رۆژنامە ئینگلیزییەکان
گاردیان
- رێکخراوەکانی هاریکاریی دەڵێن دۆخی لیبیا بەهۆی لافاوەکەوە کارەساتبارە و رەنگە ژمارەی گیان لەدەستداوان بگاتە 10 هەزار کەس
- ڤلادیمیر پوتین لەگەڵ کیم جۆنگ ئونی سەرۆکی کۆریای باکور کۆدەبێتەوە دوای ئەوەی دوێنێ سەرۆکی ئەو وڵاتە بە شەمەندەفەر گەیشتە روسیا
- نەوەکانی ئەو کەسانەی کە 230 ساڵ لەمەوبەر لە ویلایەتی جۆرجیای ئەمریکا بە کۆیلە کراون داوا دەکەن خاکەکەیان نەسڕدرێتەوە
چاینە دەیلی
- شی جینپینگی سەرۆکی چین نامەیەک ئاراستەی سەرۆکی ئەنجومەنی لیبیا دەکات بەبۆنەی ئەو لافاوە کوشندەیەی کە ناوچەیەکی وڵاتەکەی وێران کردووە
- سەرۆکی چین داوا لە کرێکارانی خاڵە سنورییەکانی وڵاتەکەی دەکات کە باشتر خزمەتی وڵاتەکەیان بکەن
- یەکەم 500 باشترین و پێشکەوتوترین کۆمپانیای تایبەتی چین داهاتەکانیان زیادیکردووە و وەبەرهێنان لە بواری لێکۆڵینەوە و گەشەپێدان زیاتر دەکەن
واشنتن پۆست
- سەرەرای کەمبوونەوەی هاوردەی حەبی ئازارشکێنی ئۆپیۆید لە ئەمریکا، خواست لەسەری بەشێوەیەکی بەرچاو زیادیکردووە
- رێژەی هەژاریی لە ئەمریکا لە ساڵی رابردوودا لە 7.8%ەوە بۆ 12.4% زیادیکردووە
- سەرەڕای مردن و بێسەروشوێنبوونی هەزاران کەس لە لیبیا، ناکۆکی لایەنەکانی ئەو وڵاتە بووەتە رێگر لەبەردەم گەیاندنی هاوکارییەکان
عەرەب نیوز
- کۆمپانیای ئاپڵ بەفەرمیی ئایفۆن 15ی راگەیاند و لە گرنگترین گۆرانکارییەکانیش دانانی شوێنی بارگاویکردنەوەی تایپ سی و روکاری تایتینیۆمە بۆ مۆبایلەکە
- دادگای باڵای ئیسرائیل لەبارەی چاکسازییەکانی کەرتی دادوەریی وڵاتەکەی، کە چەندین خۆپیشاندان و نارەزایەتی بەدوای خۆیدا هێنا، کۆدەبێتەوە
- جیهانی عەرەبی بەپەلەن بۆ ئاوەی هاوکاریی قوربانییانی روداوەکانی لیبیا و مەغریب بکەن کە بەهەردووکیان تاوەکو ئێستا زیاتر لە پێنج هەزار کەس گیانیان لەدەستداوە
رۆژنامە عەرەبییەکان
سەباح
- ئارامى کەرکوک هێزە ئەمنییەکان دەگێڕێتەوە شوێنەکانى پێشووییان و لیژنەى لێکۆڵینەوە لە راستییەکان دەستبەکارەکانى دەکات
- نەوت: پرۆژەى پترۆکیمیاوییەکان لە عێراق زیاتر لە 40 هەزار هەلى کار دەڕەخسێنن
- عێراق پێشوازیى لە کردنەوەى باڵیۆزخانەى نەمسا لە بەغداد دەکات
شەرقولئەوسەت
- عێراق پێشبڕکێ لەگەڵ کاتدا دەکات بۆ رێگریی لە دەستپێکردنەوەى بۆردومانەکانى ئێران بۆسەر هەرێمى کوردستان
