتە بواری جێبەجێکردنەوە
  • رێبەرانی ئەوروپا و نەتەوەیەکگرتووەکان سەبارەت بە دۆخی نالەباری مرۆیی خەڵکی غەزە هوشداری دەدەن
  • مامۆستایانی زانکۆ و لێکۆڵەران نامەیەکی توندی رەخنەئامێز ئاراستەی رێکخراوی دارستانەکانی ئێران دەکەن و لەگەڵ داوای چاندنی یەک ملیۆن نەمام، خوازیاری پێداچوونەوە بە پێکهاتەی ئەم رێکخراوەیەن

هەواڵی زیاتر

Back to top button