- سودانى: کێشەى کەرکوک سیاسییە نەک ئەمنى
- ئەپڵ “ئایفۆن 15″ى ئاشکراکرد؛ شەحن و کامێراکەى تازەیە
قودسى عەرەبى
- قەیرانى مووچەى فەرمانبەران لە کوردستان: بەغداد “پێشێلکردنى یاسا” رەتدەکاتەوە و هەولێریش بە “کوشتنى کات” تۆمەتبارى دەکات
- لە پاش بومەلەرزەکەى مەغریب 300 هەزار کەس لەسەر شەقام و کۆڵانەکان دەخەون
- نەتەوەیەکگرتووەکان “پشتیوانى خێرا” بە کوشتنى سەدان کەس لە رۆژئاواى دارفۆرى سودان تۆمەتباردەکات
عەرەب
- قەدەغەکردنى نیقاب لە قوتابخانەکانى میسر سەرەتایەکە بۆ بەرەنگاربوونەوەى سەلەفییەکان
- بەر لە هەفتەیەک لە کۆتاییهاتنى وادەکەى ئێران، عێراق چەکدارانى کورد بۆ ناوخۆ دەگوازێتەوە
- بێسەروبەرى هۆکارى خراپ هەڵسەنگاندنى قەبارەى زیانەکانى زریانى دنیاڵە لە رۆژهەڵاتى لیبیا
رۆژنامە فارسییەکان
شەهروەند
- وەزیری دەرەوەی ئێران دەڵێت، وێڕای پاراستنی هێڵە سوورەکان ئامادەن لەگەڵ ئەمریکا بکەونە وتویژەوە
- هەندێک گومان و ناڕوونی لەسەر “کۆچی دوایی” یان “شەهیدبوون”ی پێغەمبەری ئیسلام، قسەی لەسەر دەکرێت
- 200 نوێنەری پەرلەمانی ئێران بەبۆنەی باش بەڕێوەچوونی رێوڕەسمەکانی ئەربەعینەوە دەستخۆشی لە سەرۆکۆماری وڵاتەکەیان دەکەن
کەیهان
- سەرۆکۆماری ئێستای ئێران 550 هەزار میلیار تمەن قەرزی حکومەتی پێشووی وڵاتەکەی پاک کرد
- ئەمریکا بە ئازادکردنی شەش میلیار دۆلار بۆ ئێران، ئاوێکی ساردی بەسەر ئۆپۆزیسیۆنی وڵاتەکە‌دا کرد
- پێشبینی دەکرێت هاتنی لافاو لە لیبیا 10 هەزار گیانلەدەستدان و 100 هەزار بێسەروشوێنی لێبکەوێتەوە
ئەبرار
- بۆچوونی ئەمریکا لەسەر ناجێگیربوونی ئابووریی چین رەتدەکرێتەوە
- ئەندامێکی کۆڕی بەرژەوەندییەکانی حکومەتی ئیران دەڵێت، لە ئێستادا پێگەی نێودەوڵەتیی وڵاتەکەی خراپ و ناسەقامگیرە
- وەزیری دەرەوەی ئێران لە دیدار لەگەڵ سەرۆکی یەکێتیی نیشتمانی کوردستاندا پێداگری لەسەر چەککردنی حزبەکانی رۆژهەڵاتی کوردستان کرد
هەمشەهری
- دوژمن دەیەوێت لە رێگەی ناکۆکییە قەومی و ئایینیەکان و پرسی ژنانەوە، لە ئێران‌دا قەیران بخوڵقێنێت
- فواد حوسێن، وەزیری دەرەوەی عێراق رایگەیاند، بەغداد پابەندى رێککەوتنی ئەمنیی وڵاتەکەی لەگەڵ ئێران دەبێت
- مەغریب وڵامی پێوەندییەکانی فەرەنسا ناداتەوە و ئاڵۆزییەکان بەرەو لێواری شەڕیان دەبات
